Jesaja 24:1 - O Debleskro Drom 2021 (Sinte)

¹ I diwes wella, kai lell o baro Dewel o djipen i phubjatar krik. Un i phub well i mulo them. Un kowa, hoi ap late tardo hi, witsrell lo trujel. Un i menshe wenn kate te kote tradedo:

O Debleskro Lab 2024 (Sinte-Manouche)

¹ I dives vella, kay lell o baro Devel o djipen i phoubyatar krik. Oun i phoub vell i moulo them. Oun kova, hoy ap late tardo hi, vitsrell lo trouyel. Oun i menshe venn kate te kote tradedo:

Jesaja 24:1 ပူးပေါင်းရင်းမြစ်များ

2. Rajengro liil 21:13

Un me kamau ko emligo koowa ap o foro Jerusalem te krell, har krom ap o foro Samaria. Un dau o fores sawi phagi har tchiwom ap o kheer Ahab. Un kamau i menshen dran o foro Jerusalem win thowell, jaake har tchare win thode wenna, un ap o shero tchiddo wenn.

Nehemia 1:8

Ma biste tiro lab, hoi dal tu leske, har tu penal: ‘Tumer te phagenn mantsa, palle tradau me tumen dran tumaro them, un tumer hunte djiwenn mank wawar menshende.

Debleskri gili 146:9

O baro Dewel dell ap i wi-themarja jak, un hi ap i rig kol tchawendar, kolen kek dad buder hi, un ap i rig kol djuwjendar, kolengro rom meras. I tchilatchenge tchiwell lo barra an lengro drom.

Jesaja 13:13

Me mukau o bolepen te trissell. Un i phub atchell buder gar kote tardo, kai li kanna hi, ap ko diwes, kai me, o baro Dewel, o rai pral o bolepen un i phub, anau miri choli pral i phub.

Jesaja 13:5

Dran dur themma wenn le koi, i palstuni rigjatar i phubjatar. O baro Dewel well kolentsa, kai leskri choli pral o tselo them anenna, te krenn le halauter paash.

Jesaja 2:19

Ap ko diwes, kai o baro Dewel pre stell, te anell lo i traash pral i phub, khatrenn pen i menshe an i grotte, mank i bare barra un an i phub, i darjatar o baro Debleskri choljatar un glan leskro railo barepen.

Jesaja 24:19

Un i phub phagell khetne, phagell an kotja un perell khetne.

Jesaja 24:20

I phub perell jek rigjatar ap i wawar har i mato, un perell khetne har i plachteno kheer. O tchilatcho koowa ap i phub hi jaake pharo, te perell li un stell gar buder pre.

Jesaja 27:10

I sorelo foro hi muklo. Kek djiwell buder an i shukar khera. O foro hi har i diwjo muklo them, kai i grumja chan un pen tele tchiwenn, un o senlepen ap i burra chan.

Jesaja 29:16

Tumer rissrenn lauter trujel! Hi o tchik, dran koleste i pirja un khore chatchedo wenn, kanna budeder har ko mursh, kai len krell? Nai rakrenn i pirja lestar: Job kras men gar. Nai penals o khoro lestar: Kowa haiwell tchi.

Jesaja 29:2

Me anau jaake bud traash ap o foro Arijel, te denn tumer bari gole, un denn i wasta khetne pral o shero. Un palle well o foro i tchatcho chatchepaskro bob mange.

Jesaja 30:32

Un pash haki dap, hoi o baro Dewel ko kashteha ap lende tele dell, dell bashepen ap i tikne pauke un harfe. Jaake dell lo len trad un kurell pes lentsa an o kurepen.

Jesaja 32:12

Te dikenn tumer, hoi was dran i latchi phub un dran i shukar drakengre ruka, denn tumare wasta khetne pral o shero un rowenn!

Jesaja 33:9

Ninna o them rowell un nashrell peskri soor. I ruka ap i berge Libanon ladjenn pen un merenn tele. O shukar telstuno them Sharon dikell win har i diwjo truk them. Un i ruka ap i berge Bashan un Karmel witsrenn pengre patria tele.

Jesaja 34:10

hoi chatchell diwes un rati. Un koi jag djal gar win. Un latar djal i kalo ducho pre an o bolepen hako tsiro. Un kek nai djiwell buder an ko them jaake rah har menshe koi hi, un kek djal pral wergel an i wawar them an kek tsiro.

Jesaja 34:2

O baro Debles hi i bari choli ap i tsele themma lengre bud lurdentsa. Un job kras pash peste win, te hunte merenn le, un das len an i wasta kolendar, kai marenn len.

Jesaja 42:15

Dran i tsele bare un tikne berge krau i mulo them. Lengro senlepen well djelto. Kote, kai panja nashenn, well i truk them, un i sapeni phub well truk.

