Jesaja 16:3 - O Debleskro Drom 2021 (Sinte)

³ Pen menge, hoi hunte kras? Kre tchomone! Khate kolen, kai palla lino wenn! Rike tire mussja pral lende, jaake har i buchlo ruk, te well o diwes lenge har i rat, kai wenn le gar diklo. Ma phuke ap kolende, kai ap o naashepen hi!

O Debleskro Lab 2024 (Sinte-Manouche)

³ Pen menge, hoy hounte kras? Kre čomone! Khate kolen, kay palla lino venn! Rike tire moussya pral lende, yaake har i bourhlo rouk, te vell o dives lenge har i rat, kay venn le gar diklo. Ma phouke ap kolende, kay ap o naashepen hi!

Jesaja 16:3 ပူးပေါင်းရင်းမြစ်များ

1. Rajengro liil 18:4

Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

Jesaja 1:17

Dikenn, har te krenn o latchepen, denn jak, te lell hakeno peskro tchatchepen. Awenn ap i rig kolenge, kai tele rikedo wenn. Kol tchawe, kolen kek dai un kek dad hi, kolenge krenn o tchatchepen win. Un kol djuwja, kolenge o rom meras, kolengro koowa lenn an tumaro wast!”

Jesaja 25:4

Tchatchepah, tu wal o tchorweleske har i sorelo kheer, kai job pes nai khatrell. Te krenn le leske o djipen phares, nai well lo pash tute. Tu hal har i kheer, kai nai khatrell jek pes, te dell baro brishin, un te chatchell o kham tele. Kol pralstune, kai sorjah ap mende djan, hi har i baro phurdepen, hoi phurdell an o wend,

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Jesaja 56:8

O baro Dewel, maro rai, kowa kai anas i krik-tradede Israelitarjen pale an lengro them, penell: Me anau gomme budeder khetne pash kolende, kai khetne anlo wan.

Jesaja 58:7

De koles te chal, kai bokell! un le kolen khere pash tute, kai tchorwelo hi un ap o drom djiwenn. Te dikeh jekes, koles kek ripja hi, de les koola! Un ab tiri familjake koi!

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 21:12

Tumer dran o Davideskri familja! Kowa penell o baro Dewel: Hako diwes, te rakrenn o tchatchepen win, denn jak, te lell hakeno peskro tchatchepen! Un lenn kolen, kai wan tele rikedo, dran kol tchilatchengre wasta win! Te krenn kowa gar, well miri choli pral tumende, har i jag, kai nai krell kek win. Tumer kran jaake bud tchilatchepen!

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

Zakarie 7:9

Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

Mateo 25:35

Man his bok. Un tumer dan man te chal. Man his trush. Un tumer dan man te pijell. Me homs kek tumendar. Un tumer lan man an tumare khera.

Hebrearja 13:2

Te well jek pash tumende, ma bistrenn, te lenn les an tumaro kheer! His menshe koi, kai lan bolepangre an pengro kheer, un djinan les gar.

Čačepangre 9:15

Kote penas o subjengro bur: Kamenn tumer tchatchepah, te wap me rai pral tumende? Palle awenn pash mande, un khatrenn tumen tel mande glan o kham! Un te krenn kowa gar, palle djal jag win dran o subjengro bur, un chatchrell i zedertikre ruka, hoi ap i berga Libanon tardo hi!