Jesaja 24:9 - O Debleskro Drom 2021 (Sinte)

⁹ Kek giwell buder pash o pipen, un shutlo hi i mool kolenge, kai pijenn.

O Debleskro Lab 2024 (Sinte-Manouche)

⁹ Kek givell bouder pash o pipen, oun shoutlo hi i mool kolenge, kay piyenn.

Jesaja 24:9 ပူးပေါင်းရင်းမြစ်များ

Debleskri gili 69:12

Har riwom i gono an, te sikrap har pharo miro dji hi, kran le i sapaskri gili pral mande.

Sikepaskro 9:7

Doleske cha tiro maro un pi tiri mool i bachtelo djijeha; kowa kamell o Dewel jaake tutar.

Jesaja 5:20

Djungelo djal kolenge, kai penenn ap o tchilatchepen ‘kowa hi latcho’, un ap o latchepen ‘kowa hi tchilatcho’. I rati kharenn le ‘diwes’, un o diwes kharenn le ‘rati’. Shutlo koowa hi lenge gudlo, un gudlo koowa hi lenge shutlo.

Jesaja 5:22

Djungeles djal kolenge, kai hi tchatche mursha pash o pipen, un sorele mursha te krenn le chatchedi.

Ezekiel 26:13

Me krau, te well buder kek gipen an tute shunlo, witar kek dorjengro bashepen.

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

Amos 8:3

An ko diwes giwenn i gipangre an o rajeskro kheer ropaskre gilja. An i tsele gaba un forja hi mule menshe tchiddo. Kolen witsran le pokones koi. Kowa penau me, o baro Dewel.

Zakarie 9:15

O baro Dewel, ko rai pral o bolepen un i phub, rikrell peskre wasta pral peskre menshende. Jon wenn i sorleder un stakrenn i barra tele, hoi ap lende witsedo wan. Jon pijenn un denn gole har te wans le mato i moljatar. Jon wenn jaake pherdo rat, har i tcharo pherdo viechengro rat hi, hoi well win tchoredo o Debleske ap leskri chatchepaskri, un hoi nashell pral i rigja tele.