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jeremia 40:15

Kote penas o Johanan tchorchanes ap o Gedalja: Muk man te djap koi, te marap o Jishmael. Kek hunte djinell, koon kowa kras! Mer kamah gar, te dell lo tut mulo. Palle nai atchans i tsele menshe dran o them Juda, kai kate pash tute hi, buder gar khetne, un hunte djiwans pale kate te kote! Un kolla, kai pral atchans an o them Juda, wans maredo!

Jeremia 50:17

O Israel his har i nashedo bakro, hoi lan i lewe palla. Ko ersto his o baro rai dran o them Assur, kowa chas les. Pal leste was o baro rai pral o them Babilonia, o Nebukadnezar. Kowa dandras ko mass tele, hoi ap leskre kokale atchas.

Jeremia 51:34

O foro Jerusalem penell: O Nebukadnezar, ko baro rai dran o them Babilonia, chas man pre un maras man. Har i baro panjeskro sap chas lo man, un kras peskro per pesso miro brawlepah. Palle witsras lo man krik har i khoro, kai tchi dren hi. “Mu well pral o foro Babilon ko tchilatchepen, hoi was menge ninna kerdo”, penenn i menshe ap i berga Zion. “I Babilonarja mukan maro rat te nashell. Kanna mu nashell lengro rat!”

Jeremia 9:16

O baro Dewel, ko rai pral o bolepen un i phub, penell: Denn garda ap kowa, hoi wella! Denn kol djuwjen gole, kai i baro ropen krenna! Bitchrenn pal kolende, kai haiwenn ropaskre gilja te giwenn!

Ezekiel 12:20

An kol forja djiwell buder kek. Un o hachetikro them well i mulo them. Palle dikenn un haiwenn tumer, te hom me o baro Dewel.

Ezekiel 24:11

Un i piri, te hi buder tchi an late dren, palle tchip lat ap ko tele chatchedo kasht, hoi gomme lolo hi, te well li tato, un lakro saster lolo o tatepastar, te djal ko tselo tchik tele, hoi les tchiklo kras!

Ezekiel 35:14

Kawa penell o baro Dewel, maro rai: Tu, berga Seir, me krau tutar, te wess i mulo them. Un ap i tseli phub wenn menshe bachtelo koi pral.

Ezekiel 5:14

Tutar, Jerusalem, krau i mulo foro. Tchi har barra atchenn tutar pral. I menshe an i wawar themma trul tute trujel, san pral tute – hakeno kai djal koi un dikell tut.

Ezekiel 5:2

Ap ko tsiro, kai well o foro dren lino, chatche jek triinto kotar fun kol balla mashkral an o foro. Un i wawar triinto kotar de ko chareha paash win glan kol foreskre wudja. Un ko wawar triinto kotar witse pre, te lell len o ducho peha! Jaake lau me i menshen dran Jerusalem palla o chareha.

Ezekiel 6:14

Un me hadau miro wast ap lende un krau lengro them paash, te well ko tselo them mank o mulo diwjo them Juda un o foro Ribla i muklo them. Hako forestar, kai le djiwan, atchell tchi har barra. Palle dikenn un haiwenn le, te hom me, o baro Dewel.

Ezekiel 6:6

An o tselo them atchell tumare forjendar tchi har barra pral. Tumare mulne platse wenn paash kerdo, un i chatchepangre tele phagedo, te atchell lendar tchi har barra pral. Tumare chochene debla wenn khetne dino, un nai wenn buder gar an-mangedo. Un kol boba, kai sungepaskro koowa chatchran, wenn tele dino. Kowa, hoi kran tumenge, hi kanna paash.

Ezekiel 7:12

Ko tsiro was, ko diwes hi koi! O ginepaskro nai sal gar buder. Un kowa, kai hunte bikrell tchomone, hunte rowell gar koi pral. O baro Debleskri choli well pral kal tsele menshende.

Ezekiel 7:14

I menshe shunan, har an i phurdepaskri phurdedo was, te kharenn le len an o kurepen, un i kurepangre lan pengre karmangre. Un palle well miri choli jaake sik pral lende halauterende, te djal kek koi.

Nahum 1:5

I bare berge trissenn glan leste, un kol tikne berge perenn khetne. Job te well, palle hadell pes i phub glan leste, un kolla, kai ap late djiwenna, trissenna.

Nahum 2:10

Tumer lurde, randenn rup, randenn sonakai! O foro hi pherdo brawlepen, pherdo kutch koowa!

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Bičepangre 17:6

Har jon kol dujen gar hatsan, lan le o Jason un wawar patslen, un anan len glan kolende, kai his pralstune pral ko foro, un dan gole: “Kalla menshe krenn ap i tseli phub tchingepen. Kalla wan kanna ninna kate pash mende,

5. Mose 28:64

Un job tradell tumen mank i menshende an i tsele themma ap kai phub, kolen kate, un kol wawaren kote. Lengre deblen dran kasht un bar mangenn tumer kote an. Kol deblen prindjrenn tumer gar un prindjran witar gar tumare phure.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.