Jesaja 22:4 - O Debleskro Drom 2021 (Sinte)

⁴ Doleske penau tumenge: Ma dikenn ap mande! Mukenn man te rowell. Miro dji hi jaake pharo. Ma rakrenn latches ap mande, kamau gar te bistrap koi bibacht, hoi ap mire menshende was.

O Debleskro Lab 2024 (Sinte-Manouche)

⁴ Doleske penau t'menge: Ma dikenn ap mande! Moukenn man te rovell. Miro dji hi yaake pharo. Ma rakrenn lačes ap mande, kamau gar te bistrap koy bibarht, hoy ap mire menshende vas.

Jesaja 22:4 ပူးပေါင်းရင်းမြစ်များ

Ester 4:1

Un har o Mordekai shunas, hoi djas, kras lo peskre koola paash, hoi ap leste his. Un riwas peske i gono an, un tchiwas jagakri tchik ap peste. Un djas dren mashkral o foro un rowas un das gole.

Debleskri gili 77:2

Me dau gole ap miro Debleste, dau bari gole ap leste. Awa, ap o Debleste dau gole, bis te shunell lo man.

Jesaja 15:3

I menshe ap i dromma hi rido an gone. Un pral ap pengre khera un an o foro denn le lauter gole un rowenna.

Jesaja 33:7

Shunenn, sorele mursha denn bari gole, un kol bitchepangre, kai bitchedo wan, te penenn le, te hi o kurepen win, kolla rowenn soreles.

Jeremia 13:17

Te kamenn tumer kowa gar te shunell, hunte rowap tchorchanes pral tumare pre-phurde djia. O Debleskre menshe wenna pandles krik anlo. Un mire swa herenn gar pre te nashell.

Jeremia 31:15

Kowa penell o baro Dewel: I gole un sorelo ropen well shunlo an o foro Rama: I Rachel rowell pral peskre tchawen: Jon hi mulo. Un joi kamell kek shukar laba te shunell.

Jeremia 4:19

Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.

Jeremia 6:26

Tumer, mire menshe, tumenge penau: Riwenn gone ap tumende! Tchiwenn tumen an i jagakri tchik! Rowenn har te merals tumaro tchawo, un tumen kek wawar hi! Giwenn i ropaskri gili! Kol marepangre perenn ap jek kopo pral mende.

Jeremia 8:18

Miro dji phagell. Man hi ropaske. Hoi nai krell man pale sorelo?

Jeremia 9:1

Te wals man an o mulo tato them i kheer, kai nai atchau, mukoms me mire menshen, un djoms mange. Jon lauter hi har romma, kai mukan pengre romjen beshdo. Jaake mukan kal phukepangre o baro Debles.

Jeremia 9:18

Shunenn, o ropen well shunlo an o foro Zion: Ach, har djan jon sorjah ap mende! I ladj was ap mende! Mer hunte djas dran kau them. Mare khera chatchran jon tele.

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Ezekiel 21:11

Un tu mensho, dja banges un le phares ducho! Awa, le phares ducho, har te phagals tiro dji! Kre kowa glan i jaka i Israelendar!

Ezekiel 27:31

Pengre balla tchinenn le tele, un gone pandenn le trul pende. Kowa krenn le tuke, un rowenn o djijestar, un denn gole pral tute.

Micha 1:8

Pral kowa halauter hunte dap i bari gole un hunte rowap, me nashau pirkenes un nanges, te sikrap har miro dji rowella. Har i diwjo djuklo dau gole, un rowau har ko tchirklo, hoi kharell straussa.

Mateo 2:18

Bari gole un bud ropen shunan le an o gab Rama. I Rachel rowella pral peskre tchawende, un kamell kekestar latche laba te shunell. Lakre tchawe hi buder gar koi.

Mateo 26:75

Un o Petreske wan o Jesuseskre laba an o shero, hoi job leske penas: “O bashno dell gar gole jaake rah, har tu man gar triin kope buchoste dal.” Un o Petro djas dran o baro wudar win, un rowas soreles.

Louka 1:2

Jon tchinan pre, hoi kolla penan, kai kote pashel his un kowa lauter dikan.

Louka 19:41

Un har o Jesus pash o foro Jerusalem was, rowas lo pral i menshende an kau foro,