Jesaja 2:3 - O Debleskro Drom 2021 (Sinte)

³ un penenn: “Awenn, te djas pre ap i berga o baro Deblestar, pash o kheer o Jakobeskro Deblestar, te sikrell lo men peskre dromma, te djinas, hoi lo mendar kamell.” O baro Debleskre laba djan win dran Zion. Dran o foro Jerusalem rakrell lo i menshentsa.

O Debleskro Lab 2024 (Sinte-Manouche)

³ oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Jesaja 2:3 ပူးပေါင်းရင်းမြစ်များ

Ester 9:27

lan pen i bibolde glan, te rikrenn le kol dui diwessa bares, un mukenn gar tele, te rikrenn le len hako bersh jaake har glan tchinlo was. Un jaake was kowa pash lende kerdo. Un kowa his ninna moldo lengre tchawenge, kai pal lende wenna, un kolenge, kai kek bibolde hi un pash lende rikrenna.

Debleskri gili 102:23

ap ko tsiro, kai wenn menshe dran i tsele rajengre themma kote khetne, te mangenn le o baro Debles an.

Debleskri gili 110:2

O baro Dewel kras, te wal tu baro rai ap i berga Zion, un job krell tiro them baro un bareder. “Ab rai”, penell lo, “pral lauterende, kai hadan pen ap tute.”

Debleskri gili 119:171

Tu sikreh mange, hoi mandar kameh. Doleske kamell miro mui tuke te giwell.

Debleskri gili 122:1

I gili o Davidestar te giwell ap o drom an Jerusalem. Miro dji giwas, har jon penan: Mer djah pash o baro Debleskro kheer.

Debleskri gili 48:1

I gili jekestar dran i familja Korach.

Jesaja 1:26

Me dau tut pale tchatchepangre murshen un rakepangren, kai o tchatchepen win krenn, jaake har an i phure tsirja his. Un palle kharenn le tut ‘tchatchepaskro foro’ un ‘foro kolendar, kai ap o Debleste patsenna.’

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

Jesaja 19:23

Ap ko diwes dell i drom, hoi djal dran o them Egiptia pash o them Assur. Un i menshe dran Assur wenn an Egiptia, un i Egiptarja wenn an Assur. Un khetne mangenn le o Debles an.

Jesaja 28:9

Jon penenn: “Menge kamell job tchomone pashel te anell un leskre dromma te sikrell? Mer ham buder kek tikne tchawe, kai glan i tikno tsiro gomme o thud pash pengre daja pijan!

Jesaja 44:5

Jek pal o wawar penell: O baro Dewel hi miro rai. Bud kamenn tire menshe te well. Jon tchinenn ap pengro wast: ‘Me hom o baro Debleske’, un kharenn pen ‘Debleskre menshe’.

Jesaja 56:5

palle dau tut i bar an miro kheer, kai tiro lab dren tchinlo hi. Kowa hi feteder har tchawe un tcha. Kau lab, hoi tut dau, well an kek tsiro bistedo.

Jesaja 56:7

kolen anau pash miri berga, kai me djiwau, un krau len bachteles an miro kheer, kai mangenn man i menshe an. Jon nai anenn mange viechen: sawe, hoi wenn mange chatchedo ap miri chatchepaskri, ninna sawe, hoi chan le glan mande. Un me dikau latches ap kowa. Miro kheer well kharedo: Kheer, kai i menshe dran hake themma o Debles an-mangenn.

Jesaja 60:3

Un i menshe dran wawar themma wenna, te dikenn le, har railo tu hal. Un lengre raja wenna, te dikenn le ko railepen, hoi pral tute pre djas.

Jesaja 65:11

Tumenge, kai o baro Debles mukan, well wawartchandes: Tumer bistran miri berga, kai wau an-mangedo, un tchiwan o chocheno debleske, o Gad, chapen glan. Un glan o chocheno debleste, o Meni, tchoran mool win.

Jesaja 66:20

Un kolla anenn tumare phralen dran i tsele themma pale, te denn le len o baro Debleske. Ap miri berga an Jerusalem anenn le len ap graja, un ap wurdja, hoi pre hi, un an wurdja, hoi pandlo hi, ap maultikre burike un ninna ap khamele, penell o baro Dewel. Jon anenn len jaake har i Israelitarja anan djob an djudje tchare an o baro Debleskro kheer.

