Jesaja 22:5 - O Debleskro Drom 2021 (Sinte)

⁵ O baro Dewel, o rai pral o bolepen un i phub, rodas i diwes win, kai an i dikepaskri tala bud menshe bares gole denn, kai lurde lauter khetne stakrenn, un i menshe narwelo i darjatar wenn. I massurja wenn tele phagedo. Un i gole djal pre ap i berga.

O Debleskro Lab 2024 (Sinte-Manouche)

⁵ O baro Devel, o ray pral o bolepen oun i phoub, rodas i dives vin, kay an i dikepaskri tala boud menshe bares gole denn, kay lourde lauter khetne stakrenn, oun i menshe narvelo i daryatar venn. I massourya venn tele phagedo. Oun i gole djal pre ap i berga.

Jesaja 22:5 ပူးပေါင်းရင်းမြစ်များ

2. Rajengro liil 19:3

Un jon hunte penan leske: “Kawa penell o Hiskija: ‘Kau diwes hi i diwes pherdi traash, phagi un ladj. Hi jaake har penlo well: O ternepen kamell ap kai phub te well, un i dat hi kek soor, te anell li les win.

2. Rajengro liil 25:10

Un kol tsele lurde dran o them Babilonia, kai leha wan, phagan i massurja trul o foro Jerusalem tele.

Ester 3:15

Un kol naashepangre djan sik win, jaake har o baro rai penas. Un an o sorelo kheer an o foro Susa was ko liil kote ap i kasht dino, kai nai dikell les hakeno. Un o baro rai un o Haman beshan pen tele, te chan un pijenn le. O tselo fores Susa tapras i daar.

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 22:1

Kate sikrell o Dewel, hoi pral i dikepaskri tala wella. Hoi djas tuha, Jerusalem? Hoske djan tumer lauter pral ap i khera?

Jesaja 25:10

O baro Dewel rikrell peskro wast pral kai berga. I menshen an o them Moab stakrell lo tel peskre herja khetne, jaake har phuss khetne stakedo well, hoi an i tchik tchiddo hi.

Jesaja 37:3

Un jon hunte penan leske: “Kawa penell o Hiskija: Kau diwes hi i diwes pherdi traash, phagi un ladj. Hi jaake har penlo well: ‘O ternepen kamell ap kai phub te well, un i dat hi kek soor, te anell li les win.’

Jesaja 5:5

Jaake kamau tumenge kanna penell, hoi kamau te krell ko drakengro themeha, hoi mange hi. Me kamau kol burra krik te lell, hoi trul leste hi, jaake te well lo tele chalo, un leskri massuri mukau tele te phagell, jaake te well lo khetne stakedo.

Jesaja 63:3

Me stakrom kol drake kokres, un i menshendar dran wawar themma his kek pash mande. Me stakrom len miri choljah, awa, bari choljah stakrom len khetne. Un lengro rat was ap mire koola, un miri baja was ratlo.

Jesaja 63:6

Un me stakrom i menshen an wawar themma khetne an miri choli. Un jon wan mato dran miro choli. Un me mukom lengro rat ap i phub te nashell.

Jeremia 30:7

Awa, hawo djungelo diwes wella, i diwes, hoi hi har kek wawar! Ko tsiro hi pherdi daar o Jakobeskre tchawenge; jon nai djinenn, te wenn le win lino dran kowa lauter.

Ropaskre gilja 1:5

Kolla, kai kamenn o foreske tchilatchepen te krell, len hi kanna penepaske pral leste, un lenge djal mishto. O baro Dewel anas koi bibacht pral o foro te dell lo les i phagi leskri bud doshake. Un kolla, kai lan o foro dren, lan i tchawen pandles, un tradan len glan pende win dran o them.

Ropaskre gilja 2:2

I gaba un i khera kras lo paash, an kolende o Jakobeskre tchawe djiwan. Un jon khaitan les gar. I sorele forja an o them Juda phagas lo tele an peskri choli. Pral lengro them anas lo ladj, un lengre raja witsras lo an i tchik.

Ropaskre gilja 2:8

O baro Dewel las peske soreles glan, te phagell lo i massurja o forestar Jerusalem tele, un tserdas i dori pral lende, te dikell lo pal, har bud tele phagedo wella, un las peskro wast gar krik, bis kek bar ap o wawar atchas. I massurja un turme hi ropah tchiddo ap i phub, un len hi buder kek soor.

Ezekiel 7:7

I bibacht perell pral tumende dren, pral tumende kai djiwenn an o them. O tsiro was, ko diwes hi koi, kai o ropen well, un buder kek gipen pral ap i berge hi.

Hosea 10:8

Khetne dine wenn i mulne platse, kai i Israelitarja i chochene deblen an-mangan, un o baro Deblestar tele peran. Subjengro senlepen un subjengre burra wenn bares ap lengre altare. Un jon penenna: Tumer bare un tikne berge, perenn pral mende, un tchakrenn men!

Micha 7:4

I feteder un latcheder lendar denn tchurje har subjengre burra. O diwes well sik, kai tumari phagi well, ko diwes, koles kolla glan-wi dikan, kai dan tumen trad. An ko tsiro well i daar pral tumende, te djinenn buder gar, hoi te krenn.

Zefanja 1:15

Kau diwes hi i diwes, kai o Debleskri choli pral i menshende well, i diwes pherdi daar un traash, i diwes, kai lauter paash dino un tele phagedo well, i diwes, kai tamlo well, un kali rati well, i diwes, kai kale wolke i phub tchakrenna,

Mateo 24:16

hunte nashenn kolla, kai an o them Judea djiwenna, sik ap i berga.

Louka 23:30

Ap ko tsiro penenn le ap i berge: Perenn pral mende!