Jesaja 11:3 - O Debleskro Drom 2021 (Sinte)

³ Leske hi shukar, te rikrell lo peske o baro Debles glan i jaka pash kowa, hoi lo krell. Job krell gar o tchatchepen win pal kowa, hoi glan leskre jaka hi un leske penlo was.

O Debleskro Lab 2024 (Sinte-Manouche)

³ Leske hi shoukar, te rikrell lo peske o baro Debles glan i yaka pash kova, hoy lo krell. Yob krell gar o čačepen vin pal kova, hoy glan leskre yaka hi oun leske penlo vas.

Jesaja 11:3 ပူးပေါင်းရင်းမြစ်များ

2. Samuel 14:17

Tchatchepah, miro rai, me penom mange: Kowa, hoi o baro rai penell, hi mange mishto. Job hi har i Debleskro bolepaskro, kai djinella, hoi latcho un hoi tchilatcho hi. Tiro baro Dewel mu atchell tuha!”

2. Samuel 14:8

Koi penas o baro rai ap koi romjate: “Dja khere! Me krau ko koowa tuke.”

1. Rajengro liil 3:28

Un an o tselo them Israel shunan le ko tchatcho lab, hoi o baro rai hatsas. Un jon dikan pre ap o baro rajeste, un jon haiwan, kai o goswepen o Deblestar an leste his, te nai dell lo i menshenge lengro tchatchepen.

1. Rajengro liil 3:9

Doleske mangau tut, de man i dji, hoi shunella, hoi tu peneh, te nai rakrap o tchatchepen win pral i menshende, un te haiwap, hoi mishto un hoi gar mishto hi. Har nai dap hakeneste tire bud menshendar peskro tchatchepen, tu te deh kowa mande gar?”

Hiob 12:11

Te shunell i mensho, hoi rakedo well, putchell lo pes gar, hoi tchatcho un hoi gar tchatcho hi? Kowa hi jaake har peskro mui djinell, hawo chapen latcho un hawo chapen gar mishto hi.

Hiob 34:3

Jaake har o mui haiwell, hi o chapen latcho oder gar, jaake hunte hatsell o kand win, hi ko rakepen mishto oder gar.

Gosewe laba 2:5

Palle haiweh, har nai djiweh o baro Debleha, un prindjreh les bud un budeder.

Gosewe laba 2:9

Palle haiweh, hoi glan o Debleste mishto un tchatcho hi, har nai djah ap leskro drom, un djiweh i djipen, hoi an leskre jaka latcho hi.

Jesaja 33:6

Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

Ezekiel 45:8

Kau kotar them well o rajeske. Les well gar budeder them an Israel. Kamau gar, te tchorenn mire raja o them mire menshendar. Na-a, jon hunte mukenn o them i Israelenge jaake har kowa o Jakobeskre tchawenge dino was.

Micha 4:3

Job krell o tchingepen win mank bare natsjone, un rakrell o tchatchepen win pral budende an dur themma. Jon krenn dran lengre chare hachetikre koola, kolentsa witsrenn le i phub trujel. Un dran lengre witsepangre tchurja krenn le tchurja, kolentsa jon i drake tele tchinenn. An ko tsiro hi kek them o wawareha an o kurepen. Kek hunte sikrell len buder, har te kurenn le pen i chareha.

Louka 2:52

Job was gosweder un phureder. Un o Dewel un i menshe dikan latches ap leste.

Johanni 2:25

Job djinas, har i menshe hi. Leske hunte penell kek, hoi an o mensheskro dji hi.

Johanni 7:24

Tumer te penenn, kai i mensho i doosh ap peste anas, palle djan pal o tchatchepen un gar pal kowa, hoi dikenn tumare jakentsa!”

Hebrearja 5:14

O mursheskro chapen hi kolenge, kai djiwenna pal o Debleskro lab un haiwenn bud un budeder, hoi latcho un tchilatcho hi.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”