Jesaja 16:12 - O Debleskro Drom 2021 (Sinte)

¹² Un ninna te djans i Moabarja pash pengre pre-tchidde barra, un chatchrans viechen pengro debleske, un marans pen tele leske, un mangans les an, wals kowa tchitcheske.

O Debleskro Lab 2024 (Sinte-Manouche)

¹² Oun ninna te djans i Moabarya pash pengre pre-čidde barra, oun rhačrans firhen pengro debleske, oun marans pen tele leske, oun mangans les an, vals kova čičeske.

Jesaja 16:12 ပူးပေါင်းရင်းမြစ်များ

1. Rajengro liil 11:7

Ap i berga glan o foro Jerusalem kras o Salomo i mulni platsa, kai mangan le o djungelo debles an, kai kharell Kemosh. Koles mangan i Moabarja an. Ninna kras lo i mulni platsa, kai mangan le o Moloch an, ko djungelo debles, koles i Ammonarja an-mangan.

1. Rajengro liil 18:29

Har o mashkral-diwes trujel djas, his jon buder gar pash pende, un khelan bis ap ko tsiro, kai rati o Debleskro chapen anlo well. Kek rakepen was, kek lab, witar kek sikepen.

2. Rajengro liil 19:12

Mire phure maran i menshen an wawar themma, un kolengre debla nai lan len gar win dran lengre wasta – kol menshen dran Gosan, Haran, Rezef, ninna kolla dran Eden, kai an o foro Telassar his.

2. Rajengro liil 3:27

Koi las job peskro phureder tchawes, kai wals pal leste baro rai, maras les, un chatchras les ap kol pre-tchidde barra, hoi trul o foro hi. Koi was i bari choli pral o Israel, jaake kai tserdan jon pen pale, un djan pale an pengro them.

Gosewe laba 1:28

Palle denn le pal mande gole, un me mukau tchi mandar te shunell. Palle rodenn le man un hatsenn man gar.

Jesaja 15:2

I menshe dran o kheer Dibon djan pre pash kol pre-tchidde barra, kai mangenn le pengre deblen an, te rowenn le koi pral i forja Nebo un Medeba. Pengre balla un pengre tchora tchinan le tele i dukatar.

Jesaja 16:13

Kalla hi kol laba, hoi o baro Dewel glan tsirja pral o them Moab rakras.

Jesaja 26:16

Baro Dewel, an o pharo tsiro rodan tire menshe tut. Har dal len i phagi, dan le darenes ap tute gole.

Jesaja 37:38

Un har lo an-mangas an o kheer leskro deblestar, o Nisroch, dan les leskre tchawe, o Adrammelech un o Sharezer, mulo o chareha. Un jon nashan penge krik an o them Ararat. Un leskro tchawo Asarhaddon was baro rai pal leste.

Jesaja 47:13

Bud gosewe penan tuke, hoi te kress, jaake te wal khino kol bud labendar. Mu wenn le kanna un lenn tut dran i bibacht win, kolla, kai drawerenn an i bolepangre momlia, te djinenn le, hoi wella, un hako newo tchon tuke penenn, hoi pral tute well.

Jeremia 10:5

Sawe debla hi tchi wawar har kol figure, hoi i hache ap pengro kotar phub tchiwenn, kai senlepen bares well, te tradenn le i tchirklen krik. Jon nai rakrenn gar, witar gar nai djan le, jaake hunte wenn jon hidjedo. Doleske hunte trashenn tumer lendar gar. Jon nai krenn kekeske tchilatchepen, witar kek latchepen.

Jeremia 48:13

Un i Moabarja, kai patsan, te well lengro dewel, o Kemosh, lenge ap i rig, jon hunte ladjenn pen, jaake har o kheer Israel hunte ladjas pes, har wan leske leskre debla an o foro Betel gar ap i rig, ap kolende jon pen soreles rikran.

Jeremia 48:35

Me, o baro Dewel, kamau buder gar, te djan i Moabarja ap i mulne platse, te chatchrenn le viechen pengre deblenge. Me mukau kowa buder gar te krell.

Jeremia 48:46

Har djungeles djal tuke, tu them Moab! Nashedo hi kol menshe, kai o debles Kemosh an-mangan; tire tchawe un tire tcha wan anlo an o pandepen.

Jeremia 48:7

Tu Moab, patsal, kai taprell tut kek tchilatchepen an tire sorele khera un pash tiro baro brawlepen. Doleske weh tu ninna dren lino. Tiro dewel, o Kemosh, leskre rashaja un pralstune hunte wenn pandles anlo an i wawar them.

4. Mose 21:28

I jag was dran o foro Heshbon, dran o Sihoneskro foro was i jag. Koja chas o foro Ar an o them Moab, un kol berge pash o pani Arnon chas li pre.

4. Mose 22:39

Jaake djas o Bileam o Balakeha. Un jon wan an o foro Kirjat-Huzot.

4. Mose 22:41

Un taissarlakro las o Balak o Bileames peha, un anas les pral ap i berga Bamot-Baal, te dikell job kotar ap kol tsele menshende Israel.

4. Mose 23:14

Un job anas les pash i phub, hoi kharella ‘dur dikepen’, ap koi berga Pisga, un kras efta chatchepangre, un chatchras ap haki chatchepaskri o Debleske i terno gurum un i bakro.

4. Mose 23:28

Un o Balak anas les pash i berga Peor, kai nai dikas lo tele ap koi telstuno them pash o pani Jordan.

4. Mose 24:17

Me dikau jekes. Kowa hi kanna gar koi. Dural dikau les. Dran o Jakob well jek, kai djal pre har i bolepaskri momeli. Dran o Israel well i baro rai, un dell i Moabarja khetne. Un kol murshenge, kai wenna pal o Set, dell lo ap o shero.