Jesaja 17:8 - O Debleskro Drom 2021 (Sinte)

⁸ Un jon dikenn buder gar ap kol mule deblen, hoi jon pengre wastentsa un gushtentsa kran, – kol figuren, hoi sikrenn i debletsa Ashera, un kol boba, kai lake sungepaskro koowa chatchedo well.

O Debleskro Lab 2024 (Sinte-Manouche)

⁸ Oun yon dikenn bouder gar ap kol moule deblen, hoy yon pengre vastentsa oun goushtentsa kran, – kol figuren, hoy sikrenn i debletsa Ashera, oun kol boba, kay lake soungepaskro koova rhačedo vell.

Jesaja 17:8 ပူးပေါင်းရင်းမြစ်များ

2. Samuel 22:42

Jon dikan pal jekeste, kai lenge ap i rig well. Un kek his koi. Ap o baro Debleste dan le gole, un job rakras gar pale ap lende.

2. Familjakro liil 14:5

Un i menshe an o them Juda nai djiwan an o latchepen kol thementsa trul lende. O baro Dewel kras kowa, te was kek kurepen an kal bersha. Jaake mukas o Asa i forja soreles te krell an o them Juda.

2. Familjakro liil 31:1

Un har kowa halauter kerdo his, djan kol tsele Israelitarja, kai kote khetne his, an i forja an o them Juda. Un jon phagan kol bare barra an kotja, hoi i mule deblenge pre-tchiddo his, un dan koi kashteni debletsa Ashera trujel, un kran kol mulne platse un kol chatchepangre paash, kai i mule debla an-mangedo wan, bis te tchi lendar pral atchas. Kowa kran le an o tselo them Juda, Benjamin, Efrajim un Manasse. Palle djan i tsele Israelitarja pale khere an lengre forja, kai lengre khera un lengri phub his.

2. Familjakro liil 34:4

Un glan leskre jaka mukas lo i chatchepangre tele te phagell, kai viechen ko debleske chatchedo wan, kai kharell Baal. Un kol boba, hoi koi pral tardo his, un kai sungepaskro koowa chatchedo was, mukas lo trujel te dell. Un i figure, hoi sikrenn i debletsa Ashera, un kol wawar figure, hoi le pengre wastentsa kran, kolen phagas lo an kotja, un das len jaake khetne, te atchas tchi har tchik pral. Kai tchik witsras lo pral ko handako, kai kolla paskedo his, kai chatchran viechen un wawar koowa kol chochene deblenge.

2. Mose 34:13

Witsrenn kol pre-tchidde barra trujel, kai marenn un chatchrenn le viechen lengro debleske. Phagenn kol bare barra paash, hoi le leske pre-tchiwan! Un denn kol figuren tele, hoi sikrenn i debletsa Ashera.

Jesaja 1:29

Tumer, kai mangan i bare ruka an, hunte ladjenn tumen koleske. Awa, tumer wenna lolo an o mui dran ladj pral kol wawar deblen, hoi rodan win un mangan len an ap lengre shukar platse.

Jesaja 10:20

I tsiro wella, kai atchan buder gar bud menshe pral an Israel. Kolla, kai hi gomme djido o Jakobeskre tchawendar, rikrenn pen palle buder gar ap kolende, hoi len dawa dan. Na-a, kolla rikrenn pen palle ap o baro Debleste, kai o Israeleskro Dewel hi, un mukenn lestar gar buder tele.

Jesaja 17:9

An kol diwessa hi lengre sorele barrengre forja muklo tchiddo, har i forja, hoi i Hiwarja un i Amorarja pal pende mukan, har nashan le penge glan i Israelitarjen. Un kek mensho djiwell buder koi.

Jesaja 2:8

Ninna hi o them pherde chochene deblen, un jon witsrenn pen tele glan kolende, kolen jon pengre wastentsa kran.

Jesaja 27:9

Jaake well o Israelengri doosh krik lino. Un ap kowa sikrell pes, te hi lengri doosh krik lino: Te denn le i pre-tchidde barra jaake khetne, kai mangan le i wawar deblen an, te atchell tchi har tchik. Un te mukenn le kek figure tardo, hoi sikrenn i debletsa Ashera, witar kek boba, kai lake sungepaskro koowa chatchedo was.

Jesaja 30:22

Palle dikenn tumer ap tumare rupene un sonakangre figure har ap tchomone, hoi pale-tchiddo hi. ‘Krik kolentsa’ penenn tumer un witsrenn len krik har tchik.

Jesaja 37:19

Un kolengre debla witsran le an i jag. Kolla his kek tchatche debla, wan kerdo i menshengre wastentsa dran kasht un bar. Doleske wan le khetne dino.

Jesaja 41:29

Jon halauter hi chochene, un nai krenn tchi. Un i figure lendar hi gar budeder moldo har i ducho.

Jesaja 44:15

Ko kasht lell i mensho chatchepaske, un job lell les un krell i jag, te well leske tato, un pekell maro koi pre. Un ninna lell lo kau kasht un krell i dewel lestar, glan koleste witsrell lo pes ap i phub tele un mangell les an.

Jeremia 17:2

Ninna lengre tchawe witsrenn pen tele glan kol chatchepangren un glan kol figuren, hoi sikrenn i debletsa Ashera, un hoi le pre tchiwan tel kol senele ruka, un ap i tikne un bare berge un ap o them. Me dau tumaro tselo brawlepen un kutch koowa wawarende, te tchorenn le kowa tumendar. Koja hi koi phagi ko tchilatchepaske, hoi tumer an kau tselo them kran.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Hosea 14:8

Un me hom lenge har i ruk, kai leskre mussja pral lende rikrell, un tel koleste jon beshdo hi. Un lenge well djob pale bares. Un jon wenn har i drakengro ruk, koles bud bud drake hi. Latches well pral lende rakedo, har pral koi mool dran o Libanon.

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Zefanja 1:3

i menshen, i viechen, i tchirklen un i matche. Me lau i tchilatchen krik i phubjatar, un khetne lentsa lauter, hoi kras, te peran le mandar tele. Awa, kek mensho atchell djido ap kai phub. Kowa penell o baro Dewel.

Zakarie 13:2

O baro Dewel, ko rai pral o bolepen un i phub, penell: An ko tsiro krau, te mangenn i menshe an o them Juda buder kek chochene deblen an. Un kolengre laba wenn bistedo. Ninna kol rakepangre, kai penenn, te hi le Debleskre rakepangre un hi kowa gar, un jon rakrenn, hoi i wawar ducho lenge penell, kolen tradau win dran o them.

5. Mose 7:5

Doleske krenn kawa lentsa: Witsrenn kol pre-tchidde barra trujel, kai marenn le un chatchrenn le viechen lengro debleske. Phagenn kol bare barra paash, hoi le leske pre-tchiwan! Un denn kol kashta tele, hoi sikrenn i debletsa Ashera. Un chatchrenn lengre figuren pre.