Jesaja 2:2 - O Debleskro Drom 2021 (Sinte)

² Well i tsiro, koi hi koi berga, kai o baro Debleskro kheer tardo hi, bareder har i tsele wawar berge, un dikell tele ap i tsele tikne berge. Un i menshe dran bud themma nashenn pash kai berga,

O Debleskro Lab 2024 (Sinte-Manouche)

² Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Jesaja 2:2 ပူးပေါင်းရင်းမြစ်များ

1. Mose 49:1

Un o Jakob das peskre tchawen gole un penas: Awenn khetne! Me penau tumenge, hoi tumenge djala an ko tsiro, kai wella.

Hiob 19:25

Me djinau, te djiwell o Dewel, kowa, kai miro koowa an peskro wast lell. Un an o tsillo, kai o tchatchepen win rakedo well pral kai phub, hi job miro rakepaskro.

Debleskri gili 102:23

ap ko tsiro, kai wenn menshe dran i tsele rajengre themma kote khetne, te mangenn le o baro Debles an.

Debleskri gili 2:8

Te mangeh mandar i tsele themma, dau me len tute. Awa, i tseli phub dau me tute, te well li tiro.

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

Debleskri gili 22:28

Mu rodenn i menshe ap i tseli phub o baro Debles, un wenn pash leste! Mu mangenn le les an, an hako them!

Debleskri gili 48:2

O baro Dewel, sorelo hi lo! Maro Dewel, moldo hi lo, te sharas les an peskro foro, hoi hi pral ap koi berga, kai job djiwella.

Debleskri gili 68:17

Tumer berge, tumer bergetikre sherja, hoske silwerenn tumer ap koi berga, kolat o Dewel peske win rodas, te djiwell job kote? Awa, hako tsireske atchell o baro Dewel koi.

Debleskri gili 72:8

Un job well o baro rai pral i tsele themma, fun jek baro pani bis pash o wawar baro pani.

Debleskri gili 86:9

I tsele natsjone, kolen tu kral, kolla wenna un mangenn tut an, maro rajes, un sharenn tiro railepen.

Debleskri gili 87:1

I gili jekestar dran i familja Korach. O baro Dewel kras o foro Zion soreles, pral ap peskri berga.

Debleskri gili 87:2

O djijestar kamell lo o foro Zion peskre shukar wudjentsa. Budeder kamell lo ko foro har i tsele khera, kai djiwenn o Jakobeskre tchawe.

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

Jesaja 25:6

Kate ap i berga Zion mukell o baro Dewel, ko rai pral o bolepen un i phub, i menshenge an i tsele themma i latcho chapen glan te tchiwell; i chapen thullo masseha un latchi phuri mool, awa, wi-rodedo latcho mass un wi-rodedi phuri mool.

Jesaja 27:13

Un ap ko diwes well an i bari phurdepaskri phurdedo. Un i Israelitarja, kai his nashedo an o them Assur, un kai his win tradedo an o them Egiptia, kolla lauter wenna un mangenn o baro Debles an ap o Debleskri berga an o foro Jerusalem.

Jesaja 30:29

Tumer, o Debleskre menshe, giwenna gilja, har pash i baro chapen an i rat, kai sharenn o Debles un giwenn leske. Tumer wenn jaake bachtelo, har te djans bashepah pre ap i berga o baro Deblestar, kai ap o Israeleskri rig hi.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Jesaja 56:5

palle dau tut i bar an miro kheer, kai tiro lab dren tchinlo hi. Kowa hi feteder har tchawe un tcha. Kau lab, hoi tut dau, well an kek tsiro bistedo.

Jesaja 56:7

kolen anau pash miri berga, kai me djiwau, un krau len bachteles an miro kheer, kai mangenn man i menshe an. Jon nai anenn mange viechen: sawe, hoi wenn mange chatchedo ap miri chatchepaskri, ninna sawe, hoi chan le glan mande. Un me dikau latches ap kowa. Miro kheer well kharedo: Kheer, kai i menshe dran hake themma o Debles an-mangenn.

Jesaja 60:3

Un i menshe dran wawar themma wenna, te dikenn le, har railo tu hal. Un lengre raja wenna, te dikenn le ko railepen, hoi pral tute pre djas.

