Jesaja 2:19 - O Debleskro Drom 2021 (Sinte)

¹⁹ Ap ko diwes, kai o baro Dewel pre stell, te anell lo i traash pral i phub, khatrenn pen i menshe an i grotte, mank i bare barra un an i phub, i darjatar o baro Debleskri choljatar un glan leskro railo barepen.

O Debleskro Lab 2024 (Sinte-Manouche)

¹⁹ Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Jesaja 2:19 ပူးပေါင်းရင်းမြစ်များ

2. Samuel 22:46

Len hi buder kek soor an pende. Darjah wenn le dran pengre sorele rajengre khera win.

Hiob 9:6

Job taprell ap i phub un koja trissell, Ninna i barra, hoi hidjrenn lat, trissenn.

Debleskri gili 7:6

palle mu lenn man palla kolla, kai hi chojede ap mande! Mu taprenn le man, un witsrenn man ap i phub, un mukenn le man an i tchik tchiddo!

Jesaja 13:13

Me mukau o bolepen te trissell. Un i phub atchell buder gar kote tardo, kai li kanna hi, ap ko diwes, kai me, o baro Dewel, o rai pral o bolepen un i phub, anau miri choli pral i phub.

Jesaja 2:10

Dja mank i bare barra, un khate tut an i tchik, i darjatar o baro Deblestar un glan leskro railo barepen.

Jesaja 2:21

Un jon khatrenn pen mank i bare barra un an i barrengre grotte i darjatar o baro Deblestar un leskro railo barepen, te stell lo pre, te anell lo i traash pral i phub.

Jesaja 24:1

I diwes wella, kai lell o baro Dewel o djipen i phubjatar krik. Un i phub well i mulo them. Un kowa, hoi ap late tardo hi, witsrell lo trujel. Un i menshe wenn kate te kote tradedo:

Jesaja 24:18

Kowa, kai nashell nai peske glan i trashakri gole, perell an i gruba. Un kowa, kai tserdell pes pral dran i gruba, well an i netsa tapedo. O bolepen krell pes pre un dell baro brishin un o telstunepen, hoi i phub hidjrell, trissella.

Jesaja 24:19

Un i phub phagell khetne, phagell an kotja un perell khetne.

Jesaja 30:32

Un pash haki dap, hoi o baro Dewel ko kashteha ap lende tele dell, dell bashepen ap i tikne pauke un harfe. Jaake dell lo len trad un kurell pes lentsa an o kurepen.

Jesaja 33:10

“Kanna kamau me pre te stell”, penell o baro Dewel. “Kanna hadau man un sikrau miri soor.”

Jesaja 7:19

Un jon lauter beshenn pen ap hake platse – an i telstuni tala un mank i bare barra, an i burra un ap o senlepen.

Jeremia 16:16

Me kamau bud matchepangren win bitchrell. Kolla hunte matchrenn len. Pal kowa bitchrau bud jegarjen win, te taprenn jon len, kai jon ninna hi: ap haki bari un tikni berga, un mank kol bare barra, kai khatran le pen.

Jeremia 4:29

Dran kol tsele forja nashenn le penge glan koi gole kol lurdendar, kai klissenn ap i graja, un kolendar, kai denn karje, un nashenn an pesse wesha un khatrenn pen mashkral i barra. Hako foro well muklo tchiddo. Kek djiwell buder koi dren.

Jeremia 48:28

Tumer menshe an o them Moab, nashenn win dran tumare forja, un djiwenn mank i bare barra! Un krenn les har i taube, kai krenn pengre khera kote, kai i barra dur tele djan.

Ezekiel 33:27

Jaake peness tu lenge: Kawa penell o baro Dewel, maro rai: Pash miro djipen dau man sowel, halauter, kai an kol tele phagede forja djiwenn, wenn maredo o chareha. Un kolla, kai win ap o them djiwenn, wenn khetne dandedo i diwje viechendar. Un kolla, kai khatrenn pen an sorele barrengre khera un an i phub, kolla merenn ap i djungelo nasslepen.

