Jesaja 13:20 - O Debleskro Drom 2021 (Sinte)

²⁰ Kek djiwell buder an ko foro kek tsireske, un kek mukell pes buder kote tele. Kek Arabari tchiwell kote peskro plachteno kheer pre. Un kolla, kai denn jak ap i bakre, mukenn kolen gar kote te chal.

O Debleskro Lab 2024 (Sinte-Manouche)

²⁰ Kek djivell bouder an ko foro kek tsireske, oun kek moukell pes bouder kote tele. Kek Arabari čivell kote peskro plarhteno kheer pre. Oun kolla, kay denn yak ap i bakre, moukenn kolen gar kote te rhal.

Jesaja 13:20 ပူးပေါင်းရင်းမြစ်များ

2. Familjakro liil 17:11

Ninna mank i Filistarja his sawe, kai anan leske kutch koowa, un ko rup, hoi job lendar mangas. Un ninna i Arabarja anan leske 7.700 (efta-serja-efta-sheel) mursh bakre un 7.700 mursh busja.

Hiob 3:7

Kek djuwel te well wawartchandes an koi rat, Kek te dell gole i bachtjatar an koi rat!

Kamlepaskri gili 1:7

Tu, koles miro dji kamell, pen mange, kai aneh tire bakre, te chan le? Kai besheh tu tut tele mashkral o diwes? Te nashap gar trujel mank i bakre, te rodap tut pash i wawar bakrengre!

Jesaja 14:23

Me krau dran o foro i sapeni platsa, kai i stachelengre djiwenn. Un khossau o tselo foro krik, har jek i besa lell un o kheer win khossell. Kowa penau me, o baro Dewel, ko rai pral o bolepen un i phub.

Jesaja 21:1

Kate sikrell o Dewel, hoi pral o diwjo them pash o baro pani wella. Har i sorelo ducho, hoi phurdell an o them Negev, wenn i lurde dran i mulo tato them, un dran i them, hoi traash pral i menshende anell.

Jesaja 25:2

Tu kral o sorelo foro paash. Lestar atchas tchi pral har barra. Ko foro, kai i soreli massuri trul leste his, hi tchiddo an kotja. Kote, kai rajen dran wawar themma pengre shukar khera his, hi kek foro buder. Un kek nai tchiwell len pale pre.

Jesaja 34:17

Un job das len ko them, hakenes peskro kotar; un hakenes hi peskri platsa, kai lo khere hi, te djiwenn jon un pengre tchawe an ko them hako tsireske, jaake rah, har sawe lendar koi hi.

Jeremia 49:33

O them Hazor well i mulo them hako tsireske. Diwje djukle djiwenn koi, un buder kek menshe. Kek mensho krell pes kote i kheer.

Jeremia 50:13

Miri choli well jaake pral o foro Babilon, te djiwell nai kote kek mensho buder. Tchi har barra atchell lestar pral. Hakeneske, kai dikell kowa, atchell o rakepen krik. Job trissell peskro shero pral i tseli bibacht hoi kau foro tapras.

Jeremia 50:21

Djan an o kurepen i menshentsa an o them Meratajim; kurenn tumen i menshentsa an o them Pekod; Marenn len un denn lauter paash, hoi len hi, penell o baro Dewel. Krenn halauter jaake, hoi me tumenge penom!

Jeremia 50:3

Lurde wenna dran ko them, hoi kote hi, kai norden hi, un djan an o kurepen lentsa. Kolla krenn, te well lengro them i mulo them, jaake kai kek nai djiwell kote. I Menshe un i vieche hunte nashenn penge dran ko them.

Jeremia 50:39

Doleske well ko tsiro, kai djiwenn diwje vieche dran o mulo them kote, ninna diwje djukle un kol bare tchirkle, kai kharenn strausse. Kek mensho djiwell buder koi, An kek tsiro krenn i menshe penge kote khera.

Jeremia 50:45

Shunenn, hoi o baro Dewel peske glan las te krell lo ap o foro Babilon, un hoi kamell lo te krell i menshentsa an o them Babilonia. Tchatchepah, jon halauter wenn krik tradedo har bakre. Ninna lengre tikne tchawe wenn krik tserdedo. Hakeneske, kai dikell kowa, atchell o rakepen krik.

Jeremia 51:25

Babilon, tu marepaskri berga, tu, kai o merepen anal pral i tseli phub, dik, me wau pral tute, penell o baro Dewel. Me taprau tut miro wasteha, un witsrau tut i berga tele. Hoi tutar atchell hi chatchede barra.

Jeremia 51:29

I phub trissella un darella! Kowa, hoi o baro Dewel pes glan las, well jaake: O foro Babilon un o tselo them Babilonia well i mulo them, kai buder kek nai djiwella.

Jeremia 51:37

Tchi te atchell o forestar Babilon har barra, un diwje djukle djiwenn kote. Kolenge, kai dikenn ko foro, atchell o rakepen krik i trashatar. O foro well lenge sapaske. Un kek mensho djiwell buder kote.

Jeremia 51:43

I wawar forja an o them hi paash dino. O them Babilonia was i mulo tato them kek panjeha, i diwjo truk them, kai kek mensho djiwell, un kek mensho ap i raisa djal.