Jesaja 14:7 - O Debleskro Drom 2021 (Sinte)

⁷ Kanna dell kowa lauter buder gar. Latchepen un bacht wan pale ap i phub. Hakeno giwell i bachtjatar.

O Debleskro Lab 2024 (Sinte-Manouche)

⁷ Kanna dell kova lauter bouder gar. Lačepen oun barht van pale ap i phoub. Hakeno givell i barhtyatar.

Jesaja 14:7 ပူးပေါင်းရင်းမြစ်များ

Debleskri gili 47:1

I gili o rajeske pral i gipangre. Kai gili hi jekestar dran i familja Korach.

Debleskri gili 98:1

I gili Giwenn o baro Debleske i newi gili! Job kras baro koowa. Peskro wasteha un Debleskri sorjah was lo o sorleder pral o tchilatchepen.

Gosewe laba 11:10

Te djal i latchenge mishto, palle hi i menshe an o tselo foro bachtelo. I tchilatche, te merenn le, denn le an o foro gole i bachtjatar.

Jesaja 21:2

Hawo pharo koowa was mange siklo! O phukepaskro phukrella, un o randepaskro randella. Tumer lurde dran i themma Elam un Media, krenn tumen ap o drom, un tchiwenn tumen pre trul lo foro Babilon. O baro Dewel krell, te hunte rowell buder kek pral kowa, hoi i Babilonarja kran.

Jesaja 49:13

De gole i bachtjatar, tu bolepen! Ab bachtelo, tu phub! Giwenn, tumer berge! O baro Dewel khossas i swa peskre menshendar tele, un kras peskro dji kolenge pre, kai tele rikedo wan.

Jeremia 51:48

O bolepen un i phub, un halauter, hoi kote dren hi, denn gole i bachtjatar, te perell o foro Babilon an i wasta kolendar, kai wenn dran ko them, hoi kote tchiddo hi, kai norden hi, te denn le o foro Babilon paash. Kowa penell o baro Dewel.

Ezekiel 35:14

Kawa penell o baro Dewel, maro rai: Tu, berga Seir, me krau tutar, te wess i mulo them. Un ap i tseli phub wenn menshe bachtelo koi pral.

Zakarie 1:11

Jon penan ap o bolepaskro o baro Deblestar, kowa his ko mursh mank i mirtetikre ruka: “Mer djam an i tsele themma trujel. Jon halauter hi tele rikedo un hadenn pen buder gar.”

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.