Jesaja 2:12 - O Debleskro Drom 2021 (Sinte)

¹² Leskro diwes wella, ko diwes o baro Deblestar, ko rajestar pral o bolepen un i phub. Ap ko diwes well hako pre-phurdo tiknes kerdo, ninna hakeno, kai hadas pes, hakeno kai kras pes bares.

O Debleskro Lab 2024 (Sinte-Manouche)

¹² Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jesaja 2:12 ပူးပေါင်းရင်းမြစ်များ

2. Samuel 22:28

Tu weh ap i rig i tchorwelenge, un kol pre-phurden kreh tu tiknes.

Hiob 24:1

Hoske dell o sorelo Dewel kek tsirja, kai rakrell lo o tchatchepen win pral i tchilatchende? Kolla, kai les prindjrenn, dikenn gar, har un kaana job kowa krell.

Debleskri gili 131:1

I gili o Davidestar te giwell ap o drom an Jerusalem. Baro Dewel, me hom gar pre-phurdo, un mire jaka dikenn gar tele ap i wawarende. Me kamau gar baro koowa, witar gar sawo koowa, hoi dur pral mande hi.

Debleskri gili 18:28

Tu weh ap i rig i tchorwelenge, un kol pre-phurden kreh tu tiknes.

Debleskri gili 37:13

O baro Dewel sal pral leste, job dikell leskro diwes te well.

Debleskri gili 94:2

Tu hal o tchatchepaskro rai pral i tseli phub, de kol pre-phurden pengri phagi!

Gosewe laba 16:5

O baro Dewel dikell chojedes ap hakeneste, koles i pre-phurdo dji hi. O wast pre, kowa lell peskri phagi.

Jesaja 10:12

An ko tsiro, kai kras o baro Dewel, maro rai, lauter, hoi job peske glan las, te krell lo ap i berga Zion un an Jerusalem, lell lo peske o baro rajes o themestar Assur glan, koleskro dji jaake pre-phurdo hi, un koleskre jaka tele dikenn ap i wawarende.

Jesaja 10:33

Dikenn, har o baro Dewel, ko rai pral o bolepen un i phub, peskri bari sorjah len tele dell har jek i kashta i rukendar tele dell, un i bare ruka trujel dell. Un kolla, kai pen pre hadan, wenn tiknes kerdo.

Jesaja 13:11

O baro Dewel penell: Me anau bibacht ap i phub, un mukau o tselo tchilatchepen, hoi i tchilatche kran, ap lende pale te well. I pre-phurden hi buder tchi, koleha nai sharenn le pen. Un me krau kol pre-phurden tikno, kai rikran pengri sorjah kolen tele, kai len kek soor hi.

Jesaja 13:6

Rowenn, o diwes, kai o baro Debleskri choli well, hi buder gar dur. Ap ko diwes anell o sorelo Dewel bari bibacht pral tumende.

Jesaja 13:9

Kanna well lo, ko diwes, kai o baro Debleskri choli well! Djungeles hi ko diwes, pherdi choljah. An leskri bari choli krell o baro Dewel i phub paash, un tradell i tchilatchen latar win.

Jesaja 14:15

Awa, tele pash i mulende djal tu, an o telstuno mulengro them!

Jesaja 23:9

O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

Jesaja 24:21

Un ap ko diwes dell o baro Dewel i bolepangre lurden lengri phagi, un ninna i bare rajen ap i phub.

Jesaja 24:4

Hako senlepen ap i phub well truk un merell tele. I phub nashrell peskri soor un merell tele, un i an-dikle menshen hi buder kek soor.

Jesaja 40:23

Job krell, te well i pralstunen buder tchi penepaske, un i rajenge pral i phub lell lo lengri soor krik.

Jesaja 42:15

Dran i tsele bare un tikne berge krau i mulo them. Lengro senlepen well djelto. Kote, kai panja nashenn, well i truk them, un i sapeni phub well truk.

