Jesaja 13:14 - O Debleskro Drom 2021 (Sinte)

¹⁴ Un kol wi-themarja, kai djiwenn an o foro Babilon, kolla nashenn pash pengre menshende, hakeno an peskro them. Jon hi har wesheskre busja, kai tradede hi, un har bakre, kolen kek bakrengro hi.

O Debleskro Lab 2024 (Sinte-Manouche)

¹⁴ Oun kol vi-themarya, kay djivenn an o foro Babilon, kolla nashenn pash pengre menshende, hakeno an peskro them. Yon hi har vesheskre bouzya, kay tradede hi, oun har bakre, kolen kek bakrengro hi.

Jesaja 13:14 ပူးပေါင်းရင်းမြစ်များ

1. Rajengro liil 22:17

Kote penas o Micha: “Me dikom i tsele lurden dran Israel tradedo kate te kote ap i berge, har bakre, kai kek bakrengro ap lende jak dell. Un o baro Dewel penas: ‘Kalen hi buder kek rai. Jon nai djan khere an o latchepen.’”

1. Rajengro liil 22:36

Har o kham tele djas, shunan i lurde, har lengro pralstuno gole das: “Hakeno nai djal an peskro them un an peskro foro,

Jesaja 17:13

Awa, har bare diwje panja wenn le sik. Koi tchingrell o Dewel ap lende, un jon nashenn penge, un wenn tradedo har o phuss, hoi phurdell i sorelo ducho pral o them, un har patria, hoi phurdell lo trujel.

Jesaja 21:15

Jon nashenn penge glan o charo, awa, glan o wi-tserdedo charo, un glan ko bogo, hoi pral rikedo was. Glan ko pharo sorelo marepen nashan le penge.

Jesaja 47:15

Jaake hi kol tsele drawepangre, kolentsa khetne budral, kolla, kai paran tuha fun ko tsiro, har terno hals. Kek lendar nai rikrell pes ap peskre herja, un perell fun jek rig ap i wawar. Un kek hi koi, kai lell tut win dran i bibacht.

Jeremia 25:12

Pal kol efta-deesh bersha dau me i phagi ko rajeske pral o them Babilonia un leskre menshenge koi doshake, hoi le ap pende anan. Palle well o them Babilonia i mulo them hako tsireske.

Jeremia 50:16

Mukenn kekes djido, kai tchiwell djob an i phub, un kekes, kai tchinell o djob tele an ko tsiro, kai hi lo baro! Lauter kolla, kai hi gar khere an kau them, nashenn penge glan o marepaskro charo, un nashenn pash pengre menshende an pengro them.

Jeremia 51:9

[I wi-themarja, kai kote djiwenn, penenn:] Mer kamam o foro Babilon sastes te krell, un job kamas gar sasto te well. Palle mukenn les, har job kamella! Mer djas halauter pale an mare themma! Leskri phagi hi jaake baro, te djal li bis an o bolepen.

Nahum 3:18

Tu, o baro rai pral o them Assur, djiness, i pralstune pral tiro them sowenn hako tsireske, un tire sorele mursha stenn buder gar pre. I menshe an tiro them hi kate te kote tradedo ap i berge. Un kek dell len khetne gole.

Mateo 9:36

Un har job kol bud menshen dikas, khaitan le les. Jon his leske har bakre, kai hi len kek bakrengro, kai ap lende garda della. Jon his khino, un len his buder kek soor an lende.

Markus 6:34

Un o Jesus djas dran o bero win, un dikas kol bud menshen. Kolla khaitan les. Jon his har bakre, kai hi len kek bakrengro, kai dell garda ap lende. Un job rakras lentsa i rah tsiro.

1. Petro 2:25

Tumer hans har bakre, kai nashran pen. Kanna anas tumen o Jesus Kristo pale ap o tchatcho drom. Job hi tumenge har i bakrengro, un dell garda ap tumende.