Jesaja 26:13 - O Debleskro Drom 2021 (Sinte)

¹³ Baro Dewel, maro rai, pral mende his gomme wawar i raja. Tut kokres sharah mer.

O Debleskro Lab 2024 (Sinte-Manouche)

¹³ Baro Devel, maro ray, pral mende his gomme vavar i raya. Tout kokres sharah mer.

Jesaja 26:13 ပူးပေါင်းရင်းမြစ်များ

2. Familjakro liil 12:8

Tel leskro wast hunte atchenn le, te haiwenn le, har kowa hi, te hi i wawar them o rai pral lende un gar me.”

Jesaja 10:11

Jaake har me i deblentsa an Samaria krom, krau me les ninna i deblentsa an Jerusalem.”

Jesaja 12:4

Un ap ko tsiro denn tumer gole: Parkrenn tumen pash o baro Debleste! Denn ap leste gole, te well lo ap tumari rig! Penenn i menshenge an i tsele themma, hoi lo kras. Penenn hakeneske te hi leskro lab bareder har hako wawar lab!

Jesaja 2:8

Ninna hi o them pherde chochene deblen, un jon witsrenn pen tele glan kolende, kolen jon pengre wastentsa kran.

Jesaja 26:8

Baro Dewel, mer dikah ap tute, te peness tu o tchatchepen win. Lauter an mende rodell tut, un kamell, te well tiro lab sharedo.

Jesaja 51:22

Kawa penell o baro Dewel, kai tiro rai un tiro Dewel hi, kowa, kai lell o koowa leskre menshendar an peskro wast: Dik, me lau ko khoro, hoi tut mates kras, dran tiro wast win. Tu hunte pijess buder gar dran o khoro, hoi pherdi miri choli his.

Jesaja 63:7

Me kamau te rakrap pral o Debleskro latchepen, ko baro koowa, hoi o baro Dewel halauter menge kras, un ko tselo latcho koowa, hoi mukas lo ap o kheer Israel te well. Les hi lenge i baro dji un hi lenge jaake latches.

Jesaja 64:5

Kanna wam halauter glan tute har jek, kai pale-tchiddo hi. Ninna o tchatcho koowa, hoi kram, hi har i ratli baja ap mende. Mer halauter wam har mule patria. Mari doosh hidjrell men krik, har i ducho mule patria krik phurdell.

Amos 6:10

Te well palle o kako jekestar lendar, un lell les, te paskrell lo les, un dell gole an o kheer: ‘Hi gomme jek an o kheer?’ Un te hi i wawar khatedo kote, penell lo: ‘Na-a! Kek, kokres me.’ Palle penell o kako: ‘Atch, mer hunte rakras gar o baro Debleskro lab win!’

Micha 4:5

Ninna te mangell haki natsjona peskro debles an, mer djiwah kokres maro Debleha – kowa hi o baro Dewel – kanna un hako tsiro.

Johanni 8:32

Un tumer prindjrenna o tchatchepen. Un o tchatchepen krella, te han buder gar pandlo.”

Remarja 6:22

Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

1. Korintarja 4:7

Koon penas tuke, te hal tu feteder har ko wawar? Kowa, hoi tut hi, hi tut o Deblestar. Te das job tut lauter, hoske shareh tut?

Hebrearja 13:15

Dran kowa parkras men pash o Debleste, sharas les hako tsiro, un kras o Jesuseskro lab bares.

Josua 23:7

Ma tchiwenn tumen khetne kol wawar menshentsa, kai gomme an kau them djiwenn. Lengre deblen denn gar an-gole! Ma denn tumen sowel pash lende! Ma anenn lenge viechen un wawar koowa! Ma witsrenn tumen tele glan lende!