Jesaja 15:2 - O Debleskro Drom 2021 (Sinte)

² I menshe dran o kheer Dibon djan pre pash kol pre-tchidde barra, kai mangenn le pengre deblen an, te rowenn le koi pral i forja Nebo un Medeba. Pengre balla un pengre tchora tchinan le tele i dukatar.

O Debleskro Lab 2024 (Sinte-Manouche)

² I menshe dran o kheer Dibon djan pre pash kol pre-čidde barra, kay mangenn le pengre deblen an, te rovenn le koy pral i forya Nebo oun Medeba. Pengre balla oun pengre čora činan le tele i doukatar.

Jesaja 15:2 ပူးပေါင်းရင်းမြစ်များ

2. Samuel 10:4

Koi tapras o Hanun kolen, kai o David bitchras, un mukas lenge i tchor paash tele tchinell, un i koola paash tele tchinell, bis tel lengri pereskri dori, un mukas len te djal.

1. Familjakro liil 19:4

Koi tapras o Hanun kolen, kai o David bitchras, un mukas lenge i balla un i tchor tele te tchinell, un i koola paash tele tchinell, bis pral i herja, un mukas len te djal.

Hiob 1:20

Kote stas o Hiob pre, un sorjah tserdas lo peskre pralstune koola pestar tele, un kras len paash, jaake bud dukas leskro dji. Job tchinas peskre balla tele, mukas pes ap i phub te perell un mangas o Debles an.

Jesaja 14:31

Denn soreles gole, tumer, kai han tardo pash o foreskre wudja! Rowenn bari goljah, tumer, kai djiwenn an o foro! Trissenn i darjatar an o tselo them Filistia! Fun kotar, kai norden hi, well jagakro ducho un bud bud lurde, un kek kolendar atchell pale.

Jesaja 15:3

I menshe ap i dromma hi rido an gone. Un pral ap pengre khera un an o foro denn le lauter gole un rowenna.

Jesaja 16:12

Un ninna te djans i Moabarja pash pengre pre-tchidde barra, un chatchrans viechen pengro debleske, un marans pen tele leske, un mangans les an, wals kowa tchitcheske.

Jesaja 16:7

O diwes well, kai rowenn le an o them Moab. Halauter rowenna. Lenge hi phares an o dji, te hi len buder kek drakengre merklia, hoi wan kerdo an o foro Kir-Heres. Dino an o dji denn jon gole i dukatar.

Jesaja 22:12

Un ap ko diwes das o baro Dewel, ko rai pral o bolepen un i phub gole: “Rowenn un denn gole, tchinenn tumenge i balla tele, un riwenn tumen an ripja dran gone, te sikrenn, kai khaitell tumen tumari doosh!”

Jesaja 3:24

Un palle well, te hi djungeli khand, kai shukar sungepen his, un kote, kai i shukar pereskro pandepen his, hi kanna i dori. Un kolat, kai shukar bal his, kolat hi palle kek bal ap o shero, un kolat, kai kutch koola his, koja riwell palle i gono trul peste. Un kote, kai shukapen his, hi kanna tchi har i ladj.

Jeremia 3:21

I gole un i ropen well shunlo ap o pralstuno them: Kolla hi i Israelitarja, kai djiwan i tchilatcho djipen, un bistran lengro baro Debles.

Jeremia 47:2

Kawa penell o baro Dewel: Dik, panja wenna koi rigjatar, kai norden hi. Un kolla wenna i diwjo sorelo lengsto pani, hoi tchakrell kau tselo them tel peste, un halauter hoi koi dren hi, i forja un kol menshen, kai kote djiwenna. Un i menshe an kau them denn gole un rowenna.

Jeremia 47:5

Pral o foro Gaza well o ropen, un o foro Ashkelon well khetne dino. Tumer, kai atchan pral o menshendar Anak, har rah kamenn tumen an o mass te tchinell?

