Jesaja 13:16 - O Debleskro Drom 2021 (Sinte)

¹⁶ Lengre tikne tchawe wenn glan lengre jaka ap bare barra mules witsedo, un lengre khera wenn win tchoredo, un lengre romjen taprenn le sorjah an.

O Debleskro Lab 2024 (Sinte-Manouche)

¹⁶ Lengre tikne čave venn glan lengre yaka ap bare barra moules vitsedo, oun lengre khera venn vin čoredo, oun lengre romyen taprenn le zoryah an.

Jesaja 13:16 ပူးပေါင်းရင်းမြစ်များ

Jesaja 13:18

I terne murshen denn le karje mulo pengre bogentsa. Un len hi kek dji i tikne tchawenge; i tchawe khaitenn len gar.

Jesaja 14:21

Tire mursh tchawe hunte merenn! Awenn un denn len mulo! Jon hunte merenn ko tchilatchepaske, hoi lengre phure kran, te nai hadenn le pen gar buder, un lenn i phub penge dren un krenn penge forja koi pre.

Jesaja 47:9

Well i diwes, kai well kowa lauter pral tute: Tu nashreh tiro romes, un tire tchawe hi mulo. Kowa well sik un soreles ap jek diwes pral tute, ninna te djineh bud drawepangre laba pre te penell, hoi te rikrenn i bibacht dur tutar, un kral bud bengeskro koowa.

Jeremia 51:22

Tiri sorjah dom murshen un djuwjen mulo, phure un terne, tchawe un tcha.

Ropaskre gilja 5:11

I djuwjen an o foro Zion tapran le sorjah an, ninna i terne tchen an i forja o themestar Juda.

Hosea 10:14

Doleske well i kurepaskri gole shunlo an tumaro them. Un tumare tsele sorele forja wenn khetne dine. Tumenge djal jaake har o foreske Bet-Arbeel, hoi das o rai Shalman paash an o kurepen, har wan i daja mulo dine khetne pengre tchawentsa.

Nahum 3:10

Ninna kau foro was dren lino, un leskre menshe pandles anlo an i wawar them. Lengre tchawe wan mulo dino ap hako drom. Pral lengre pralstunende witsran le kashta, koon kones lella. I tsele pralstunen pandan le sasterne shellentsa.

Zakarie 14:2

Me lau i lurden dran i tsele themma khetne, te kurenn le pen o foreha Jerusalem. Jon lenn o fores dren, tchorenn i khera win, un taprenn sorjah i djuwjenge an. Kol menshendar an o foro well i paash pandles krik anlo. Kolla, kai pral atchan, atchenn nai an o foro.