Jeremia 12:16

Jon sikran mire menshende, har te denn le pen sowel ap o debleste Baal. Kanna well jaake: Te mukenn jon pen mire menshendar te sikrell, har te denn jon pen ap miro lab sowel, un penenn: Pash o djido Debleste … palle mukau len mashkral mire menshende te djiwell.

Jeremia 26:18

“Har o Hiskija o baro rai pral Juda his, penas o Debleskro rakepaskro, o Micha dran o foro Moreshet, ap i tsele menshende an Juda: Kowa penell o baro Dewel, ko rai pral o bolepen un i phub: I diwes well, kai well o foro Zion jaake trujel witsedo har i hachetikri phub, te well o pralstuni phub tele un i telstuni phub pral. O forestar Jerusalem atchell tchi pral har barra. Un ap koi berga, kai kanna o Debleskro kheer tardo hi, well i diwje burra bares.

Jeremia 31:6

Ko tsiro wella, kai denn le gole ap i berge Efrajim: Awenn, te djas pre an o foro Zion pash maro baro Debleste!

Ezekiel 40:2

An i visiona anas lo man an o them Israel, un mukas man tele ap i bari berga, hoi dur pre djas. Ap koi rig i bergatar, kai o kham pralstunes tardo hi, dikom tchomone, hoi win dikas har i foro.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Hosea 6:3

Mer te das jak koi pre o tselo djijestar, te prindjras o baro Debles! Job wella! Kowa hi jaake tchatcho, har o kham hako diwes pre djala. Job wella, har i brishin pash mende wella, awa, har i brishin pal o wend i phub sapenes krella.

Micha 4:2

Bud menshe dran wawar themma wenn kai, un penenn: “Awenn, djas pral ap i berga o baro Deblestar, pash ko kheer kolestar, kai o Jakobeskro Dewel hi. Kote sikrell job mende, har te djas ap leskro drom, te djiwas mer jaake har job kamell.” I berga Zion hi koi platsa, kai sikrell job i menshende, hoi lo lendar kamell. Un dran Jerusalem djan sawe menshe win, kai penenn i wawarenge o baro Debleskro lab.

Mateo 7:24

Hakeno, kai mire laba shunella un kowa krella, hoi me penau, kowa hi jaake har i gosewo mursh, kai peskro kheer ap i sorelo baro bar kras.

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

Louka 24:47

Un an peskro lab hunte well i menshenge an hake themma penlo, te mukenn le pengro tchilatcho drom, un djan ap o Debleskro drom, jaake kai lell o Dewel lengri doosh lendar krik. Penenn kowa i menshenge an o foro Jerusalem, un palle an i wawar themma!

Johanni 4:22

Tumer djinenn gar, kones tumer an-mangenna. Mer djinah, kones mer an-mangah. I biboldendar wella kowa, kai lell i menshen dran o tchilatchepen un o merepen win.

Johanni 7:17

Koon kowa krella, hoi o Dewel kamella, kowa haiwella, kai mire laba o Deblestar wenna, un gar mandar.

Bičepangre 1:8

Ap tumende well o Debleskro Ducho un dell tumen i bari soor. Palle rakrenn tumer mandar an o foro Jerusalem, un an o tselo them Judea, un an o them Samaria, un ap i tseli phub.”

Bičepangre 10:33

Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

Remarja 10:18

Kanna putchau tumendar: Shunan i bibolde ko lab gar? Awa! Jon shunan kowa lauter. Jaake hi tchinlo an o Debleskro lab: Ap i tseli phub shunan le ko rakepen. An i tsele themma was ko lab penlo.

5. Mose 33:19

Jon denn wawar menshen gole ap pengri Debleskri berga, un kote anenn le viechen o Debleske, hoi leske tchatcho hi. Lengro brawlepen hatsenn le an o baro pani, un kutch koowa lenn le dran i santa.

5. Mose 6:1

Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

Jakobo 1:25

Koon dikell pale un pale an o Debleskro latcho lab, hoi i menshen win lella dran lengro phuro djipen, ko mensho bistrell gar, hoi job dikas un shunas. Un kowa krella, hoi ko lab penella. Koles dell o Dewel peskri bacht an lauter, hoi job krella.