Jesaja 17:12 - O Debleskro Drom 2021 (Sinte)

¹² Shunenn, bud bud lurde wenna dran bud themma, un lengri gole hi baro un diwjo har o baro pani. Sorele natsjone hadan pen un wenna har sorele diwje panja.

O Debleskro Lab 2024 (Sinte-Manouche)

¹² Shounenn, boud boud lourde venna dran boud themma, oun lengri gole hi baro oun divyo har o baro pani. Zorele natsyone hadan pen oun venna har zorele divye panya.

Jesaja 17:12 ပူးပေါင်းရင်းမြစ်များ

Debleskri gili 18:4

Me sharau o baro Debles! Te dau ap leste gole, lell lo man win dran i wasta kolendar, hoi mange tchilatchepen kamenna.

Debleskri gili 29:3

O baro Debleskro rakepen well shunlo pral i panja. Te dell o sorelo Dewel gole, hi kowa har koi bari gole, hoi dell o bolepen, te dell baro brishin. O baro Dewel hi o rai pral i tsele bare panja.

Debleskri gili 83:2

Miro Dewel, rake! Muk tut te shunell! Atch gar pokones!

Jesaja 13:4

Shunenn i bari gole ap i berge har bud bud menshendar! Shunenn koi bari gole, hoi denn i menshe dran bud themma, kai kate khetne wan. O baro Dewel, ko rai pral o bolepen un i phub, anell peskre lurden o marepaske khetne.

Jesaja 28:17

An miro kheer djiwell o tchatchepen, un mire menshende dau tchatchepaskre laba. Sorelo brishin, kai brishineskre barra dren hi, dell palle o chochepen paash, ap koleste tumen rikrenn. Un panja hidjrenn tumaro khatepen krik.

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Jesaja 8:9

Shunenn, tumer menshe an dur themma! Ninna te tchiwenn tumen khetne, te djan ap o Juda, ninna te denn i kurepaskri gole, tumer wenn khetne stakedo!

Jesaja 9:5

I ternepen was menge boldo, i mursh tchawo was men dino. Kowa well i baro rai, un kharell: latcho rakepaskro, sorelo Dewel, dad-hako-tsireske, rai-kai-lell-o-kurepen-krik.

Jeremia 6:23

Lengre lurde kurenn pen i bogentsa un i charentsa. Jon hi midjak un len khaitell kek. Ap graja klissenn le i goljah, hoi jaake baro hi har i gole, hoi o baro pani krell. Jon wenna, te kurenn le pen tuha, tu foro Zion!

Ezekiel 43:2

Un kote dikom, har was o railepen o Israeleskro Deblestar fun kotar, kai o kham pre djal. Khetne ko railepen was i gole, har i gole, hoi bare panja denn. Un dran o railepen was i momeli ap o tselo them.

Daniel 7:2

Me, o Daniel, dikom i dikepen an i rati: I baro ducho was dran i star rigja i phubjatar un phurdas pral o baro pani, te was lo diwjo.

Micha 4:11

Kanna shun Jerusalem, lurde dran bud themma krenn pen khetne, te djan le ap tute pre Jon penenn: Nashedo hi kau foro. Dikas, har lo tele djal!

4. Mose 10:35

Un har djas ko sonakaskro mochton dureder, penas o Mose: “Baro Dewel, ste pre, un trade kolen krik, kai kamenn tuke tchilatchepen! Kre, te nashenn le halauter penge tutar!”

Louka 21:25

“Ap o kham un ap o moonto un ap i bolepangre momlia dikenn tumer baro koowa. Pral i menshende an bud themma well i bari traash, te dikenn le, har well o baro pani diwjo un hadell pes pral un dell bari gole.

Debleskro tsiro 17:1

Un jek kol efta bolepangrendar, kai hi len kol efta tchare an i wasta, kowa was pash mande, un penas: “Ab kai! Me kamau tut i phagi te sikrell, hoi ko foro lella, hoi pash bud panja tchiddo hi. Ko foro hi har i djuwel, kai kras wi-ladjedo koowa.

Debleskro tsiro 17:15

Un o bolepaskro penas ap mande: “Tu dikal, kai beshell koi djuwel, hoi wi-ladjedo koowa krell, pash bud panja. Kol panja hi menshe dran haki harmenatsjona, dran hako them, haki natsjona, un hako rakepen.