Jesaja 23:9 - O Debleskro Drom 2021 (Sinte)

⁹ O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

O Debleskro Lab 2024 (Sinte-Manouche)

⁹ O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.

Jesaja 23:9 ပူးပေါင်းရင်းမြစ်များ

Hiob 12:21

Bari ladj anell lo ap i an-dikle pralstunende. Un i sorelendar lell lo lengro kurepaskro koowa krik.

Debleskri gili 107:40

Koi mukas lo ladj ap lengre raja te perell, un jon hunte nashan an o mulo them trujel, kote kai kek drom hi.

2. Mose 8:4

Kote mukas o Farao o Moses un o Arones pash peste gole te dell un penas: “Mangenn o baro Debles, te lell lo i djambe mandar un mire menshendar krik! Palle mukau i Israelitarjen te djal, te nai denn le o baro Debleske viechen temerl.”

Jesaja 10:33

Dikenn, har o baro Dewel, ko rai pral o bolepen un i phub, peskri bari sorjah len tele dell har jek i kashta i rukendar tele dell, un i bare ruka trujel dell. Un kolla, kai pen pre hadan, wenn tiknes kerdo.

Jesaja 13:11

O baro Dewel penell: Me anau bibacht ap i phub, un mukau o tselo tchilatchepen, hoi i tchilatche kran, ap lende pale te well. I pre-phurden hi buder tchi, koleha nai sharenn le pen. Un me krau kol pre-phurden tikno, kai rikran pengri sorjah kolen tele, kai len kek soor hi.

Jesaja 14:24

O baro Dewel, o rai pral o bolepen un i phub, penas un das pes sowel: Jaake har me les mange glan lom, jaake krau les ninna. Un jaake har an miro dji hi te krap, jaake well ninna.

Jesaja 14:26

Jaake his kowa an o Debleskro dji te krell lo ap i phub. Un leskro wast hadas lo pre, te dell lo i menshen an hake themma pengri phagi.

Jesaja 14:27

O baro Dewel, ko rai pral o bolepen un i phub, las pes kowa glan. Koon nai krell, te well kowa gar? Leskro wast hi hadedo. Koon nai lell leskro wast pale?

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Jesaja 2:12

Leskro diwes wella, ko diwes o baro Deblestar, ko rajestar pral o bolepen un i phub. Ap ko diwes well hako pre-phurdo tiknes kerdo, ninna hakeno, kai hadas pes, hakeno kai kras pes bares.

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jesaja 23:10

Tumer menshe an o them Tarsis, kanna hunte tchiwenn tumenge djob an i phub an tumaro them, jaake har krenn i hache pash o pani Nil. Kek shiffe wenn buder pash tumende dran Tirus.

Jesaja 32:13

Ap i hachetikri phub mire menshendar wenn subjengre burra un subjengro senlepen baro. Rowenn ninna trul i khera, kai pherdo sapen his an ko bachtelo foro.

Jesaja 5:13

Doleske penell o baro Dewel: Mire menshe haiwan tchi. Doleske wenn le pandles krik lino, un i brawele mank lende merenn i bokatar, un kol bud menshe merenn i trushatar.

Jesaja 9:15

I pralstune pral i menshende anenn i menshen ap bange dromma un krenn te djinenn jon buder gar, hoi tchatcho hi.

Jeremia 13:9

Kowa penell o baro Dewel: Ninna kamau me o tselo pre-phurdepen i menshendar dran Juda un Jerusalem paash te krell.

Jeremia 51:62

Un palle pen: “Baro Dewel, tu penal, kai kreh kau foro paash, jaake kai kek nai djiwella buder kate, kek mensho un kek viecho. Tu penal, te well kau foro i mulo foro hako tsireske.”

Obadja 1:2

O baro Dewel penell ap o them Edom: Me krau tut tiknes, jaake te dikell hako them ap i phub tele ap tute.

Bičepangre 4:28

Jaake kran jon kowa, hoi tu glan i rah tsiro penal, te well kowa lauter jaake.

Efesarja 1:11

Job kras, te wam mer o Debleskre tchawe. Un ko bolepaskro brawlepen, hoi leskro hi, well ninna maro. Kowa kamas o Dewel glan i rah tsiro jaake. Un lauter, hoi job kamella, krell lo.

Efesarja 3:11

Kowa, hoi les glan i rah tsiro an peskro dji his, kowa kras lo, har job o Jesus Kristes menge ap i phub bitchras. Kowa was maro rai,

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.