Jesaja 2:8 - O Debleskro Drom 2021 (Sinte)

⁸ Ninna hi o them pherde chochene deblen, un jon witsrenn pen tele glan kolende, kolen jon pengre wastentsa kran.

O Debleskro Lab 2024 (Sinte-Manouche)

⁸ Ninna hi o them pherde rhorhene deblen, oun yon vitsrenn pen tele glan kolende, kolen yon pengre vastentsa kran.

Jesaja 2:8 ပူးပေါင်းရင်းမြစ်များ

1. Rajengro liil 16:7

Kowa, hoi penas o baro Dewel ap peskro rakepaskro, o Jehu, kol laba pral o Baasha, kowa was pral koleste dran ko tselo tchilatchepen, hoi o Baasha kras glan o baro Debleste. Job kras peske mule debla, un kolentsa choiras job o baro Debles. Ninna mukas job i tsele tchawen o Jerobeamestar te marell. Doleske djas leske har koleskri familja.

2. Rajengro liil 17:10

Un ap haki berga un tel hako baro ruk tchiwan le bare barra pre pengre deblenge, ninna figure, kai i debletsa Ashera sikrenn.

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

2. Familjakro liil 27:2

Un job kras, hoi glan o baro Debleste mishto his, jaake har leskro dad, o Usija, les kras. Koi doosh, hoi peskro dad Usija ap peste anas, har djas lo kote an o baro Debleskro kheer dren, kai kokres i rashaja nai djan dren, kai doosh kras o Jotam gar. I menshe an Juda atchan ap pengro tchilatcho drom.

Jesaja 17:8

Un jon dikenn buder gar ap kol mule deblen, hoi jon pengre wastentsa un gushtentsa kran, – kol figuren, hoi sikrenn i debletsa Ashera, un kol boba, kai lake sungepaskro koowa chatchedo well.

Jesaja 26:13

Baro Dewel, maro rai, pral mende his gomme wawar i raja. Tut kokres sharah mer.

Jesaja 37:19

Un kolengre debla witsran le an i jag. Kolla his kek tchatche debla, wan kerdo i menshengre wastentsa dran kasht un bar. Doleske wan le khetne dino.

Jesaja 40:19

I figura, nai well li har o Dewel? I budepaskro krell lat dran saster, un i wawar tchiwell sonakai trul late, un krell rupene werklia un pandell len ap late pre.

Jesaja 41:29

Jon halauter hi chochene, un nai krenn tchi. Un i figure lendar hi gar budeder moldo har i ducho.

Jesaja 57:5

Tel hako baro ruk lubrenn tumer trujel, te sharenn i chochene deblen! Un an i tala mank i bare barra marenn tumer lenge tumare tchawen, har te wans le vieche.

Jeremia 1:16

Un me dau i menshen an Juda i phagi lengro tchilatchepaske, hoi jon kran. Jon djan krik mandar un anan viechen wawar deblenge un mangan kol figuren an, hoi le pengre wastentsa kran.

Jeremia 11:13

Jaake bud forja tumen hi, jaake bud deblen hi tumen, tumer menshe an Juda. Un jaake bud dromma an Jerusalem hi, jaake bud chatchepangre kran tumer, kai chatchrenn viechen o djungelo debleske Baal.

Jeremia 2:28

Kai hi tumare debla, kai tumenge kran? Mu stenn jon pre, un lenn tumen win dran tumari bibacht! Tumer menshe an o them Juda, tumen hi jaake bud debla har forja!

Hosea 12:11

Me rakrom ap mire rakepangre, un sikrom lende bud kope, hoi wella. Dran lende mukom tumenge trad te dell.

Hosea 13:2

Un kanna krell o kheer Efrajim budeder tchilatcho koowa: Dran pengro rup krenn le penge figure, hoi wi-dikenn, har jon kamenn, un hoi le an-mangenn. Mursha, kai lengri budi mishto haiwenn, krenn len pengre wastentsa. I menshenge well penlo: Koon anell tchomone o Debleske, hunte tchumrell kal rupene terne grumjen!

Hosea 14:3

Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.

Hosea 8:6

I budepaskro dran Israel kras koi figura. Doleske nai well li kek dewel. An kotja dino well ko terno gurum, hoi i menshe an Samaria an-mangenn!

Micha 5:12

Tumare figure, hoi an-mangenn, un tumare pre-tchidde barra dau paash, te mangenn tumer buder gar kowa an, hoi tumare wastentsa kran.

Bičepangre 17:16

Jaake rah kamas o Paulo an o foro Athen te atchell. Kote dikas lo bud barrengre murshen, djuwjen un viechen, hoi kran i menshe pengre wastentsa, un hoi jon an-mangenna. Un kowa dukas les an peskro dji.

5. Mose 4:28

Un kote mangenn tumer kol deblen dran kasht un bar an, hoi menshengre wastentsa kerdo wan. Un kol debla nai dikenn un shunenn, nai chan un sungenn gar.

Debleskro tsiro 9:20

Un kol wawar menshe, kai gar maredo wan, kolla mukan gar pengro tchilatcho drom, un mukan gar tele, te mangenn le kowa an, hoi jon pen pengre wastentsa kran. Jon mukan gar tele, te mangenn le i bengen an, witar gar kol figuren dran sonakai, rup, saster, barra un kasht, hoi gar nai dikenna, un gar nai shunenna, un gar nai nashenna.