Jesaja 21:3 - O Debleskro Drom 2021 (Sinte)

³ Hoi shunom, hi jaake djungelo, kai phagau khetne. Hoi dikom, krell man bari traash. Mire kokale trissenna, duka tapran man har i djuwjat, kai lell i ternepen.

O Debleskro Lab 2024 (Sinte-Manouche)

³ Hoy shounom, hi yaake djoungelo, kay phagau khetne. Hoy dikom, krell man bari traash. Mire kokale trissenna, douka tapran man har i djouvyat, kay lell i ternepen.

Jesaja 21:3 ပူးပေါင်းရင်းမြစ်များ

Debleskri gili 48:6

Jon dikan kowa un lenge atchas o dji tardo. Len tapras i daar un jon nashan penge.

Jesaja 13:8

Un jon perenn an pende khetne, tserdenn pen khetne i dukatar har i djuwel, te lell li i ternepen. Jek dikell darenes ap o wawareste, un lengre muja hi lolo har jag.

Jesaja 15:5

Miro dji rowell pral o them Moab; lengre menshe nashenn penge jaake dur har o foro Zoar, jaake dur har Eglat-Shelishija. Hi sawe, kai djan pre ap o drom an Luhit o ropah. Wawar djan ap o drom an Horonajim, un denn bari gole i dukatar.

Jesaja 16:11

Doleske rowell miro dji pral i menshende an o them Moab. Lauter an mande trissell o foreske Kir-Heres.

Jesaja 16:9

Doleske rowau me khetne kolentsa, kai an o foro Jaser djiwenn, rowau pral i drakengre ruka pash o foro Sibma. Bud hi mire swa, hoi rowau pral tute, Heshbon, un pral tute, Elale. Pral tumare rukengre un pral tumari djob denn kolla gole i bachtjatar, kai kuran pen tumentsa.

Jesaja 26:17

Jon dan gole glan tute, baro Dewel, har i djuwel, kai lell i ternepen un dell gole i dukatar.

Jeremia 4:19

Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.

Jeremia 48:41

Kal forja un sorele khera wenn dren lino. Ap ko diwes hi i djia o tchatche murshendar an o them Moab jaake dareno, har o dji i djuwjatar, kai anell i ternepen ap kai phub.

Jeremia 49:22

Dik, job wella pral o them har i adlari, un tchiwell peskre mussja pral o foro Bozra. An ko tsiro hi i djia kol tchatche murshendar an o them Edom jaake dareno, har ko dji i djuwjatar, kai anell i ternepen ap i phub.

Jeremia 50:43

Te shunell o baro rai an Babilon lendar, perenn leskre wasta ap leskre herja tele. Un i bari traash well ap leste har i traash i djuwjatar, kai i ternepen lella.

Jeremia 6:24

Mer shunam lendar, un mare mussja peran menge tele. Un i bari traash was ap mende. Men hi bare duka har i djuwel, kai i ternepen lella.

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Johanni 16:21

I djuwel, kai lell i ternepen, kolat hi duka. Te hi ko ternepen koi, bistrell li kol duka. Jaake bari hi lakri bacht, kai joi las i ternepen.

5. Mose 28:67

Tumen well sawi daar, un tumare jaka hunte dikenn sawo djungelo koowa, kai penenn taissarlakro: Kamaus, te wals rati! Un rati penenn tumer: Kamaus te wals tsalla!

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.