Jesaja 19:5 - O Debleskro Drom 2021 (Sinte)

⁵ O pani an o Nil well krik chalo, ko lengsto pani hi gar buder.

O Debleskro Lab 2024 (Sinte-Manouche)

⁵ O pani an o Nil vell krik rhalo, ko lengsto pani hi gar bouder.

Jesaja 19:5 ပူးပေါင်းရင်းမြစ်များ

Hiob 14:11

Dran o baro pani nashell o pani win. Un o lengsto pani nashrell bud un budeder pani, bis te hi lo truk.

Jesaja 15:6

An i tala Nimrim hi buder kek pani. O khass meras un kek senlepen hi buder koi.

Jesaja 23:11

O baro Dewel hadas peskro wast pral o baro pani win, un anas traash pral i tsele rajengre themma. Job penas soreles, te wenn i sorele barrengre khera an o them Kanaan paash dino.

Jesaja 37:25

An i wawarengro them pani hatsom, un kolestar pijom. Pash i Egiptarja kanna djau, un lengre panja mire pirentsa truk krau.”

Jesaja 50:2

Hoske wom me, un kek mensho his koi, dom gole, un kek das pes glan? Hi miri mussi gar lengsto doha, te nai lap tumen gar dran o pandepen win? Hi an mande kek soor, te nai lap gar jekes win dran o wawareskro wast? Dikenn, te tchingrau me ap o baro pani, palle well lo truk i darjatar, un lengste panja wenn har o mulo them. I matchen an lende hi buder gar doha pani, un merenn i trushatar un khandenn palle.

Jeremia 51:36

Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.

Ezekiel 30:12

Me krau, te wenn i lengste panja an o them Egiptia truk, un dau o them an o wast tchilatche menshendar. Un wi-themarja krenn o them un kowa, hoi dren hi, paash. Me, o baro Dewel penom kowa.

Zakarie 10:11

Te djan le darjah mank o baro pani, tradau me o pani pale. Un o lengsto pani Nil, ninna te djal lo dur tele, well truk. Un me rikrau o pre-phurdo them Assur tele. Un o them Egiptia hi buder gar o rai pral wawar themma.

Zakarie 14:18

Ninna te hi kolla i Egiptarja, kai djan gar pre an Jerusalem glan o baro Debleste, lenn le koi phagi, hoi dell o baro Dewel i menshenge an i tsele themma, kai wenn gar pre an Jerusalem, te rikrenn le kol bare diwessa, kai i menshe an patjengre khera djiwenna.