Jesaja 2:11 - O Debleskro Drom 2021 (Sinte)

¹¹ Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

O Debleskro Lab 2024 (Sinte-Manouche)

¹¹ Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:11 ပူးပေါင်းရင်းမြစ်များ

2. Samuel 22:28

Tu weh ap i rig i tchorwelenge, un kol pre-phurden kreh tu tiknes.

Debleskri gili 18:27

Tu hal latcho ap koleste, kai hi latcho ap i wawarende un hal gosweder har kowa, kai ap bange dromma djal.

Debleskri gili 18:28

Tu weh ap i rig i tchorwelenge, un kol pre-phurden kreh tu tiknes.

Debleskri gili 20:8

Wawar menshe patsenna ap i soor pengre grajendar un wurdja. Mer dah gole ap maro baro Debleste.

Debleskri gili 46:10

Ap o marepen penell lo: “Muk tele ap i tseli phub!” Kol kashta, kolentsa dan le karje, phagell lo khetne, un lengre chare dell lo paash, i kurepangre wurdja chatchrell lo pre.

Debleskri gili 46:11

“Mukenn tele”, dell lo gole, “un haiwenn, te hom me o Dewel. Me hom o pralstuno pral i menshende an i tsele themma, awa, o pralstuno pral i tseli phub.”

Debleskri gili 94:2

Tu hal o tchatchepaskro rai pral i tseli phub, de kol pre-phurden pengri phagi!

Gosewe laba 16:5

O baro Dewel dikell chojedes ap hakeneste, koles i pre-phurdo dji hi. O wast pre, kowa lell peskri phagi.

Gosewe laba 30:13

Hi menshe koi, kai patsenn pendar, har latcho jon hi, un dikenn tele ap hako wawareste.

Jesaja 10:12

An ko tsiro, kai kras o baro Dewel, maro rai, lauter, hoi job peske glan las, te krell lo ap i berga Zion un an Jerusalem, lell lo peske o baro rajes o themestar Assur glan, koleskro dji jaake pre-phurdo hi, un koleskre jaka tele dikenn ap i wawarende.

Jesaja 12:1

I diwes wella, kai i menshe an Jerusalem giwenna: Me sharau tut, baro Dewel! Awa, tu hals chojedo ap mande. Kanna hal buder gar chojedo un rakreh latches mantsa.

Jesaja 12:4

Un ap ko tsiro denn tumer gole: Parkrenn tumen pash o baro Debleste! Denn ap leste gole, te well lo ap tumari rig! Penenn i menshenge an i tsele themma, hoi lo kras. Penenn hakeneske te hi leskro lab bareder har hako wawar lab!

Jesaja 13:11

O baro Dewel penell: Me anau bibacht ap i phub, un mukau o tselo tchilatchepen, hoi i tchilatche kran, ap lende pale te well. I pre-phurden hi buder tchi, koleha nai sharenn le pen. Un me krau kol pre-phurden tikno, kai rikran pengri sorjah kolen tele, kai len kek soor hi.

Jesaja 14:15

Awa, tele pash i mulende djal tu, an o telstuno mulengro them!

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jesaja 23:9

O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

Jesaja 24:21

Un ap ko diwes dell o baro Dewel i bolepangre lurden lengri phagi, un ninna i bare rajen ap i phub.

Jesaja 25:9

Ap ko diwes penell hakeno: Dik, kowa hi maro Dewel! Ap koleste rikram men, te well lo ap mari rig. Job hi maro baro Dewel, ap koleste men rikram! Giwas i bachtjatar: Job las men win dran o merepen.

Jesaja 26:1

Ap ko diwes giwenn le kai gili an o them Juda: Men hi i sorelo foro. O Dewel tchiwas sorele massurja trul mende, te krell kek menge tchilatchepen.

Jesaja 28:5

Ap ko diwes hi o baro Dewel, ko rai pral o bolepen un i phub, har i shukar rajeskri stadi un shereskro sonakai kolenge, kai pral atchan leskre menshendar.

Jesaja 29:18

Ap ko diwes shunenn kolla, kai nai shunenn gar, i laba dran i liil. Un i korele nai dikenn un djiwenn buder gar an o kalepen un an i rat.

Jesaja 30:18

Doleske dikell o baro Dewel ap ko diwes, kai nai well lo tumenge pale latches, un te nai krell lo peskro dji tumenge pre. O baro Dewel hi i Dewel, kai hako tsiro o tchatchepen krell. Bachtelo hi hakeno, kai ap leste dikell.

Jesaja 30:23

Palle dell o baro Dewel brishin ap o djob, hoi tu ap tiro kotar phub win witsral. Un tiri phub anell jaake bud djob win, te well tut budeder har doha maro. Un tire viechen well doha senlepen te chal ap i buchlo senelo them.

