Jesaja 19:1 - O Debleskro Drom 2021 (Sinte)

¹ Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

O Debleskro Lab 2024 (Sinte-Manouche)

¹ Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Jesaja 19:1 ပူးပေါင်းရင်းမြစ်များ

Debleskri gili 104:3

un kral tuke i kheer pral i panja. Tu ulereh ap i wolke har ap i wurdin, un i winta hidjreh tut.

Debleskri gili 104:34

Mu well miri gili leske shukar! Me hom bachtelo pral miro baro Debleste.

Debleskri gili 18:9

Jagakro ducho djas dran leskro nak pre, baro tatepen was dran leskro mui win, ninna jag das karje lestar win.

Debleskri gili 68:4

Hi wawartchandes kolentsa, kai an o tchatchepen tardo hi: Jon wenn bachtelo, stenn un sanenn i bachtjatar glan o Debleste.

2. Mose 12:12

Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

Jesaja 13:1

Kawa hi, hoi sikras o Dewel o Jesajes pral o foro Babilon. O Jesaja hi o tchawo o murshestar Amoz.

Jesaja 13:7

Doleske hi i menshen buder kek soor, te krenn le tchomone, un daar peras ap lende.

Jesaja 19:16

Ap ko diwes darenn i Egiptarja har djuwja; jon trissenn i trashatar glan o baro Debleste, ko rajeste pral o bolepen un i phub, ap ko diwes, kai hadell lo peskro wast, te dell lo len.

Jesaja 21:9

Kanna dikom i murshes ap i wurdin dui grajentsa. Un ko mursh das gole: O foro Babilon peras, peras. Un i tsele chochene debla hi paash dino ap i phub.

Jeremia 25:19

Pal lende hunte pijenn i wawar menshe dran kau khoro: o baro rai pral Egiptia; ninna kol wawar pralstunende; un i tsele Egiptarja;

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Jeremia 50:2

Denn win gole an i wawar themma! Halauter hunte shunenn! Hadenn tumari themeskri plachta pre! Hakeno te shunell kowa! Rikrenn les gar pale! Penenn: O foro Babilon hi dren lino, Lengro dewel Bel nai kras tchi, lengro dewel Marduk hi khetne phagedo; lengre mule debla nai kran tchi, lengre figure hi pash kerdo!

Jeremia 51:44

O baro Dewel penell: Awa, me dom o chocheno debles Bel an o them Babilonia peskri phagi, un tserdom dran leskro mui kowa, hoi job pre chas. I menshe dran wawar themma nashenn leske buder gar palla. I massurja o forestar Babilon peran khetne.

Ezekiel 30:13

Kawa penell o baro Dewel, maro rai: Me mukau i chochene deblen paash te krell, un lau i figuren dran o foro Memfis krik. Un an o them Egiptia hi buder kek rai. Un bari daar taprell o tselo them.

Nahum 1:1

Kawa hi ko liil, kai tchinlo hi, hoi rakras o baro Dewel pral o foro Ninive. Job sikras kowa peskro rakepaskreste, o Nahum. Kowa was dran ko gab Elkosh.

Nahum 1:3

O baro Dewel well gar sik chojedo. Les hi bari soor, un tchatchepah, hakeneste, kai doosh ap peste anas, dell job peskri phagi. Kote, kai o baro Dewel djal, phurdell i sorelo ducho. Un i wolke hi har koi tchik, hoi leskre pire pre witsrenn.

Zakarie 10:11

Te djan le darjah mank o baro pani, tradau me o pani pale. Un o lengsto pani Nil, ninna te djal lo dur tele, well truk. Un me rikrau o pre-phurdo them Assur tele. Un o them Egiptia hi buder gar o rai pral wawar themma.

Zakarie 14:18

Ninna te hi kolla i Egiptarja, kai djan gar pre an Jerusalem glan o baro Debleste, lenn le koi phagi, hoi dell o baro Dewel i menshenge an i tsele themma, kai wenn gar pre an Jerusalem, te rikrenn le kol bare diwessa, kai i menshe an patjengre khera djiwenna.

4. Mose 33:4

har kolla pengre phureder mursh tchawen paskran, kolen o baro Dewel maras mashkral lende. Jaake sikras lo i Egiptarende, te hi lo sorleder har lengre debla.

5. Mose 33:26

Israel, kek dewel hi har tiro Dewel. Pherdo railepen hi lo beshdo ap wolke un djal pral o bolepen, te well lo ap tiri rig.

Josua 2:11

Un har kowa shunam, was bari traash ap mende, un an kekeste mendar atchas i soor, te djal lo pre ap tumende. O baro Dewel hi tumaro Dewel, un hi o Dewel pral an o bolepen un kate tele ap i phub.

Josua 2:24

Un jon penan ap o Josua: “O baro Dewel das o tselo them an maro wast. Ninna halauter kolla, kai koi djiwenn, hi har bango darjatar glan mende.”

Josua 2:9

un penas ap lende: “Me haiwom, te das o baro Dewel tumen kau them. I bari traash glan tumende peras ap mende. Un hakeno, kai kate djiwell, hi har bango darjatar glan tumende.

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.