Jesaja 18:4 - O Debleskro Drom 2021 (Sinte)

⁴ O baro Dewel penas ap mande: Fun pral dran miro kheer lau an i jak, hoi djala ap i phub, un atchau pokones har o tatepen mashkral o diwes, un har i sapeni wolka an o tato tsiro, kai o djob dren anlo well.

O Debleskro Lab 2024 (Sinte-Manouche)

⁴ O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

Jesaja 18:4 ပူးပေါင်းရင်းမြစ်များ

2. Samuel 23:4

kowa hi har o kham, kai djal pre taissarlakro, ap i diwes, kai kek wolke hi. Kowa hi har ko senlepen, hoi well pal o brishino dran i phub win.”

2. Familjakro liil 6:21

Shun miro mangepen un ninna ko mangepen tire menshendar Israel, te denn le gole ap tute kai ap kau kotar phub. Un tu te shuneh les an tiro kheer an o bolepen, palle ab kamles, un le koi doosh mendar krik.

Debleskri gili 72:6

Muk les te well har o brishin, hoi perell ap i phub, har o pani, hoi krell o them sapeno.

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 14:32

Hoi hunte penas kolenge, kai i Filistarendar bitchedo wan? Penenn lenge: O baro Dewel tchiwas o foro Zion soreles pre. Un kate nai khatrenn pen peskre tchorwele menshe kek darjah.

Jesaja 18:7

An ko tsiro wenna kol mursha, kai jaake baro un djeteha dren maklo hi, dran koi natsjona, kolendar i menshe darenna an hake themma, kolla, kai bari sorjah i wawarende khetne stakrenn, un an kolengro them bare lengste panja nashenna. Jon wenna un anenn kutch koowa o baro Debleske, ko rajeske pral o bolepen un i phub. Kowa anenn le pash i berga Zion, kote kai job khere hi.

Jesaja 26:19

Baro Dewel, muk tire mulen djides te well! Muk len pre te stell! Tumer, kai wan paskedo, stenn pre dran o sopen un denn gole i bachtjatar! Tu, baro Dewel, hal har brishin, hoi dell djipen ap i phub. Doleske dell i phub i mulen pale win.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Jesaja 31:9

Un lengre sorele kurepangre hi har mulo i trashatar, un lengre pralstune mukenn koi pre-tchiddi plachta, hoi lengro sikepen his. Kowa penell o baro Dewel, kai ap i berga Zion khere hi, kai leskri jag chatchell. Un leskro bob hi an o foro Jerusalem.

Jesaja 46:13

Me anau tumenge miro tchatchepen. Kowa hi gar dur tumendar krik. Sik lau tumen dran i bibacht win. An o foro Zion krau i menshen bachteles. un i Israelende sikrau miro railepen.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Hosea 14:5

Jaake penell o baro Dewel: Me anau mire menshen pale ap miro drom, kai le tele peran. Me kamau len o djijestar, un hom buder gar chojedo ap lende.

Hosea 5:15

Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

Amos 3:7

Tchatchepah, o baro Dewel, maro rai, krell tchi, te rakras lo gar glan kowa koi pral ap peskre rakepangre, kai leske koi hi.