Jesaja 16:8 - O Debleskro Drom 2021 (Sinte)

⁸ Ap ko hachetikri phub trul o foro Heshbon well buder kek latcho djob bares. Mulo hi kol drakengre ruka pash o foro Sibma. I themengre raja dan i feteder drakengre kashta tele, hoi djan bis pash o foro Jaser. Un ap jek rig djan i newe kashta bis an o mulo tato them, ap i wawar rig bis pash o Mulo Baro Pani.

O Debleskro Lab 2024 (Sinte-Manouche)

⁸ Ap ko harhetikri phoub troul o foro Heshbon vell bouder kek lačo djob bares. Moulo hi kol drakengre rouka pash o foro Sibma. I themengre raya dan i feteder drakengre kashta tele, hoy djan bis pash o foro Yaser. Oun ap yek rig djan i neve kashta bis an o moulo tato them, ap i vavar rig bis pash o Moulo Baro Pani.

Jesaja 16:8 ပူးပေါင်းရင်းမြစ်များ

2. Samuel 1:21

Tumer berge Gilboa: Kek sapanepen un kek brishin te well ap tumende! Kek djob te well baro ap tumari phub! Kol shilte mare tchatche murshendar hi kote tchiddo. Awa, o Sauleskro shilto hi buder gar dren maklo o djeteha.

Jesaja 10:7

O baro rajes pral o them Assur his kowa gar doha. Un job las pes gomme budeder glan, un kamas i menshen an bud themma temerl dell, jaake bud har djala.

Jesaja 15:4

I menshe an i forja Heshbon un Elale denn jaake bares gole, te wenn le shunlo an o foro Jahaz. Ninna i lurde dran Moab denn gole un trissenn.

Jesaja 16:9

Doleske rowau me khetne kolentsa, kai an o foro Jaser djiwenn, rowau pral i drakengre ruka pash o foro Sibma. Bud hi mire swa, hoi rowau pral tute, Heshbon, un pral tute, Elale. Pral tumare rukengre un pral tumari djob denn kolla gole i bachtjatar, kai kuran pen tumentsa.

Jesaja 24:7

I drakengro ruk merell, un newi mool dell gar. Kolenge, kai i bachtelo dji his, hi kanna ropaske.

Jeremia 48:32

Tumer menshe an o foro Sibma, rowau budeder pral tumende har rowom pral o foro Jaser. Tu hal har i drakengro ruk; tire lengste kashta djan pral o baro pani, un wan bis pash o foro Jaser. An ko tsiro, kai i drake un i wawar rukengre dren anlo wenn, wenn kolla pral lende, kai lauter paash krenna. Tchi atchell pral.

4. Mose 21:32

Un o Mose bitchras murshen win pash o foro Jaser, te hatsenn le win, har sorelo ko foro hi. Un i Israelitarja lan ko fores penge dren, ninna kol gaba, hoi koi pashel hi. Un jon tradan kol Amorarja krik, kai koi dren his.

4. Mose 32:3

“Ko them pash kol forja Atarot, Dibon, Jaser, Nimra, Heshbon, Elale, Sibma, Nebo, un Beon,

4. Mose 32:35

Atrot-Shofan, Jaser, Jogboha

4. Mose 32:38

Nebo, Baal-Meon un Sibma un dan kol forjen, kai jon kran, newe laba.

Josua 13:19

Kirjatajim, Sibma, Zeret-Shahar ap koi berga hoi an i tala tchiddo hi;

Josua 13:25

Ko foro Jaser un i tsele forja an o them Gilead un o paash them Ammon bis pash o foro Aroer, hoi ap koi rig o forestar Rabba tchiddo hi, kai o kham pre djal.