Jesaja 5:15

Un jaake well o mensho tikno, un hunte dikell dren, te hi lo tchi. Un kolla, kai dikan tele ap i wawarende, hunte tchiwenn pengre jaka tele pherdi ladj.

Jesaja 61:2

Me wom bitchedo, te dap win gole, te was ko bersh, kai sikrell o baro Dewel peskro latchepen ap peskre menshende. Ninna was ko diwes, kai dell maro Dewel hakenes ko tchilatchepen pale, hoi job ap o them Juda kras. Job bitchras man, te khossap i swa tele kolenge, kai kanna rowenn.

Jeremia 12:9

O them mire menshendar was i them, kai i diwje djukle khetne wan. Un trul lende hi sawe tchirkle, kai chan mass: Awenn khetne tumer tsele diwje vieche! Kate hi chapen!

Jeremia 13:9

Kowa penell o baro Dewel: Ninna kamau me o tselo pre-phurdepen i menshendar dran Juda un Jerusalem paash te krell.

Jeremia 30:7

Awa, hawo djungelo diwes wella, i diwes, hoi hi har kek wawar! Ko tsiro hi pherdi daar o Jakobeskre tchawenge; jon nai djinenn, te wenn le win lino dran kowa lauter.

Jeremia 46:10

Kawa hi o diwes o baro Deblestar, kai hi o rai pral o bolepen un i phub. Ap ko diwes dell lo kolen, kai kamenn les gar, kowa pale, hoi jon ap leskre menshende kran. Leskro charo chal len, bis te hi lo tchalo, un well mato lengro rateha. Jon hi har vieche, kai maredo wenn o baro Debleske, kowa, kai hi o rai pral o bolepen un i phub. Job mukell len mulo te dell pash o pani Eufrat an o them, hoi kote tchiddo hi, kai norden hi.

Jeremia 50:31

Dik, tu pre-phurdo, me kamau ap tute te well, penell o baro Dewel, ko rai pral o bolepen un i phub; tiro diwes was, ko tsiro, kai tiri phagi leh.

Ezekiel 13:5

Jon tchiwan pen gar pre an koi cheb, kai i barra win phagedo wan, un kran kek massuri trul o kheer Israel, te atchans le soreles tardo an o kurepen ap ko diwes, kai o baro Dewel o tchatchepen win krell pral lende.

Amos 5:18

Djungeles djal kolenge, kai penenn: O baro Debleskro diwes te well sik! Hoi patsenn tumer, hoi palle well? Ko diwes anell tumenge kali rat un kek momeli!

Micha 2:3

Doleske penell o baro Dewel ap lende: Kanna hom me, kai lell pes tchilatcho koowa glan, hoi anau ap tumaro kheer! Well jaake, har te wals i dori trul tumari meen, un tumer nai tserdenn tumaro shero buder gar win, un rikrenn les buder gar pre. Sawo tchilatcho tsiro well pral tumende.

Micha 5:11

Un o tselo bengeskro koowa lau tumendar krik, kek drawepangre atchenn pash tumende.

Zefanja 1:16

i diwes, kai i kurepaskri gole shunlo well, un an i phurdepangre phurdedo well, te djan i lurde an o kurepen, un phagenn tele kol sorele forja un bare massurja.

Zefanja 3:11

An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.

Mateo 23:12

Kowa, kai krell pes baro, koles krell o Dewel tikneder har i wawar. Kowa, kai krell pes tikno, koles krell o Dewel baro.

Louka 14:11

Koon pes baro krella, koles sharell o Dewel gar. Koon pes gar baro krella, un penella: Me molau tchi, koles krell o Dewel baro.”

1. Korintarja 5:5

te merell leskro phuro djipen an leste, jaake te djal ko mensho gar nashedo ap ko diwes, kai well maro rai Jesus pale.

1. Tessalonikarja 5:2

Tumer djinenna, o rai Jesus wella har i tchorepaskro an i rati.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.