Jesaja 13:7 - O Debleskro Drom 2021 (Sinte)

⁷ Doleske hi i menshen buder kek soor, te krenn le tchomone, un daar peras ap lende.

O Debleskro Lab 2024 (Sinte-Manouche)

⁷ Doleske hi i menshen bouder kek zoor, te krenn le čomone, oun daar peras ap lende.

Jesaja 13:7 ပူးပေါင်းရင်းမြစ်များ

Debleskri gili 58:7

De lenge i danda dren, miro Dewel! Phage lengre lewengre danda win, miro baro Dewel!

2. Mose 15:15

I bare raja an o them Edom trashan, un kol sorele raja an o them Moab trissan. I tsele menshe an o them Kanaan daran, awa, lauteren tapras i daar.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Jesaja 37:27

Un kolla kai kote djiwan, pengri soor jon nashran, un tutar trashan un palle meran. Lenge djas har o senlepen, hoi dran i truk phub was, un har o khass ap o kheer, hoi tele meras, un gar baro was.

Jesaja 51:20

Tire tchawe peran khetne, un his tchiddo ap hake dromma. Jon hi har i tserfo, hoi an i netsa djas. Jaake tapras len koi choli o baro Deblestar, un leskro tchingepen.

Jeremia 50:43

Te shunell o baro rai an Babilon lendar, perenn leskre wasta ap leskre herja tele. Un i bari traash well ap leste har i traash i djuwjatar, kai i ternepen lella.

Jeremia 51:30

Kol sorele kurepangre an o them Babilonia atchenn an lengre sorele khera, un djan gar an o kurepen. Lengri sorjah hi tchi buder, jon wan har djuwja. O foreskre wudja hi pre-phagedo, un i khera chatchenna.

Ezekiel 21:12

Un te putchenn le tutar: Hoske le tu jaake phares ducho? Palle peness: Shunom djungelo rakepen, hoi gomme well. Koon kowa shunell, koles taprell i bari daar. An leskre wasta hi buder kek soor. Leskro dji dell sik. I darjatar nai rikrell lo peskro pani gar. O tsiro hi kai, kowa well sik! Tchatchepah, kowa well, penell o baro Dewel, maro rai.

Ezekiel 21:7

Tu, mensho, dik kote, kai o foro Jerusalem hi! Rake kolestar, hoi djal o khereske, kai well o Dewel an-mangedo! Un pen i menshenge an o them Israel, hoi pral lende wella!

Ezekiel 7:17

Kek soor hi len buder an pengre wasta. I darjatar nai rikrenn le pengro pani gar.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Nahum 2:10

Tumer lurde, randenn rup, randenn sonakai! O foro hi pherdo brawlepen, pherdo kutch koowa!

Nahum 2:11

Khetne stakedo un wi-tchoredo well o foro. Halauteren hi darene djia, lengre herja trissenn i darjatar. Jon djan bango i dukatar, lenge muja hi parno.

Josua 2:11

Un har kowa shunam, was bari traash ap mende, un an kekeste mendar atchas i soor, te djal lo pre ap tumende. O baro Dewel hi tumaro Dewel, un hi o Dewel pral an o bolepen un kate tele ap i phub.