Jesaja 24:8 - O Debleskro Drom 2021 (Sinte)

⁸ I bashepangre denn buder gar ap i pauke. O gipen un o khelepen well buder gar shunlo. Kek bashrell buder ap i dorjengre bashepangre.

O Debleskro Lab 2024 (Sinte-Manouche)

⁸ I bashepangre denn bouder gar ap i pauke. O gipen oun o khelepen vell bouder gar shounlo. Kek bashrell bouder ap i doryengre bashepangre.

Jesaja 24:8 ပူးပေါင်းရင်းမြစ်များ

Hiob 3:7

Kek djuwel te well wawartchandes an koi rat, Kek te dell gole i bachtjatar an koi rat!

Hiob 30:31

Miri dorjengri bashepaskri bashrell kokres ropaskre gilja. Un o bashepen ap miri tikni phurdepaskri hi har o ropen pral jekeste, kai meras.

Debleskri gili 137:2

Mare harfe tchiwam kote ap kol ruka.

Jesaja 16:10

O gipen un o sapen well buder gar shunlo tel i ruka an i baar. An o drakengro them dell buder kek gole i bachtjatar. Kek mool well kerdo. Kek gipen well shunlo.

Jesaja 5:12

Jon mukenn penge mishto te djal un krenn bashepen ap dorjengre bashepangre un phurdepangre un wawar bashepangre. Un mool hi ninna pashel. Ap kowa, hoi o baro Dewel krell, dikenn le gar. Kolestar kamenn le tchi te djinell.

Jesaja 5:14

O mulengro them bokell pal lende un kras peskro mui dur pre, un peskri meen jaake dur har djal, un chal i brawelen un kol wawaren, kai i bachtjatar gole dan un khelan.

Jeremia 16:9

O baro Dewel, ko rai pral o bolepen un i phub, kai ninna o Israeleskro Dewel hi, penell: Me mukau o tsiro te well, kai khelell un giwell kek buder i bachtjatar an o them Juda. I bachteli gole o pirnestar un leskri pirnjatar shunenn buder gar. Kowa well glan tumare jaka un jaake rah har djiwenna.

Jeremia 25:10

Me krau, te dell buder kek bachtelo gipen. Un koi bachteli gole o pirnestar un i pirnjatar shunenn buder gar. Witar gar shunenn tumer, har i djuwja djob tiknes krenna mank dui barra. Un kek momeli chatchell an tumare khera.

Jeremia 7:34

Un o them Juda well i mulo them. An lengre forja un ap kol dromma an Jerusalem giwell un sal kek buder i bachtjatar. Un koi bachteli gole o pirnestar un i pirnjatar shunah mer buder gar.”

Ropaskre gilja 5:14

I pralstune hi buder gar beshdo an o foreskro wudar. Un i terne mursha bashrenn buder gar ap i dorjengre bashepangre.

Ezekiel 26:13

Me krau, te well buder kek gipen an tute shunlo, witar kek dorjengro bashepen.

Ezekiel 28:13

Tut his i shukar djipen, har te djiwals an o Debleskri bar ‘Eden’. Ap tute his hake kutch barra: Rubin, Topas, Diamant, Krisolit, Onyx, Jaspis, Safiro, Karfunkel un Smaragdo. Kol barra his an shukar kerdo sonakai dren pandlo, un tuke koi, te less len ap ko diwes, kai boldo wal.

Hosea 2:11

Doleske kamau miro djob un mire drake pale te lell an ko tsiro, kai le baro wan, un dren anlo wans. Ninna lau latar mire bakrengre balla, un miro laintikre thaba lakre ripjenge.

Amos 6:7

Doleske wenn tumer i glanstune kolendar, kai wenn pandles krik anlo. Tumaro shukar djipen un pipaskro tsiro hi trujel.

Debleskro tsiro 18:22

Kek bashepen un kek gipen shunenn le buder kote. Kek budepaskro budrella buder koi. Kek djob hi buder koi, te well dran leste jarro kerdo.