Jeremia 48:1

Laba pral o them Moab. Kowa penell o baro Dewel, ko rai pral o bolepen un i phub, kai o Israeleskro Dewel hi: Djungeles djal kol menshenge an o foro Nebo. Khetne dino well lengro foro. Ladj well pral o foro Kirjatajim. Dren lino well lo. I massuri trul o foro well tele dino un khetne phagedo.

Jeremia 48:18

Tumer an o foro Dibon, kai han pre-phurdo pral tumaro railepen, djan tele un beshenn tumen an i tchik! Kolla, kai phagan i wawar forja an o them Moab khetne, wenn pash tumende, un krenn tumare sorele khera paash.

Jeremia 48:31

Doleske hunte rowap pral i Moabarja, un dau gole pral o tselo them. Mange hi ropaske pral kol menshende an o foro Kir-Heres.

Jeremia 48:35

Me, o baro Dewel, kamau buder gar, te djan i Moabarja ap i mulne platse, te chatchrenn le viechen pengre deblenge. Me mukau kowa buder gar te krell.

Jeremia 49:3

Rob, tu foro Heshbon! O foro Ai hi khetne phagedo. Denn gole, tumer djuwja an o foro Rabba, un riwenn i gono pral tumende! denn ropaskri gole, un nashenn kate te kote! O Milkom peskre rashajentsa un i pralstune wenn pandles krik anlo.

Jeremia 7:29

Tchin tire lengste balla tele, un witse len tutar krik! Gib i ropaskri gili ap i berge! O baro Dewel hi chojedo pral kal menshende, un tradell len pendar krik, un kamell lendar tchi te djinell.

Ezekiel 27:31

Pengre balla tchinenn le tele, un gone pandenn le trul pende. Kowa krenn le tuke, un rowenn o djijestar, un denn gole pral tute.

Ezekiel 30:2

Tu, mensho, pen glan-wi, hoi pral o them Egiptia wella! Pen: Kawa penell o baro Dewel, maro rai: Rowenn soreles! Hawo djungelo diwes wella!

Ezekiel 7:18

Gone tchiwenn le trul pende har ripja, un tchinenn pengre balla ap lengro shero tele, te sikrenn le har bud khaitell len lengri doosh. Jon trissenn i darjatar. Un lengre sherja hi lolo i ladjatar.

3. Mose 13:40

Te perenn jekeske i balla ap o shero win, palla oder glan, hi lo doleske gar pale-tchiddo.

3. Mose 21:5

Tumer rashaja, ma tchinenn tumare balla pral ap tumaro shero tele, witar gar tumari tchor. Krenn tumenge kek tchinepen an tumaro mass!

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

4. Mose 21:28

I jag was dran o foro Heshbon, dran o Sihoneskro foro was i jag. Koja chas o foro Ar an o them Moab, un kol berge pash o pani Arnon chas li pre.

4. Mose 21:30

O Heshbon hi paash, un o tselo them bis pash o Dibon. Tchi atchas. I jag chatchras halauter pre bis pash i forja Nofach un Medeba.

4. Mose 32:3

“Ko them pash kol forja Atarot, Dibon, Jaser, Nimra, Heshbon, Elale, Sibma, Nebo, un Beon,

4. Mose 32:38

Nebo, Baal-Meon un Sibma un dan kol forjen, kai jon kran, newe laba.

5. Mose 14:1

Tumer han i tchawe tumaro baro Deblestar. An ko tsiro, kai rowenn i muleske, ma tchinenn tumaro mass leske! Un ma tchinenn i balla pral tumare jaka!

5. Mose 34:1

Un o Mose djas dran o telstuno them, kai i Moabarja djiwenn, un djas pre ap i berga Nebo, bis pral pre ap ko pralstuno kotar, hoi kharell Pisga un hi tchiddo ap i wawar rig o forestar Jericho. Un o baro Dewel mukas les kote o tselo them te dikell: o them Gilead un dureder pre bis pash o them Dan,