Jesaja 20:4 - O Debleskro Drom 2021 (Sinte)

⁴ jaake lell o baro rai pral Assur i menshen an Egiptia un an Etiopia pandles, un tradell len krik, i ternen un i phuren. Un jon hunte djan nanges un pirkenes. Un len hi kek cholopja ap pende. Hawi ladj hi kowa lenge!

O Debleskro Lab 2024 (Sinte-Manouche)

⁴ yaake lell o baro ray pral Assour i menshen an Egiptia oun an Etiopia pandles, oun tradell len krik, i ternen oun i phouren. Oun yon hounte djan nanges oun pirkenes. Oun len hi kek rholopya ap pende. Havi ladj hi kova lenge!

Jesaja 20:4 ပူးပေါင်းရင်းမြစ်များ

2. Samuel 10:4

Koi tapras o Hanun kolen, kai o David bitchras, un mukas lenge i tchor paash tele tchinell, un i koola paash tele tchinell, bis tel lengri pereskri dori, un mukas len te djal.

1. Familjakro liil 19:4

Koi tapras o Hanun kolen, kai o David bitchras, un mukas lenge i balla un i tchor tele te tchinell, un i koola paash tele tchinell, bis pral i herja, un mukas len te djal.

Jesaja 19:4

Un me dau o them Egiptia an o wast i tchilatcho rajestar. Awa, jek, kai djal sorjah ap lende, well lengro baro rai. Kowa penell o baro Dewel, ko rai pral o bolepen un i phub.

Jesaja 3:17

Doleske mukau me, o baro Dewel, i tchiklo dukepen ap lengre sherja te well, un mukau lenge i tsele balla tele te tchinell.

Jesaja 31:2

Ninna job hi gosewo un djinell hoi lo krell. Job bitchrell i bibacht, un lell gar peskre laba pale, kolentsa job len trad das. I tchilatchen dell lo i phagi un ninna kolen, kai lenge ap i rig wan.

Jesaja 31:3

I Egiptarja hi menshe un kek debla. Un lengre graja hi vieche, – len hi kek debleskri soor. Ap ko tsiro, kai hadell o baro Dewel peskro wast pre, te dell lo len, perenn kolla, kai wan i wawarenge ap i rig, khetne kolentsa. Un khetne merenn le.

Jesaja 47:2

Le kol dui barra, kolentsa o djob tiknes kerdo well, un kre jarro! Tchip ko diklo glan tire jaka pale, hade tiri tsocha pre, tchake tire herja pre, un dja an o pani!

Jesaja 47:3

Tu well diklo, har djal nanges, un ladj well ap tute. Kanna dau me tut ko tselo tchilatchepen pale, hoi kral. Un kek nai rikrell man pale.

Jeremia 13:22

Un te putcheh tu tutar: Hoske well koi bibacht pral mande, palle penau tuke: Kowa well pral tute ko bud tchilatchepaske, hoi kral. Un kolla hadenn tiro ripen un djan sorjah ap tute.

Jeremia 13:26

Kowa well jaake har te hadaus me tiro ripen pral tiro shero, te dikell hakeno, kai nango hal.

Jeremia 46:19

Tumer Egiptarja, rodenn tumare koola khetne, tumer hunte nashenn tumenge. O foro Memfis well har o mulo them, un chatchedo well lo, jaake kai kek nai djiwell kote.

Jeremia 46:26

Me dau len an i wasta kolendar, kai kamenn len te marell: an o wast ko baro rajestar dran Babilonia, o Nebukadnezar, un an o wast leske bare murshendar. Pal ko tsiro well pale jaake har an i phure tsirja: An o them Egiptia djiwenn pale menshe. Kowa penell o baro Dewel.

Ezekiel 30:18

An o foro Tachpanes well ko diwes kalo, kai phagau kote koi soor, hoi o themes Egiptia pral wawar themma hi. Leskre bud sorele lurde, ap kolende i Egiptarja jaake bachtelo un pre-phurdo his, wenn krik lino. Kale wolke tchakrenn o foro. Un i menshe dran i gaba trujel wenn an o pandepen anlo.

Amos 9:7

O baro Dewel penell: Tumer Israelitarja han mange jaake har i menshe an o them Etiopia. Tumen lom dran o them Egiptia win, i Filistarjen lom dran o them Kreta win, un i Syrarja dran o them Kir. Hoi hi wawartchandes tumentsa?

Micha 1:11

Tumer, kai djiwenn an o foro Shafir, djan an o pandepen, nanges un an ladj. I menshe an o foro Zaanan djan gar win dran lengro foro. An o foro Bet-Ezel well baro ropen shunlo. Kote hi tumenge kek khatepen.

Nahum 3:10

Ninna kau foro was dren lino, un leskre menshe pandles anlo an i wawar them. Lengre tchawe wan mulo dino ap hako drom. Pral lengre pralstunende witsran le kashta, koon kones lella. I tsele pralstunen pandan le sasterne shellentsa.

Zefanja 2:12

Ninna pral tumende an o them Etiopia, bitchrau lurden, kai marenn tumen o chareha.

Debleskro tsiro 3:18

Doleske penau tumenge: Ginenn mandar sonakai, sawo sonakai, hoi an i jag thodo was, jaake te wenn tumer tchatchepah brawelo. Ginenn mandar ninna parne ripja, un riwenn kolla ap tumende, te han buder gar nango, un hunte ladjenn tumen buder gar. Un ginenn kutch djet, un makenn tumare jaka, te nai dikenn pale!