Jesaja 17:6 - O Debleskro Drom 2021 (Sinte)

⁶ Kokres i wast pherdo menshe atchenn djido. O Israel hi har i djeteskro ruk, kolestar dan le i djeteskre drake tele. Un dui te triin drake atchan pral ap i pralstune kashta, un star te pantch ap i telstune kashta. Me, o baro Dewel, hom o Israeleskro Dewel, un penom kowa.

O Debleskro Lab 2024 (Sinte-Manouche)

⁶ Kokres i vast pherdo menshe ačenn djido. O Israel hi har i djeteskro rouk, kolestar dan le i djeteskre drake tele. Oun douy te triin drake ačan pral ap i pralstoune kashta, oun star te panč ap i telstoune kashta. Me, o baro Devel, hom o Israeleskro Devel, oun penom kova.

Jesaja 17:6 ပူးပေါင်းရင်းမြစ်များ

1. Rajengro liil 19:18

Un me mukau efta serja (7.000) murshen djido an Israel, kolla kai peran gar ap pengre tchanga glan o debleste Baal un tchumras les gar.”

Jesaja 1:9

Te mukals o baro Dewel, ko rai pral o bolepen un i phub, gar mendar pral, djals menge har i forjenge Sodom un Gomorra.

Jesaja 10:22

Ninna te wans i Israelitarja jaake bud har i santa pash o baro pani, gar bud lendar atchenn pral, un wenn pale pale ap o Debleskro drom. O merepen well budenge. Kowa hi i wi-kerdo koowa. Jaake well o tchatchepen kerdo.

Jesaja 24:13

I menshentsa an i themma djal jaake har an ko tsiro win dikell, kai wan i drake i djeteskre rukendar un i moljakre rukendar tele dino. Un kokres i wast pherdo atchenn ap i ruka.

Jesaja 27:12

I tsiro wella, kai lell o baro Dewel peskre menshen khetne dran o tselo them mank o pani Eufrat un o them Egiptia. Job rodell len win har jek o tikno djob win rodell dran o phuss, jek pal o wawar.

Jeremia 4:27

O baro Dewel penas: Ninna te well kai tseli phub har i mulo them, kamau gar lauter paash te krell.

Ezekiel 39:29

Me tchorau miro ducho win ap o kheer Israel, un mukau len buder gar. Kawa penell o baro Dewel, maro rai.

Obadja 1:5

Tchorepangre wenn rati pral tute un tchorenn tut win, bis te hi le doha! Hoi atchell tuke palle? Ninna kolla wenna pral tute, kai i drake tele lenna. Tuke mukenn le tchi pral!

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

Remarja 11:26

Pal kowa wenn i tsele bibolde ninna ap o Jesuseskro drom. An o Debleskro lab hi tchinlo: Dran o foro Zion well kowa, kai lell o tselo tchilatchepen o Jakobeskre tchawendar krik.

Remarja 9:27

Pral i Israelitarja rakras o Debleskro rakepaskro, o Jesaja, kol laba: Ninna te wans i Israelitarja jaake bud har i tikne barra pash o baro pani, kol budendar atchella jek wast pherdo pral, un well dran o Debleskri choli win.

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.

Čačepangre 8:2

Un job penas ap lende: “Kowa, hoi tumer kran, hi bud bareder har kowa hoi me krom. Kowa hi jaake har an ko tsiro, kai i drake dren anlo wenna: Kol palstune drake hi feteder har i tsele wawar. Jaake hi kowa, hoi o Efrajim kras, feteder har kowa, hoi mire tsele menshe khetne kran.