Jesaja 19:2 - O Debleskro Drom 2021 (Sinte)

² Un me kamau len jek ap o wawareste pre te anell, jaake te marell pes jek phraal o wawareha, jek maal o wawareha, jek foro o wawareha, un jek them o wawareha.

O Debleskro Lab 2024 (Sinte-Manouche)

² Oun me kamau len yek ap o vavareste pre te anell, yaake te marell pes yek phraal o vavareha, yek maal o vavareha, yek foro o vavareha, oun yek them o vavareha.

Jesaja 19:2 ပူးပေါင်းရင်းမြစ်များ

1. Rajengro liil 16:21

An ko tsiro peran i menshe an Israel an dui kotja, kolla ap koi jek rig nashan o Tibni palla, koleskro dad o Ginat his, te well job lengro baro rai, un kol wawar rikran ap o Omri.

2. Familjakro liil 15:6

O Dewel mukas traash un hakelai bibacht pral lende te well. Jaake kuras pes jek them o wawar themeha un jek foro o wawar foreha.

Jesaja 3:5

Un an o them djal hakeno ap o wawareste un dell les pral o kand: o terno o phures, o tchi-moldo o an-dikles.

Jeremia 46:12

Tiri ladj was an i wawar themma win gole dino. Halauter shunan tiro ropen. Tire sorele kurepangre peran jek pral o wawar, un atchan jek pash o wawareste tchiddo.

Jeremia 51:46

Te shunenn tumer, hoi an o them rakedo well, nai darans tumer, un nai nashrans tumare djia pengri soor. Hako bersh well wawar djungelo koowa rakedo: Bari sorjah djan le ap i tiknende an kau them, un jek rai djal ap o wawareste.

Ezekiel 38:21

Un me dau o charo gole, te well lo pral o Gog ap mire tsele berge, penell o baro Dewel, maro rai. Leskre lurde djan pengre charentsa jek ap o wawareste pre.

Zakarie 8:10

Bis kanna his kek lowe koi, te plaissrenn le murshen pengre viechentsa lengri budjake. Un kolla, kai djan win un dren an o foro, hunte daran pengro djipaske. Hakeno djas ap o wawareste pre.

Mateo 10:21

Ap ko tsiro dell i phraal peskro phrales an lengre wasta, te well lo maredo. Un o dad dell o tchawes an lengre wasta, te well job maredo. Un i tchawe hi midjak ap pengre dadende un pengre dajende, un denn len an i wasta kolendar, kai marenn len.

Mateo 10:36

Un kowa, kai ap o wawareste chojedo hi, djiwell leha an leskro kheer khetne.

Mateo 12:25

O Jesus haiwas, hoi an lengro shero trujel djas. Un job penas ap lende: Hako them un hako foro djal paash, kai dui bare raja kurenn pen. Un an jek kheer nashte wenn gar dujen penepaske. Kowa djal gar.

Mateo 24:7

I pralstune pral bare themma kurenn pen i wawar pralstunentsa. Un i menshe dran jek them marenn kolen an i wawar them. An bud themma hi i menshen gar doha te chal. Un kate un kote well i phub trisslemen.

Markus 3:24

Te kurenn pen i bare raja an jek them, palle djal ko them paash.

Čačepangre 7:22

Un har kol triin sheel mursha an pengre phurdepangre phurdan, kras o baro Dewel, te kuras pes ap i platsa hakeno hakeneha. Un jon lauter nashan bis pash o foro Bet-Shitta ap o drom pash o foro Zereda, un ninna bis pash o foro Abel-Mehola pash o foro Tabbat.

Čačepangre 9:23

Un palle bitchras o Dewel i tchilatcho ducho mashkral o Abimelech un i menshende an o foro Sichem. Un kolla rissran pen lestar tele, un rikran buder gar pash leste.

1. Samuel 14:16

Un kol mursha, kai jak denn pash o Saul an o foro Gibea an o them Benjamin, kal mursha dikan, har i Filistarja nashan jek rigjatar ap i wawar.

1. Samuel 14:20

Un o Saul un i tsele lurde, kai pash leste hi, wan khetne, un djan ap i kurepaskri platsa. Un har le koi wan, dikan le, te maran pen i Filistarja kokres. Jek djas ap o wawareste. Lauter his har dineles.