Jesaja 26:12 - O Debleskro Drom 2021 (Sinte)

¹² Baro Dewel, le o kurepen krik, te djal menge mishto! Lauter hoi kram, kral tu menge.

O Debleskro Lab 2024 (Sinte-Manouche)

¹² Baro Devel, le o kourepen krik, te djal menge mishto! Lauter hoy kram, kral tou menge.

Jesaja 26:12 ပူးပေါင်းရင်းမြစ်များ

Debleskri gili 29:11

O baro Dewel dell peskre menshende soor, ninna bacht un latcho koowa.

Debleskri gili 57:2

Kre tiro dji mange pre, miro Dewel! Kre tiro dji mange pre! Pash tute wau, te khatrap man. An tire mussja nashau, bis te kai bibacht krik djas.

Debleskri gili 57:3

Ap o Debleste, ko pralstuneste, dau me gole, ap koleste, kai miro koowa mishto krella.

Debleskri gili 68:28

I menshe dran o kheer Benjamin, ko terneder tchawo o Jakobeskre tchawendar, djan glan i wawarende. Pal lende wenn i pralstune dran o kheer Juda pengre bud menshentsa, pal lende i pralstune dran o kheer Sebulon un dran o kheer Naftali.

Debleskri gili 90:17

Tu rai, maro Dewel, dik latches ap mende, un tchip tiri bacht ap kowa, hoi mare wastentsa krah. Awa, muk mari budi mishto te djal!

Jesaja 26:3

Baro Dewel, tu rikreh tire wasta pral kolende, kai mukenn pen gar tutar krik te tserdell, un deh len shukapen an o dji. Ap tute rikrenn le pen.

Jesaja 27:5

Jaake djal lauterenge, kai gar pash mande wenn, te rikrap mire wasta pral lende. Mu wenn le pash mande, te las kowa krik, hoi mank mende tardo hi. Awa, mu wenn le, te was mer mala.

Jesaja 29:23

Te dikenn leskre tchawe ko koowa, hoi mire wastentsa mashkral lende krau, palle hadenn le miro lab; jon sharenn man, o Jakobeskro Debles, kai hom kokres o tchatcho Dewel. Un jon mangenn man an, o Israeleskro Debles.

Jesaja 32:18

Palle djiwenn mire menshe an i them, kai kek kurepen hi, an khera, kai hunte well len kek daar, te krell jek lenge tchomone, un ap platse, kai nai atchenn le, un kek tradell len krik.

Jesaja 57:10

Kowa lauter, hoi kral, kras tut khino. Un tu penal gar: “Mukau kanna kowa.” Na-a, tu hatsal newi soor un hals buder gar khino.

Jesaja 57:19

tchiwau i gili an lengro mui, kolah sharenn le man. Kolenge, kai dur krik hi, ninna kolenge kai gar dur hi, lenge halauterenge mu djal mishto, penell o baro Dewel. Me krau len sasto.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 33:6

Kanna shun, me kamau kau foro pale soreles te krell, un leskro dukepen sasto te krell, te djal leskre menshenge mishto, un te nai djiwenn le kek darjah.

Ezekiel 20:14

Palle krom kowa gar, te nai rakrenn kol wawar menshe gar djungeles pral mande, glan kolengre jaka mire menshen win anom dran o them Egiptia.

Ezekiel 20:22

Un pale rikrom man pale un krom lenge tchi, te nai rakrenn kol wawar menshe gar djungeles pral mande, glan kolengre jaka mire menshen win anom dran o them Egiptia.

Ezekiel 20:9

Palle krom kowa gar, te nai rakrenn kol wawar menshe gar djungeles pral mande, mank kolende jon his, un glan kolende me penom, te hom o Israeleskro Dewel, un te anap len win dran o them Egiptia.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

4. Mose 6:26

O baro Dewel dikell kamles ap tumende un dell tumen shukapen an o dji!

Johanni 14:27

Ninna te hom me gar pash tumende, atchell koi bacht, hoi me dom tumen, an tumare djia. Me dau tumen miri bacht. Koi bacht nai denn tumen gar i menshe ap kai phub. Ma trashenn! Ma awenn dareno!

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

5. Mose 30:6

Tumaro baro Dewel dell tumen djia, hoi shunenn un krenn, hoi lo tumendar kamell. Tumen un kolen, kai tumendar wenna, dell lo sawe djia, jaake te kamenn tumer tumaro baro Debles o tselo djijestar un tumari tseli sorjah. Un tumer atchenn djido.

Hebrearja 13:20

O Dewel kras i drom, te nai wah pash leste. Job kras o Jesuses, maro rajes, i mulendar djido. Kowa ratas peskro rat menge, te nai wah pash o Debleste, un djiwah hako tsiro leha khetne. O Jesus was maro baro bakrengro. Kowa dell jak ap mende, har i bakrengro dell jak ap peskre bakre.