Jesaja 65:11

Tumenge, kai o baro Debles mukan, well wawartchandes: Tumer bistran miri berga, kai wau an-mangedo, un tchiwan o chocheno debleske, o Gad, chapen glan. Un glan o chocheno debleste, o Meni, tchoran mool win.

Jesaja 66:20

Un kolla anenn tumare phralen dran i tsele themma pale, te denn le len o baro Debleske. Ap miri berga an Jerusalem anenn le len ap graja, un ap wurdja, hoi pre hi, un an wurdja, hoi pandlo hi, ap maultikre burike un ninna ap khamele, penell o baro Dewel. Jon anenn len jaake har i Israelitarja anan djob an djudje tchare an o baro Debleskro kheer.

Jesaja 66:23

Un hako tchon, ap ko diwes, kai well o newo tchon diklo, un hako kurko ap o Debleskro diwes, wenna menshe dran hake themma glan mande, te witsrenn le pen glan mande tele, penell o baro Dewel.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Jeremia 23:20

O baro Debleskri choli mukell gar tele, bis te kras lo, hoi les glan his. I tsiro well, kai haiwenn tumer kowa.

Jeremia 26:18

“Har o Hiskija o baro rai pral Juda his, penas o Debleskro rakepaskro, o Micha dran o foro Moreshet, ap i tsele menshende an Juda: Kowa penell o baro Dewel, ko rai pral o bolepen un i phub: I diwes well, kai well o foro Zion jaake trujel witsedo har i hachetikri phub, te well o pralstuni phub tele un i telstuni phub pral. O forestar Jerusalem atchell tchi pral har barra. Un ap koi berga, kai kanna o Debleskro kheer tardo hi, well i diwje burra bares.

Jeremia 3:17

An ko tsiro well o foro Jerusalem kharedo: O baro Debleskri beshepaskri. Un i tsele menshe wenn koi khetne. Un jon djan buder gar pal pengro shero un pengro tchilatcho dji.

Jeremia 30:24

O baro Debleskri choli mukell gar tele, bis te kras lo, hoi les glan hi. I tsiro well, kai haiwenn tumer kowa.

Jeremia 31:12

Jon wenna pral ap i berga Zion, un denn gole i bachtjatar, un wenn bachteles pral kowa, hoi o baro Dewel len dell: djob, mool, djet un terne bakre un grumja. Lengre djia wenn sorelo har i garta, kolat hako tsiro doha pani hi. Un lenge hi buder gar ropaske.

Jeremia 48:47

I diwes well, kai krau me, te well i menshenge dran o them Moab pale lauter mishto, penell o baro Dewel. Kate herell pre, hoi o Jeremia pral o them Moab penas.

Jeremia 49:39

Pal i rah tsiro krau me, te well i menshenge dran o them Elam pale lauter mishto. Kowa penell o baro Dewel.

Jeremia 51:44

O baro Dewel penell: Awa, me dom o chocheno debles Bel an o them Babilonia peskri phagi, un tserdom dran leskro mui kowa, hoi job pre chas. I menshe dran wawar themma nashenn leske buder gar palla. I massurja o forestar Babilon peran khetne.

Ezekiel 38:16

Un tu djah ap mire menshen Israel pre, un tire lurde tchakrenn o them har i wolka. An o palstuno tsiro well kowa jaake, te mukau tut pral miro them te well, te nai dikenn i menshe an wawar themma, koon me hom. Te dikenn le hoi krau tuha, Gog, haiwenn le, te hom me o Dewel.

Ezekiel 40:2

An i visiona anas lo man an o them Israel, un mukas man tele ap i bari berga, hoi dur pre djas. Ap koi rig i bergatar, kai o kham pralstunes tardo hi, dikom tchomone, hoi win dikas har i foro.

Daniel 10:14

Kanna wom me, te penap tuke, hoi tire menshenge djal an kol diwessa, kai wenna, un kanna gomme dur glan mende hi. Ninna kau dikepen well tchatcho an o tsiro, kai gomme dur krik hi.”

