Jesaja 26:18 - O Debleskro Drom 2021 (Sinte)

¹⁸ Har sawi djuwel hams an bari duk. Mare duka his tchitcheske un anan menge tchi. Maro them nai lam gar win dran i wasta i tchilatchendar. Mer wam gar i sorleder pral lende.

O Debleskro Lab 2024 (Sinte-Manouche)

¹⁸ Har savi djouvel hams an bari douk. Mare douka his čičeske oun anan menge či. Maro them nay lam gar vin dran i vasta i čilačendar. Mer vam gar i zorleder pral lende.

Jesaja 26:18 ပူးပေါင်းရင်းမြစ်များ

2. Rajengro liil 19:3

Un jon hunte penan leske: “Kawa penell o Hiskija: ‘Kau diwes hi i diwes pherdi traash, phagi un ladj. Hi jaake har penlo well: O ternepen kamell ap kai phub te well, un i dat hi kek soor, te anell li les win.

Debleskri gili 17:14

Baro Dewel, tiro wasteha le man win dran o wast kol menshendar, kai djiwenn i phubjake. Lengro brawlepen lenn jon an kau djipen! Tu kreh lengro per pherdo ko koowa, hoi tu lenge deh. Ninna lengre tchawe wenn tchalo, un mukenn pral pengre tchawenge.

Jesaja 33:11

Hoi tumenge an o shero trujel djal, hi phuss. Hoi koi pashel win well, hi khass. Tumari choli hi har i jag, hoi tumen kokres pre chal.

Jesaja 37:3

Un jon hunte penan leske: “Kawa penell o Hiskija: Kau diwes hi i diwes pherdi traash, phagi un ladj. Hi jaake har penlo well: ‘O ternepen kamell ap kai phub te well, un i dat hi kek soor, te anell li les win.’

Jesaja 59:4

Kekeske tumendar, kai djal glan o tchatchepaskro mursheste, djal trul o tchatchepen. Un kek, kai anell tchomone ap i wawareste pre, penell o tchatchepen. Pash tumende hi jaake: Ap kowa, hoi tchi moldo hi, rikrenn tumen, un rakrenn o chochepen. Kowa, hoi an tumare sherja trujel djal, hi har nai chochenn un dukrenn i wawaren. Ko tchilatcho koowa, hoi win well, anell o merepen,

Hosea 13:13

Duka wenna pral leste, har i djuwjat duka hi, kai anell i ternepen ap i phub. O Efrajim hi har i ternepen, kai haiwell gar, te was o tsiro, kai well lo boldo, un job kamell gar win te well.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

1. Johanni 5:19

Mer djinah, kai ham o Deblestar. I tsele wawar menshe ap i phub hi an o bengeskro wast.

1. Samuel 11:13

O Saul penas: “Kau diwes well kek mulo dino. Kau diwes las o baro Dewel peskre menshen Israel win dran i wasta kolendar, kai lenge tchilatchepen kaman.”

1. Samuel 14:45

I Israeleskre mursha penan ap o Saul: “Hunte merell o Jonatan, kai ko baro koowa kras un las o Israel win? Kowa krah mer gar! Pash o djido Debleste dah men sowel: Kek bal te perell tele leskro sherestar! O Dewel his ap leskri rig, doleske nai kras job kau diwes sau baro kowa.” Jaake lan i mursha o Jonatanes win dran o merepen. Un job was gar maredo.