Jesaja 21:1 - O Debleskro Drom 2021 (Sinte)

¹ Kate sikrell o Dewel, hoi pral o diwjo them pash o baro pani wella. Har i sorelo ducho, hoi phurdell an o them Negev, wenn i lurde dran i mulo tato them, un dran i them, hoi traash pral i menshende anell.

O Debleskro Lab 2024 (Sinte-Manouche)

¹ Kate sikrell o Devel, hoy pral o divyo them pash o baro pani vella. Har i zorelo dourho, hoy phourdell an o them Negev, venn i lourde dran i moulo tato them, oun dran i them, hoy traash pral i menshende anell.

Jesaja 21:1 ပူးပေါင်းရင်းမြစ်များ

Hiob 37:9

O sorelo phurdepen well fun tchatches dran peskro kheer, un o shil well fun serwes.

Jesaja 13:1

Kawa hi, hoi sikras o Dewel o Jesajes pral o foro Babilon. O Jesaja hi o tchawo o murshestar Amoz.

Jesaja 13:13

Me mukau o bolepen te trissell. Un i phub atchell buder gar kote tardo, kai li kanna hi, ap ko diwes, kai me, o baro Dewel, o rai pral o bolepen un i phub, anau miri choli pral i phub.

Jesaja 14:1

O baro Dewel krell peskro dji peskre menshenge pre. Un pale rodell lo peske i Israelitarjen win, un mukell len an pengro them te djiwell. Un wi-themarja wenna un djiwenna khetne lentsa.

Jesaja 14:14

Me djau dureder pre har i wolke hi, un krau man jaake bares har o Dewel, ko pralstuno, hi.”

Jesaja 14:23

Me krau dran o foro i sapeni platsa, kai i stachelengre djiwenn. Un khossau o tselo foro krik, har jek i besa lell un o kheer win khossell. Kowa penau me, o baro Dewel, ko rai pral o bolepen un i phub.

Jesaja 17:1

Kate sikrell o Dewel, hoi pral o foro Damaskus wella: I tsiro well sik, kai o foro Damaskus buder kek foro hi. Lestar atchell tchi har tele phagede barra.

Jesaja 47:1

Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

Jesaja 5:28

Lengre faile hi har tchurja, un lengre boge hi pre tserdedo. Ko saster tel lengre grajengre pire hi sorelo har bar. Un i rade ap lengre wurdja hi sik har i sorelo ducho, hoi phurdell pral i phub.

Jeremia 51:1

Kawa penell o baro Dewel: Dik, me bitchrau i ducho, hoi anell o merepen pral o them Babilonia un pral kolende, kai kote djiwenna – kolla, kai hadan pen pral mande.

Jeremia 51:42

I baro pani was pral o foro Babilon, sorele panja tchakran o foro tel pende.

Jeremia 51:51

Tumer penenn: I ladj was pral mende. Menshe dran wawar themma praassan men un san pral mende. Wi-themarja peran an o kheer o baro Deblestar dren.

Ezekiel 1:4

Un me dikom i baro sorelo phurdepen, hoi was fun kotar kai norden hi, un tradas i bari wolka glan peste. Un jag was win, hoi pre un tele djas. Un o bolepen koi trujel his shukar har o kham. Un mashkral dren his tchomone, hoi dikas win har sonakai, hoi an i jag thodo well.

Ezekiel 30:11

Job well peskre sorele lurdentsa, kai dran bud themma wenna, un kai silah ap wawarende djan, te krenn le o them paash. Un jon djan ap i Egiptarjen pengre charentsa pre, te wenn an o tselo them i mule tchiddo.

Ezekiel 31:12

Lurde dran wawar themma, kolen kek dji leske hi, wan un dan les trujel, un mukan les tchiddo. Ap i berge un an i tale peran leskre kashta. Ninna pash i tsele tikne panja an o them his lauter phagede kashta lestar tchiddo. Un i tsele menshe dran wawar themma, kai nai khatran pen buder gar glan o kham tel leste, mukan les tchiddo un djan penge.

Ezekiel 38:9

Un tu djah pre an o them, un weh pral lende har i sorelo phurdepen, un har i wolka, hoi o tselo them tele tchakrell, tu un tire tsele lurde un kol bud lurde dran wawar themma, kai tuha djan.

Daniel 11:40

Un an ko tsiro, kai i phub buder gar rah koi hi, djal o baro rai pral o them Egiptia ap leste pre. Un o baro rai pral o them Syria dell i sorjah pale, un well peskre kurepangre wurdjentsa un peskre lurdentsa, kai ap i graja klissenna un bud shiffe. Un sorjah perell lo an i themma dren; har i baro sorelo pani well lo pral lende.

Zakarie 9:14

O baro Dewel mukell pes te dikell pral peskre menshende, [te rikrell lo peskre wasta pral lende]. Leskro failo djal sik har o bolepaskri jag. O baro Dewel, maro rai, mukell an i bari phurdepaskri te phurdell. Job djal an o sorelo ducho, hoi well kotar, kai o kham pralstunes tardo hi.