Jesaja 11:9 - O Debleskro Drom 2021 (Sinte)

⁹ Ap o Debleskri berga Zion krell buder kek tchilatcho koowa, witar gar dukrell jek i wawares. Jaake har o baro pani pherdo pani hi, jaake well i tseli phub pherde menshe, kai prindjrenn o baro Debles.

O Debleskro Lab 2024 (Sinte-Manouche)

⁹ Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 11:9 ပူးပေါင်းရင်းမြစ်များ

Hiob 5:23

I barra ap i hachetikri phub hi tire mala, un i diwje vieche krenn tuke tchi.

Debleskri gili 72:19

Sharas leskro baro railo lab hako tsiro! Leskro railepen mu well diklo an i tsele themma! Amen, jaake te well kowa!

Debleskri gili 78:54

Job anas len an o them, hoi job peske wi-rodas, pash kai berga, hoi job peskri sorjah dren las.

Jesaja 11:13

Palle silwerenn i menshe an Efrajim buder gar ap kolende an Juda. Un kolla dran Juda krenn kolenge dran Efrajim buder kek tchilatchepen.

Jesaja 11:8

Un i tikno tchawo khelell pes kote, kai i tchilatcho sap khere hi, un taprell peskro wasteha tel o bar, kai ko sap hi. Un o sap dandrell les gar.

Jesaja 2:4

Un job well o tchatchepaskro rai, kai krell o tchatchepen win mashkral i menshende dran i wawar themma, un penell lenge, te mukenn le pengro tchingepen. Un kolla lenn palle pengre chare un witsepaskre tchurja, un krenn lendar hachetikre koola, kolentsa budrenn le nai an i phub un tchinenn i drakengre kashta tele. Un palle kurenn pen i menshe dran jek them buder gar i menshentsa dran i wawar them. Un kek sikrell i wawaren buder, har te marenn le pen.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jesaja 32:16

Un an o tselo them djiwenn le pal o Debleskre tchatchepaskre laba, un an o mulo tato them har an o latcho them krenn le, hoi tchatcho hi.

Jesaja 33:6

Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

Jesaja 35:9

Kek lewo hi kote; witar kek wawar viecho, hoi wawar viechen chal, djal ap ko drom; sawe vieche wenn gar kote hatslo. Ap kau drom djan kokres sawe menshe, kolen o baro Dewel win las dran o pandepen.

Jesaja 45:6

te haiwenn le ap i tseli phub, te dell kek wawar dewel har man. Me hom o baro Dewel. Un dell kek wawar.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jesaja 56:7

kolen anau pash miri berga, kai me djiwau, un krau len bachteles an miro kheer, kai mangenn man i menshe an. Jon nai anenn mange viechen: sawe, hoi wenn mange chatchedo ap miri chatchepaskri, ninna sawe, hoi chan le glan mande. Un me dikau latches ap kowa. Miro kheer well kharedo: Kheer, kai i menshe dran hake themma o Debles an-mangenn.

Jesaja 59:19

Palle taprell i daar i menshen ap i tseli phub glan o baro Debleste un leskro railepen. Job wella har i diwjo sorelo pani hoi nashella, koles o ducho o baro Deblestar glan peste phurdell.

Jesaja 65:25

O diwjo djuklo un o terno bakro chan khetne jek pash o wawar. Un o lewo chal phuss har i grumni, un o sap hunte chal tchik. Kek krell tchomone, hoi duka anell, witar tchi, hoi tchilatcho hi ap miri tseli berga, kai djiwau, penell o baro Dewel.

Jesaja 66:18

Me djinau kowa, hoi jon kran, un kowa, hoi an lengre sherja glan djas. Un me wau, te lap i menshen khetne dran i tsele themma un dran hako rakepen. Un jon wenna un dikenn miro railepen.

Jesaja 66:20

Un kolla anenn tumare phralen dran i tsele themma pale, te denn le len o baro Debleske. Ap miri berga an Jerusalem anenn le len ap graja, un ap wurdja, hoi pre hi, un an wurdja, hoi pandlo hi, ap maultikre burike un ninna ap khamele, penell o baro Dewel. Jon anenn len jaake har i Israelitarja anan djob an djudje tchare an o baro Debleskro kheer.

Jeremia 31:23

Kowa penell o baro Dewel, ko rai pral o bolepen un i phub, kai o Israeleskro Dewel hi: “An ko tsiro, kai anau len pale dran kol themma, kai jon pandle his, penenn i menshe dran i forja an o them Juda: O baro Dewel mu tchiwell peskri bacht ap tute, tu them, kai o tchatchepen khere hi, un o Dewel ap peskri berga djiwell.

Jeremia 31:34

Kek hunte penell ap o wawareste: Tu prindjress o baro Debles. Halauter djinenn, koon me hom, i tikne un i bare. Kowa penau me, o baro Dewel. Me bistrau koi doosh, hoi le ap pende anan, un lengro tchilatchepen well buder gar an miro shero.

Ezekiel 34:25

Un me pandau miro dji ap lende, un krau lentsa win, te nai djiwenn le an o latchepen. Hake diwje viechen tradau krik dran o them. Un an o mulo them nai djiwenn le kek darjah. Un an i wesha sowenn le.

Ezekiel 47:5

Un job ginas gomme 500 metarja tele, un ko pani djas jaake dur tele, te nai djom gar dren. Ko pani his jaake dur tele, te hunte shwimrals jek wergel.

Daniel 11:45

Un job tchiwell peskre kutch plachtene khera pre mashkral o baro pani un o Debleskri berga. Un kote well leske o merepen, un kek well ap leskri rig.

Daniel 12:4

Un tu Daniel, rike kau lab khatemen. Un pande i dori trul kau liil un tchip tiro sikepen pre, te nai krell les kek pre, bis ko tsiro wella, kai i phub buder gar rah koi hi. Palle rodenn bud koi dren un haiwenn bud un budeder.

Hosea 2:18

Palle, penell o baro Dewel, kharell li man pale ‘miro rom’, un gar buder ‘miro Baal’.

Habakuk 2:14

Jaake har o baro pani pherdo pani hi, well i tseli phub pherde menshe, kai djinenn, har railo o baro Dewel hi.

Zakarie 14:9

Palle hi o baro Dewel o rai pral i tsele themma ap i phub. An ko tsiro hi job kokres o Dewel. Les kokres mangenn le an.

Zakarie 8:3

Me wau pale ap i berga Zion un djiwau mashkral an o foro Jerusalem. Palle kharell pes Jerusalem ‘foro, kai rikrenn pen i menshe ap o baro Debleste’. Un i berga Zion, kai djiwau me, o baro Dewel, ko rai pral o bolepen un i phub, kai berga kharell ‘Debleskri berga’.”

1. Tessalonikarja 5:15

Ma awenn tchilatcho ap kolende, kai tchilatcho ap tumende wan! Mukenn gar tele, te wenn latches ap hakeneste mashkral tumende, ninna ap i tsele wawar menshende!

Debleskro tsiro 21:27

Un tchi well kote dren, hoi an o Debleskre jaka pale-tchiddo hi, witar kek mensho, kai djungelo koowa krella un chochella. Kolla wenna an ko foro dren, kolengre laba an o terno bakreskro liil dren tchinlo hi. Kote hi kolla dren tchinlo, kai lenna o djipen, hoi gar pre-herella.