Daniel 2:28

Kanna djin, an o bolepen hi i Dewel, kowa nai sikrell, hoi khatedo hi. Un job mukell o baro rajes Nebukadnezares te djinell, hoi wella an kol tsirja, kai wenna. Ake kowa, hoi suni dal un ko dikepen, hoi dikal, har sowal:

Daniel 2:35

Koi djas i tseli figura paash. Un o saster, i phubjakri tchik, o lolo saster, o rup un o sonakai peran khetne an tikne kotja. Un i ducho phurdas len krik har phuss. Un kek nai hatsas len buder. Un ko bar, hoi koi figura khetne das, was i bari berga, un las i tseli phub dren.

Daniel 2:45

Kowa kamell ko bar te penell, hoi tu dikal, koles kek mensho witsras. Tu dikal, har was lo i berga tele un das koi figura dran saster, lolo saster, phubjakri tchik, rup un sonakai, an tikne kotja. Jaake mukell tut o baro Dewel te djinell, hoi pal kawa wella. Un kai suni penell o tchatchepen. Un hoi me penom, hoi kai suni kamell te penell, hi ninna tchatcho.”

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Zakarie 14:10

O tselo them Juda well i buchlo telstuno them mank o foro Geba un o foro Rimmon, hoi tchatches o forestar Jerusalem tchiddo hi. O foro Jerusalem atchell pralstunes tchiddo, un djal o wudarestar Benjamin bis kote, kai o ersto wudar his, un kotar dureder bis pash o wudar, kai i rigja khetne wenna, un fun o turmo Hananel bis kote, kai i mool dran i drake o baro rajeske kerdo was.

Zakarie 14:9

Palle hi o baro Dewel o rai pral i tsele themma ap i phub. An ko tsiro hi job kokres o Dewel. Les kokres mangenn le an.

Zakarie 8:22

Palle wenn bud menshe dran wawar themma an o foro Jerusalem, te mangenn le o baro Debles an, ko rajes pral o bolepen un i phub, te dikell lo latches ap lende.”

Zakarie 8:3

Me wau pale ap i berga Zion un djiwau mashkral an o foro Jerusalem. Palle kharell pes Jerusalem ‘foro, kai rikrenn pen i menshe ap o baro Debleste’. Un i berga Zion, kai djiwau me, o baro Dewel, ko rai pral o bolepen un i phub, kai berga kharell ‘Debleskri berga’.”

Maleachi 3:12

Un i menshe an i tsele themma penenn pral tumende: “Dikenn, har bachteles jon hi! Hawo shukar them len hi!” Ko penell o baro Dewel, ko rai pral o bolepen un i phub.

4. Mose 24:14

Un kanna djau pash mire menshende. Glan kowa kamau tuke te penell, hoi kal menshe tire menshenge krenna an o tsiro, hoi wella!”

Bičepangre 2:17

Ko tsiro wella, penell o Dewel, kai me tchiwau miro Debleskro Ducho ap i tsele menshende. Un tumare tchawe un tcha dikenn nai glan-wi, hoi wella. Un i terne mursha dikenn kowa, hoi o Dewel len sikrell, un i phure mursha denn suni.

2. Timoteo 3:1

Kowa hunte djiness tu: Glan ko tsiro, kai i phub tele djala, well i pharo tsiro ap i menshende.

Hebrearja 1:2

Kanna, an kau tsiro, bitchras lo peskro tchawes pash mende, te rakras job ap mende. Koleste das o Dewel lauter an leskre wasta, te well job o rai pral lauter. Koleha kras lo o bolepen un i phub.

2. Petro 3:3

Me kamau, te djinenn tumer, glan ko tsiro, kai o Jesus Kristo pale wella, wenna menshe pash tumende, kai san pral tumaro patsepen. Kolla djiwenn jaake har jon kamenna,

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 20:4

Un me dikom kolen, kolenge o shero tele dino was doleske, kai rikran le soreles ap o Debleskro lab un sikran i menshende o Jesuseskro drom. Jon mangan gar ko vieches an, witar gar ko vieches, hoi i menshendar kerdo was. Un jon lan gar o viecheskro lab ap pengre shere, witar gar ap pengre wasta. Kalla lauter wan kanna djido. Jon hi beshdo ap i rajengre beshepangre, un lenn i soor, te rakrenn le o tchatchepen win pral i menshende. Khetne o Jesus Kristeha hi le raja jek sero bersh.