Hosea 10:8

Khetne dine wenn i mulne platse, kai i Israelitarja i chochene deblen an-mangan, un o baro Deblestar tele peran. Subjengro senlepen un subjengre burra wenn bares ap lengre altare. Un jon penenna: Tumer bare un tikne berge, perenn pral mende, un tchakrenn men!

Micha 7:17

Jon hunte tchiwenn pen ap i phub pengre mujentsa an i tchik har i sapa un i kirme. Un trisslepah wenn le win dran pengre sorele khera, un wenn glan tute, maro baro Debleste, bari darjah.

Nahum 3:11

Ninna tu, Ninive, weh mato i dukatar un dinelo an o shero. Ninna tu rodeh, kai tut nai khatress kolendar, kai kamenn tut te marell.

Haggai 2:6

Doleske penell o baro Dewel, ko rai pral o bolepen un i phub: An i tikno tsiro krau me, te trissenn o bolepen un i phub, o baro pani un o truk them.

Haggai 2:7

Awa, i menshenge an i tsele themma lau i soor krik. Un lengro kutch koowa well kate anlo, un me krau miro kheer pherdo railepen. Ko penell o baro Dewel, ko rai pral o bolepen un i phub.

Louka 23:30

Ap ko tsiro penenn le ap i berge: Perenn pral mende!

2. Tessalonikarja 1:9

Kolla lenn i phagi: Jon djan hako tsireske nashedo, un nai wenn buder gar pash o Debleste, un dikenna gar leskro baro railepen

Hebrearja 11:38

Jon nashan an o mulo them trujel, ninna an i berge un djinan gar, kai te djan le. Mashkral i bare barra khatran le pen, ninna tel i phub. Kolla lauter his latche menshe. I wawar menshe ap kai phub his gar moldo, te djiwan kol latche menshe mashkral lende.

Hebrearja 12:26

An o phuro tsiro trissas i phub, har o Dewel rakras. Kanna penell lo: An ko tsiro, hoi wella, trissell i phub i wawar kopo, un gar i phub kokres, na-a, ninna o bolepen trissella.

Debleskro tsiro 11:13

Un ap jek kopo trissas i phub soreles. Un o deshto kotar ko forestar peras khetne. Un efta serja (7.000) menshe wan maredo. Un kol wawaren tapras i bari daar, un jon sharan o Debles, kai an o bolepen hi.

Debleskro tsiro 11:19

Un o Debleskro kheer an o bolepen was pre kerdo. Un an o Debleskro kheer dikom me ko sonakaskro mochton, hoi sikrella, kai o Dewel o maal peskre menshendar hi. Un i jag das karje dran o bolepen pre te tele. Un o bolepen das bari gole, har koi gole, hoi o bolepen della, te dell baro brishin un te djal jag tele dran o bolepen. Un i phub trissas, un das brishin har bare barra.

Debleskro tsiro 16:18

Koi das i jag dran o bolepen karje pre te tele, un was i bari gole win, har koi gole, hoi o bolepen krella, te dell baro brishin un te djal jag tele ap i phub. Un i phub trissas jaake soreles, har dikan le kowa gar jaake rah, har menshe ap i phub hi.

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.

Debleskro tsiro 9:6

Un an ko tsiro kamenn i menshe te merell, un nashte merenn gar. Lengro dji nashell pal o merepen, un o merepen nashell lendar.

1. Samuel 13:6

Har i Israelitarja dikan, har sorelo i Filistarja hi, tapras len i daar, un jon khatran pen an i phub, pal subjengre burra, mank bare barra, an grufte un panjengre chebja.

1. Samuel 14:11

Un kol dui sikran pen kol Filistarengre lurdenge, kai koi jak dan. Un kolla penan ap pende: “Ake, i Hebrearja wenn dran pengre chebja win, an kolende jon pen khatran!”