Jesaja 26:4 - O Debleskro Drom 2021 (Sinte)

⁴ Doleske, rikrenn tumen ap o baro Debleste hako tsiro, O baro Dewel, maro rai, hi har i baro sorelo bar, pash leste nai khatrah men hako tsireske.

O Debleskro Lab 2024 (Sinte-Manouche)

⁴ Doleske, rikrenn t'men ap o baro Debleste hako tsiro, O baro Devel, maro ray, hi har i baro zorelo bar, pash leste nay khatrah men hako tsireske.

Jesaja 26:4 ပူးပေါင်းရင်းမြစ်များ

2. Familjakro liil 20:20

Un jon stan sik taissarlake pre, un djan win an o mulo them Tekoa. Har jon win djan, djas o Josafat glan lende, un penas: Murshale dran Juda un Jerusalem, shunenn, hoi tumenge penau: Patsenn o baro Debleske, kai tumaro Dewel hi, un tumer atchenn sorelo, patsenn, hoi leskre rakepangre tumenge penan, palle well lauter mishto tumenge.

2. Familjakro liil 32:8

O baro rai dran Assur rikrell pes ap i menshengri soor. Pash mende hi o baro Dewel, kai maro Dewel hi. Job well menge ap i rig un kurell pes menge.” Un i menshe rikran pen ap kol laba, hoi lengro baro rai, o Hiskija, lenge penas.

Hiob 9:19

Te djoms ap leste sorjah, job hi o sorleder! Te kamoms les glan i tchatchepangre te anell, penals lo: Kones kameh te bitchrell, te anell lo man koi?

Debleskri gili 125:1

I gili te giwell ap o drom an Jerusalem. Kolla, hoi ap o baro Debleste patsenna, hi har i berga Zion, hoi soreles tardo hi, un atchell hake tsirenge.

Debleskri gili 18:2

Un job penas: Baro Dewel, miro tselo djijestar kamau tut. Tu kreh man soreles.

Debleskri gili 46:1

I gili jekestar, kai hi dran i familja Korach. Kai gili hi o rajeske pral i gipangre, te giwell lo lat har koi gili ‘terne tcha’.

Debleskri gili 55:22

Leskro rakepen hi gudlo har gwin. An leskro dji kamell le o kurepen. Leskre laba hi har djet, un tchinenn har chare.

Debleskri gili 62:11

Ma patsenn, te lenn brawlepen, te djan ap jekeste i sorjah pre! Ma patsenn, te krell tumen kowa brawelo, hoi tchoran! Ninna te wenn brawleder un brawleder, ma tchiwenn tumare djia pre!

Debleskri gili 62:8

Miro Deblestar well, te wap win lino dran o tchilatchepen, un te wap an-diklo. Lestar well miri soor, pash miro Debleste khatrau man.

Debleskri gili 62:9

Dikenn ap leste hako tsiro, tumer, leskre menshe! Tchorenn tumare djia win glan leste! Pash o Debleste nai khatrah men.

Debleskri gili 66:7

Job hi o baro rai hako tsireske. Leskri soor pral i menshenge hi baro. Hake themma lell job an o jak, te nai hadenn pen kolla gar, kai lestar tele peran.

Debleskri gili 93:1

O baro Dewel hi o baro rai. Railepen un soor hi trul leste har i ripen. Job kras i phub jaake te hi li soreles tardo.

Jesaja 12:2

O Dewel lell man dran i bibacht win. Me rikrau ap leste, un darau gar. Peskri sorjah was o baro Dewel ap miri rig. Miri giljah sharau les dran o dji. Job las man win.

Jesaja 17:10

Israel, tu bistral tiro Debles, kowa, kai tut win las dran i tchilatche wasta. Tu bistral koles, kai his tuke har i baro sorelo bar, pal koleste nai khatral tut. Un kral tuke pre-tchidde barra, kai mangeh wawar deblen an. Ninna te tchiwal kote shukar drakengre ruka an i phub,

Jesaja 30:29

Tumer, o Debleskre menshe, giwenna gilja, har pash i baro chapen an i rat, kai sharenn o Debles un giwenn leske. Tumer wenn jaake bachtelo, har te djans bashepah pre ap i berga o baro Deblestar, kai ap o Israeleskri rig hi.

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Jesaja 44:8

Ma darenn, mire menshe! Ma trashenn! Mukom me kowa tumen gar te shunell un penom les tumenge gar glan i rah tsiro? Un tumer shunan un dikan les. Dell i wawar debles har man kokres? Dell i wawar sorelo debles, koles gar prindjrau?

Jesaja 45:17

O Israel well win lino o baro Deblestar dran o tchilatchepen hako tsireske. Kek ladj un kek praassepen well ap leste – an kek tsiro.

Jesaja 45:24

un penell mandar: “Kokres an o baro Debleste hi tchatchepen un soor.” Kolla, kai tchingran ap mande, wenna wi-ladjedo glan mande tardo.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 51:5

O tsiro, kai miro tchatchepen well, hi gar dur. Un ko diwes well sik, kai lau tumen win dran o tchilatchepen. Un me wau o tchatchepaskro rai pral i wawar themma. I menshe, kai djiwenn pash o baro pani, dikenn ap mande, te lap o kurepen krik.

Jesaja 63:1

Koon hi kowa, kai well dran o them Edom dran o foro Bozra, rido an lole koola? Koon hi kowa, kai hi jaake railes rido, un kai nashell railes an peskri bari soor. Kowa hom me, o baro Dewel, kai rakrell an o tchatchepen: Man hi i soor, te lap tumen dran o merepen win.

Daniel 3:17

Maro Dewel, koles mer an-mangah, te kamell job, palle nai lell lo men win dran i bobeskri jag un dran tiro wast.

Daniel 3:28

Un o Nebukadnezar penas: “Sharedo well o Dewel, koles o Shadrach un o Meshach un o Abed-Nego an-mangenn. Job bitchras peskro bolepaskres un las peskre budepangren dran o merepen win. Kolla rikran ap leste, un shunan gar ap miro lab, un dan pengro djipen an o merepen. Jon kaman kek wawar debles an-mangenn har pengro Debles kokres.

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Mateo 6:13

Ma muk men tiro dromestar tele te djal! Le men dran o bengeskro wast win!

5. Mose 32:15

O Jeshurun djiwas i shukar djipen, his tchalo un brawelo. Har was lo pesso, phurdas lo pes pre. Un mukas o Debles, kai les kras, un witsras les ap i rig. Leskro sorelo rikepaskro his leske tchi moldo.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

5. Mose 33:27

Hako tsiro his lo koi. Pash leste nai khatreh tut. Hako tsiro rikrell lo peskre mussja pral tute. Job tradas kolen glan tute win, kai kuran pen tuha, un penas tuke: Mare len!

Filiparja 4:13

O Jesus Kristo dell man i soor, te djiwap jaake te jaake.

1. Samuel 2:2

Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.