Jesaja 37:23

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

Jesaja 4:1

Ap ko tsiro taprenn efta djuwja jek murshes un penenn: Mer kamah kokres maro chapen un mare ripja te ginell. Romedine men, te well i ladj mendar krik lino!

Jesaja 40:23

Job krell, te well i pralstunen buder tchi penepaske, un i rajenge pral i phub lell lo lengri soor krik.

Jesaja 52:6

Doleske well i diwes, kai mukau me mire menshen te djinell, koon hom. Un palle haiwenn le, me hom kowa, kai penell: Kate hom!

Jeremia 12:9

O them mire menshendar was i them, kai i diwje djukle khetne wan. Un trul lende hi sawe tchirkle, kai chan mass: Awenn khetne tumer tsele diwje vieche! Kate hi chapen!

Jeremia 9:24

Shunenn, penell o baro Dewel, ko tsiro well, kai dau hakenes i phagi, kai tchinlo hi ap peskro mass, un djiwell, har te wals lo gar tchinlo:

Ezekiel 38:14

Tu, mensho, pen ap o Gog laba, hoi mandar wenna! Pen: Kawa penell o baro Dewel, maro rai: An ko tsiro, kai mire menshe Israel an o latchepen djiwenn kek darjah, kreh tu tut ap o drom.

Ezekiel 38:19

Un an miri bari un tati choli dau man sowel: Tchatchepah, an ko tsiro trissell i phub an o them Israel soreles.

Ezekiel 39:11

An ko diwes dau i platsa an o them Israel, kai well o Gog paskedo. Koja hi koi tala, hoi kharell Abarim, un hi pash o baro pani ap koi rig, kai o kham pre djala. Kote well job peskre bud lurdentsa paskedo. Doleske nai djan kolla, kai ap i raisa hi, buder gar wergel. Koi tala well kharedo Tala Hamon Gog.

Ezekiel 39:22

Un an ko tsiro dikenn un haiwenn i Israelitarja, te hom me o baro Dewel, lengro Dewel, un bistrenn kowa buder gar.

Daniel 4:34

Me, o Nebukadnezar parkrau man pash o bolepaskro rajeste un hadau les un sharau les. Lauter, hoi job krell un kras, hi mishto. Un leskre dromma hi tchatcho. Un kolen, kai pen bares krenn, nai krell lo tiknes.”

Hosea 2:16

Doleske dik, me kamau lat te tserdell, un kamau lat an o mulo tato them te anell. Un kote rakrau kamles lah.

Hosea 2:18

Palle, penell o baro Dewel, kharell li man pale ‘miro rom’, un gar buder ‘miro Baal’.

Hosea 2:21

Israel, tu weh miri romni hako tsireske. Me djau tuha trujel, har mishto un tchatcho hi. Me hom latches ap tute, un krau miro dji pre tuke.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Obadja 1:8

Me, o baro Dewel penau: An ko tsiro lau i gosewen an o them Edom krik. Un ap i berge Esau djinell buder kek, hoi te krell.

Micha 2:3

Doleske penell o baro Dewel ap lende: Kanna hom me, kai lell pes tchilatcho koowa glan, hoi anau ap tumaro kheer! Well jaake, har te wals i dori trul tumari meen, un tumer nai tserdenn tumaro shero buder gar win, un rikrenn les buder gar pre. Sawo tchilatcho tsiro well pral tumende.

Micha 4:6

O baro Dewel penell: O tsiro well, kai anau mire menshen pale khetne, jaake har anell i bakrengro peskre bakren pale khere, hoi dukedo hi un krik tradedo wan. Me dom len pengri phagi.

Micha 5:10

Un tire forja dau paash, un tire tsele sorele khera phagau tele.

Zefanja 3:11

An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.

Zefanja 3:16

An ko tsiro well penlo ap i menshende an o foro Jerusalem: Ma trashenn tumen, tumer an Jerusalem! Ma mukenn tumare wasta tele te perell!

Zakarie 9:16

Ap ko diwes lell len lengro baro Dewel win dran i tchilatche wasta. Job hi lenge har i bakrengro, kai dell garda ap peskre bakren. Har i kutch barra ap i rajeskri stadi krenn le o them shukar.

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

2. Korintarja 10:17

Koon kamell pes te sharell, kowa hunte sharell kowa, hoi o Jesus Kristo kras.

2. Korintarja 10:5

Te penenn jon, te dals kek Dewel, sikrah mer, kai lengre pre-phurde laba gar tchatcho hi. Halauter, hoi lenge an o shero trujel djal un hadell pes pral o Jesus Kristeste pre, dah mer paash.

2. Tessalonikarja 1:10

ap ko diwes, kai well maro rai Jesus pale, te well lo sharedo peskre menshendar. Un i tsele patsle dikenn les, un hi bachtelo pral leste, ninna tumer, kai patsan ap o Debleskro latcho lab, hoi mer tumenge penam.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.