Jesaja 20:2 - O Debleskro Drom 2021 (Sinte)

² rakras o baro Dewel ap o Jesaja, koleskro dad o Amoz his, un penas: “Rib tiri goneskri damdira un tire kircha win!” Kowa kras o Jesaja. Job riwas peskre koola win, ninna peskre kircha, un djas jaake trujel triin bersha rah.

O Debleskro Lab 2024 (Sinte-Manouche)

² rakras o baro Devel ap o Yesaya, koleskro dad o Amoz his, oun penas: “Rib tiri goneskri damdira oun tire kirrha vin!” Kova kras o Yesaya. Yob rivas peskre koola vin, ninna peskre kirrha, oun djas yaake trouyel triin bersha rah.

Jesaja 20:2 ပူးပေါင်းရင်းမြစ်များ

2. Samuel 15:30

O David djas ap o djeteskri berga un rowas. Un leskro shero his tchakedo. Un job djas pirkenes. Ninna kol tsele menshe, kai hi pash leste, kolengro shero his tchakedo. Jon djan pre un rowan.

2. Samuel 6:20

Un o David was khere, te penell lo peskre menshenge ‘latcho diwes’ un te putchell lo lendar, har lenge djala. Un i Michal, o Sauleskri tchai, djas win pash leste, un penas: “Hawo railepen his ko baro rajes pral Israel kai diwes, har riwas job pes win glan kol djuwjende, kai leskre pralstunenge budrenn, jaake har pen kol wi-ladjede menshe wi-riwenna!”

2. Rajengro liil 1:8

Jon penan ap leste: “Les his i plaashka ap leste dran viechengro bal. Un i ledertikro pereskri dori his trul leste pandlo.” Koi penas job: “Kowa hi o Elija dran Tishbe.”

Debleskri gili 30:11

Shun, baro Dewel, un ab mange latcho! Ab ap miri rig, miro baro Dewel!”

2. Mose 3:5

Penas o Dewel: “Ma dja dureder! Rib tire kircha win! Kai tu tardo hal, hi o Debleskri phub.”

Jesaja 1:1

Kowa hi, hoi mukas o baro Dewel o murshes Jesaja te dikell pral o them Juda un pral o foro Jerusalem. O Jesaja his o tchawo ko murshestar Amoz. Kowa his an ko tsiro, kai his o Usija, o Jotam, o Ahas, un o Hiskija i bare raja pral o them Juda.

Jesaja 13:1

Kawa hi, hoi sikras o Dewel o Jesajes pral o foro Babilon. O Jesaja hi o tchawo o murshestar Amoz.

Jesaja 37:2

Un job bitchras murshen pash o Debleskro rakepaskro, o Jesaja, koleskro dad o Amoz hi. Kol mursha his o pralstuno pral leskro kheer, o Eljakim, un o Shebna, kai tchinas i lila, un kol phureder rashaja. Jon his ninna rido an gone.

Jeremia 48:37

I mursha tchinan o tselo baal ap pengre shere tele, ninna pengre tchora, te sikrenn le, kai lenge ropaske hi. Lengre wasta hi pre tchinle. Un hakeno riwas i gono pral peste.

Ezekiel 24:17

Tchorchanes nai leh phares ducho. Ma rob i bari goljah har jek pral jekeste rowell, kai meras! Rike tiro diklo trul tiro shero, un ma rib tire kircha win! Ma tchake tiri tchor tele! Un ma cha ko maro, hoi kolenge anlo well, kai rowenn pral i mensheste, kai meras.

Ezekiel 24:23

Tumare dikle mukenn trul tumare sherja un kircha ap tumare pire. Tumer denn gar gole un rowenn gar. Tumer perenn an tumende khetne, jaake baro hi i doosh ap tumende. Un mank tumende lenn tumer phares ducho.

Ezekiel 4:1

Tu, mensho, le i bar dran chatchedi tchik, un tchip les glan tute, tchin dren, har o foro Jerusalem win dikell!

Micha 1:11

Tumer, kai djiwenn an o foro Shafir, djan an o pandepen, nanges un an ladj. I menshe an o foro Zaanan djan gar win dran lengro foro. An o foro Bet-Ezel well baro ropen shunlo. Kote hi tumenge kek khatepen.

Micha 1:8

Pral kowa halauter hunte dap i bari gole un hunte rowap, me nashau pirkenes un nanges, te sikrap har miro dji rowella. Har i diwjo djuklo dau gole, un rowau har ko tchirklo, hoi kharell straussa.

Zakarie 13:4

An ko tsiro ladjenn pen kol chochene rakepangre koleske, hoi dikan le an i suni. Un jon riwenn buder gar i plaashka dran busjengre balla ap pende, te denn le i menshen pal i kanda.

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

Mateo 3:4

I plaashka dran viechengre balla his ap leste. Un i ledertikri dori his trul leste. Un leskro chapen his gwin un tikne stepangre, kai stenn an o senlepen trujel.

Johanni 21:7

Koi penas ko jek kol deesh-te-dujendar, koles o Jesus o djijestar kamas, ap o Petreste: “Kowa hi maro rai.” Har o Simon Petro kowa shunas, riwas lo peskro pralstuno ripen an, hoi riwas lo win, un witsras pes an o pani, te well lo sikeder ap o them.

Bičepangre 19:16

Un ko mursh, kai o beng an leste hi, stas ap lende pre, un das len jaake dawa, kai nashan jon ratles un nanges dran o kheer.

Bičepangre 21:11

Un job was pash mende, las koi dori, hoi o Paules trul peskro ripen his, un pandas peskre pire un wasta, un penas: “Kowa penas mange o Debleskro Ducho: Ko mursh, koneske kai dori hi, koles pandenn i bibolde an o foro Jerusalem, un denn les an i wasta kolendar, kai kek bibolde hi.”

Josua 5:15

Koi penas o pralstuno pral o baro Debleskre lurdende ap leste: “Rib tire kircha win! I phub, ap koi tu tardo hal, hi o Debleskri phub.” Un o Josua kras jaake.

Debleskro tsiro 11:3

Un me bitchrau dui rakepangren an ko foro. Kolla penenn i menshenge o tchatchepen pral mande. Lengre ripja hi kerdo dran gone. Deesh-te-dui-sheel-te-shob-desha (1.260) diwessa penenn jon lenge mire laba.”

1. Samuel 19:24

Kote riwas job ninna peskre koola win, un rakras glan o Samuel o Debleskro rakepen win, un peras ap i phub un his nanges koi tchiddo o tselo diwes un i tseli rat. Doleske well penlo: “Hi o Saul ninna mank o Debleskre rakepangre?”