Jesaja 23:1 - O Debleskro Drom 2021 (Sinte)

¹ Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

O Debleskro Lab 2024 (Sinte-Manouche)

¹ Kate sikrell o Devel, hoy pral o foro Tirus vella: “T'mer ap i shiffe, kay venn khere dran Tarsis, rovenn! O foro Tirus hi khetne phagedo. Kek kheer ačas tardo.” Har van le pash o them Kittim, shounan le kova.

Jesaja 23:1 ပူးပေါင်းရင်းမြစ်များ

1. Mose 10:4

I menshe, kai wan pal o Jawan, hi o Elisha, o Tarsis, i Kitarja un Rodanarja.

Jeremia 47:4

Ko diwes was, kai nashrenn i tsele Filistarja pengro djipen. Kek atchell djido, kai nai wals kol forjenge Tirus un Sidon ap i rig. O baro Dewel marell kol Filistarjen, kolla kai atchan kolendar pral, kai wan dran ko panjeskro them Kreta.

Jeremia 25:22

i bare raja an i forja Tirus un Sidon; i bare raja an i themma wergel o baro pani;

Jesaja 2:16

i tsele bare shiffe an o baro pani, un i tsele shukar bere.

Jeremia 2:10

Djan pral o baro pani pash i panjeskre themma, kai kol Kitarja djiwenn, un dikenn tumen trujel! Bitchrenn murshen an o them Kedar un lenn i menshen kote ninna an o jak! Krenn jon sawo koowa har tumer kran?

Jesaja 23:12

Un job penas ap i menshende an Sidon: Tumenge djal har i terni tchake, hoi sorjah an-tapedo was. Tumer giwenn un stenn buder gar i bachtjatar. Ninna te krenn tumen ap o drom un djan an o them Kittim, well tumen kote kek bacht.

1. Rajengro liil 22:48

An ko tsiro his kek Edomari o rai pral o them Edom. I pralstuno mursh, bitchedo o rajestar dran Juda, his o rai pral o them.

1. Rajengro liil 10:22

Un o baro rajes his bare shiffe. Kolla djan khetne kol shiffe o rajestar Hiram ap o baro pani. Kalla wan jek kopo an triin bersha, un anan sonakai un rup, kutch parno dand, un affe un pfaue.

Daniel 11:30

Kotar, kai o panjeskro them Kittim hi, wenna shiffe un djan jaake khatar leste, te taprell les i daar. Un job djal pale. Palle well lo chojedo ap o Debleskre menshende un lengro patsepen un krell lenge tchilatchepen, un tchiwell pes kolentsa khetne, kai o Debleskro drom mukan.

Ezekiel 26:1

An o 11. (deesh-te-jekto) bersh har hams an o pandepen, ap o ersto diwes an o tchon penas o baro Dewel ap mande:

Jeremia 25:15

O baro Dewel, ko Dewel pral o Israel, penas ap mande: Le ko khoro mool dran miro wast. Kau khoro hi pherdi miri choli. De les i tsele natsjonenge te pijell, pash kolende me tut bitchrau.

Jesaja 60:9

Ap mande dikenn i menshe wergel o baro pani. Un i shiffe, hoi wenna dran Tarsis, ulerenna glan win, te anenn le tire tchawen, hoi dur krik his, khere. Un lengro sonakai un rup anenn le peha, te sharenn le tiro baro Debles. Job kokres hi o Israeleskro tchatcho Dewel, un kowa, kai kras tut railo.

Jesaja 24:10

Tele phagedo un khetne stakedo hi o foro, hako kheer hi tele pandlo, te nai well kek dren.

Jesaja 15:8

Trul o tselo them Moab trujel well ko ropen shunlo, un djal bis Eglajim un Beer-Elim.

Debleskri gili 48:7

Lengri daar his jaake baro, te trissan le. Lengri traash his har i traash i djuwjatar, kai lell li i ternepen.

2. Familjakro liil 9:21

Un o rajes his bare shiffe. Kolla djan khetne kol shiffe o rajestar Hiram ap o baro pani bis pash Tarsis. Kalla wan jek kopo an triin bersha, un anan sonakai un rup, kutch parno dand, un affe un pfaue.

1. Rajengro liil 5:1

Un jaake his o Salomo o baro rai pral i tsele themma, hoi hi tchiddo mank o pani Eufrat un ko them, kai i Filistarja djiwan, un tele bis pash o them Egiptia. Pral kolende his les penepaske, un jon plaissran leske rup un sonakai, jaake rah har job djiwas.

Josua 19:29

Fun kotar djas o drom bis pash o foro Rama, un dureder bis pash ko sorelo foro Tirus, palle bis pash o foro Hosa un dureder bis pash o Baro Pani. An o them Asser his i forja Mahaleb, Achsib,

4. Mose 24:24

Un shiffe wenna dran o them Kittim un anenn lurden, kai perenn an i themma Assur un Eber. Pal halauter djal ninna Kittim paash.”

Louka 10:13

“Bibachtelo wenna tumer menshe an o foro Betsaida! Bibachtelo wenna tumer menshe an o foro Korazin! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un beshans pen an i jagakri tchik, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

Jesaja 23:6

Ulerenn wergel pash o them Tarsis! Rowenn un denn gole, tumer kai pash o baro pani djiwenn.

Ezekiel 26:2

Tu, mensho, kol menshe dran o foro Tirus san un penenn pral o foro Jerusalem: Tele phagedo hi ko foro, kolestar bud parepangre win djan an wawar themma parepaske. Kanna ham mer kolla, kai wenn brawelo. O forestar Jerusalem atchas tchi har barra pral!

Ezekiel 27:6

Tire lengste tchinle kashta his dran zipresstikro kasht, hoi dran o them Kittim lino was. Dren tchiddo an kol kashta his elefantikro dand. Dran o them Bashan was eichtikro kasht. Kolestar tchinan le kol kashta, kolentsa o shiffo tserdedo well.

Ezekiel 27:30

Hi i bari gole, hoi le pral tute denn, un o djijestar trul tute rowenn. Ap lengre sherja witsrenn le tchik, un tchiwenn pen an i jagakri tchik.

Jona 1:3

Un o Jona stas pre un kamas glan o baro Debleste an o foro Tarsis te nashell, un was tele an o foro Jafo. Un har lo i shiffo hatsas, hoi kamas pash o foro Tarsis te ulerell, das lo lowe koi, un stas dren, te nai ulerell lo lentsa pash o foro Tarsis, un te well lo glan o baro Debleskre jaka buder gar diklo.