Jesaja 2:6 - O Debleskro Drom 2021 (Sinte)

⁶ Baro Dewel, tu mukal tire menshen. Jon krenn drawepangro koowa, har kol menshe, kai wenn kotar, kai o kham pre djala. Un jon hi durkepangre har i Filistarja. I menshentsa dran wawar themma krenn le tchomone win, un denn pengro dadeskro wast pre.

O Debleskro Lab 2024 (Sinte-Manouche)

⁶ Baro Devel, tou moukal tire menshen. Yon krenn dravepangro koova, har kol menshe, kay venn kotar, kay o kham pre djala. Oun yon hi dourkepangre har i Filistarya. I menshentsa dran vavar themma krenn le čomone vin, oun denn pengro dadeskro vast pre.

Jesaja 2:6 ပူးပေါင်းရင်းမြစ်များ

2. Rajengro liil 1:2

Ko baro rai, kai pal o Ahab was, his o Ahasja. His i diwes, har his lo an peskri pralstuni isema an o foro Samaria, koi peras lo tele dran i wochni un dukras pes. Un job bitchras murshen an o foro Ekron un penas ap lende: “Djan koi un putchenn o deblestar Baal-Sebub, – kowa hi o dewel o forestar Ekron: Wau me pale sasto?”

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

1. Familjakro liil 10:13

O Saul meras doleske, kai job gar kras, hoi o baro Dewel leske penas, un kai job pash koi djuwjate djas, kai i mulentsa rakras, un lat putchas.

2. Familjakro liil 15:2

Un job djas win, te rakrell lo o baro rajeha, o Asa, un penas leske: “Shunenn man, Asa un tumer menshe dran o tselo them Juda un Benjamin! O baro Dewel hi tumentsa, jaake rah har tumer tumen ap leste rikrenn. Te rodenn tumer les, mukell job pes te hatsell tumendar. Te mukenn les, mukell job tumen.

2. Familjakro liil 24:20

Un o Debleskro ducho was pral o Secharja, koleskro dad o rashai Jojada his. Job djas glan i menshende un penas ap lende: “Kawa penell o Dewel: Hoske rikrenn tumen gar ap kowa, hoi penom? Doleske djal kowa gar mishto, hoi krenna. Tumer mukan o baro Debles. Doleske mukell job tumen ninna.”

Nehemia 13:23

An ko tsiro dikom me bibolden, kai lan penge romjen dran o Filistarengro foro Ashdod, ninna dran i themma Ammon un Moab.

Debleskri gili 106:35

Na-a, jon romedineran pen kolentsa, kai o Debles gar prindjrenn, un kran sau koowa har jon kran,

2. Mose 22:18

Hakeno, hoi i viecheha sowell, hunte merell.

2. Mose 34:16

Tumer romedinerans tumare mursh tchawen lengre tchentsa. Un kolla djuwja anans tumare mursh tchawen o Debleskro dromestar tele, te mangenn le ninna kol deblen dran kasht un bar an.

Gosewe laba 6:1

Miro tchawo, dal tu tiro dadeskro wast i wawareske un penal, te plaissreh koleskri sijaan?

Jesaja 14:29

Tumer menshe an o them Filistia, ma awenn bachtelo, te was o kasht, koleha dino wan, kanna phagedo. Te merell i sap, well i djungleder sap pal leste. Un lestar well i wawar sap, hoi hi gomme djungleder un nai hadell pes har i tchirklo.

Jesaja 8:19

Nai well, te penenn i menshe tumenge: “Putchenn kolen, kai i mulentsa rakrenn, un putchenn i drawepangren, kolla, kai rakrenn lokes glan pende.” Ap kolende penenn: “Hunte putchenn gar i menshe pengro debles? Putchenn le i mulen i djidenge?”

Jeremia 10:2

Kowa penell o baro Dewel: Ma djan i dromma, hoi i menshe an wawar themma djana! Jon darenn glan o sikepen, hoi krenn i momlia ap o bolepen. Tumer hunte darenn kowa gar.

Jeremia 12:7

Me mukom mire menshen, ko kheer Israel. Kolen, kai mange win rodom, tradom mandar krik. Kol menshen, kai o djijestar kamau, dom an i wasta kolendar, kai kamenn len te marell.

Ropaskre gilja 5:20

Hoske kameh tu men te bistrell, un maro tselo djipen tchi mendar te djinell?

3. Mose 19:31

Ma djan pash i durkepangre un pash kolende, kai i mulen putchenn! Ma rodenn sawen pre, te krenn tumen gar pale-tchiddo ap lende. Me, o baro Dewel, hom tumaro Dewel.

3. Mose 20:6

Miri choli well ninna ap koleste, kai djal pash i durkepangre un pash kolende, kai i mulen putchenn, te putchell lo lendar, hoi te krell lo. Me mukau les buder gar mank peskre menshende te djiwell.

Micha 5:11

Un o tselo bengeskro koowa lau tumendar krik, kek drawepangre atchenn pash tumende.

Micha 5:12

Tumare figure, hoi an-mangenn, un tumare pre-tchidde barra dau paash, te mangenn tumer buder gar kowa an, hoi tumare wastentsa kran.

Zefanja 1:8

O baro Dewel penell: Ap ko marepaskro diwes, dau me i pralstunen un o baro rajeskre tchawen pengri phagi, ninna halauter kolen, kai mangenn wawar deblen an.

4. Mose 23:7

Koi penas o Bileam kal laba: O Balak, ko baro rai pral i Moabarja, mukas man te anell dran o them Aram, dran kol berge, kai o kham pre djala. Un job penas ap mande: Am ap miri rig, un rake i bibacht pral o Jakobeskre menshende win! Awa, am un praasse i Israeleskre menshen!

Remarja 11:20

Kowa hi tchatcho. I bibolde patsan gar o Debles. Jaake hi le har kol kashta, hoi wan tele tchinlo. Tumer han har wawar kashta, hoi wan dren tchiddo ap ko rukeste kokres dran tumaro patsepen. Doleske ma krenn tumen bares! Denn jak!

1. Samuel 6:2

Un i Filistarja dan pengre rashajen un durkepangren gole, un putchan lendar: “Hoi kras mer ko mochtoneha o baro Deblestar? Har bitchras les pale kote kai lo was?”