Jesaja 11:11 - O Debleskro Drom 2021 (Sinte)

¹¹ Un ap ko diwes hadell o Dewel peskro wast i duito kopo, te ginell lo kolen win, kai peskre menshendar pral atchan an i themma Assur un Egiptia, Patros, Kush, Elam, Shinar, Hamat, un an kol panjeskre themma.

O Debleskro Lab 2024 (Sinte-Manouche)

¹¹ Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 11:11 ပူးပေါင်းရင်းမြစ်များ

1. Mose 10:10

An ko ersto tsiro was job o rai pral i forja Babel, Erek, Akkad un Kalne an o them Shinar.

1. Mose 10:22

Kolla hi i tchawe o Semestar: o Elam, o Assur, o Arpaksad, o Lud, un o Aram.

1. Mose 11:2

Un jon mukan pengro them un djan kote, kai o kham pre djala. An o them Shinar hatsan le i buchlo them un atchan koi.

1. Mose 14:1

An ko tsiro his i kurepen. Star bare raja kuran pen pantch forjengre rajentsa. Kolla bare raja his: o Amrafel, ko baro rai pral o them Shinar, o Arjoch, ko baro rai pral o them Ellasar, o Kedor-Laomer, ko baro rai pral o them Elam, o Tidal, ko baro rai pral o them Gojim.

1. Mose 2:13

Un ko lab o duito panjestar hi Gihon. Kowa nashell trul o tselo them Kush.

2. Rajengro liil 17:24

Har i Israelitarja dran o them Samaria krik anlo wan, mukas o baro rai pral o them Assur menshen dran wawar forja te well, te djiwenn le kote. Kolla wan dran i forja Babilon, Kuta, Awa, Hamat un Sefarwajim, un djiwan kanna an kol forja an o them Samaria. Un jaake lan le kau them dren.

Ester 10:1

Un o rai Ahasveros tchiwas ap o them un ap i panjengre themma i sijaan, hoi i menshe hunte plaissrenna.

Debleskri gili 68:22

Kolenge, kai les gar kamenna, stakrell lo o shero dren, hake tchilatchenge, kai mukenn gar pengro tchilatchepen.

Jesaja 1:9

Te mukals o baro Dewel, ko rai pral o bolepen un i phub, gar mendar pral, djals menge har i forjenge Sodom un Gomorra.

Jesaja 10:20

I tsiro wella, kai atchan buder gar bud menshe pral an Israel. Kolla, kai hi gomme djido o Jakobeskre tchawendar, rikrenn pen palle buder gar ap kolende, hoi len dawa dan. Na-a, kolla rikrenn pen palle ap o baro Debleste, kai o Israeleskro Dewel hi, un mukenn lestar gar buder tele.

Jesaja 10:9

Jek foro pal o wawar lom dren: Kalno un Karkemish, Hamat un Arpad, Samaria un Damaskus.

Jesaja 11:16

Un palle dell i drom dran o them Assur win kolenge, kai leskre menshendar Israel kote djides atchan, jaake har i drom das peskre menshenge ap ko diwes, har djan jon dran o them Egiptia win.

Jesaja 19:21

Un o baro Dewel sikrell pes palle i Egiptarende, un jon prindjrenn les un mangenn les an, un anenn leske viechen un chapen, hoi well leske chatchedo. Un denn pen glan leste sowel, te denn le les tchomone, un rikrenn koi sowel ninna.

Jesaja 19:22

Un pal kowa, kai das o baro Dewel i Egiptarjen, krell lo len sasto. Un jon wenn pale pash leste. Un job mukell pes lendar te mangell un krell len sasto.

Jesaja 21:2

Hawo pharo koowa was mange siklo! O phukepaskro phukrella, un o randepaskro randella. Tumer lurde dran i themma Elam un Media, krenn tumen ap o drom, un tchiwenn tumen pre trul lo foro Babilon. O baro Dewel krell, te hunte rowell buder kek pral kowa, hoi i Babilonarja kran.

Jesaja 22:6

I lurde dran o them Elam hidjrenn pengre gone i failentsa, un wenn ap wurdja i grajentsa. Lurde dran o them Kir rikrenn pengre shilte an i wasta.

Jesaja 24:15

Hadenn o baro Debles, tumer kai djiwenn kote, kai o kham pre djal! Un an i panjengre themma denn win gole: “Har railo hi o baro Dewel, kai o Israeleskro Dewel hi!”

Jesaja 37:31

Un kol menshe, kai pral atchan dran o kheer Juda, wenna pale har i sorelo ruk, koleskre draba dur an i phub djan un ap koleskre kashta rukengre bares wenna.

Jesaja 42:10

Giwenn o baro Debleske i newi gili! Sharenn les ap i tseli phub bis an i palstune themma! Sharenn les, tumer, kai ap o baro pani ulerenn, un tumer lauter, kai an o baro pani djiwenn! Ninna tumer, kai an o panjeskre themma djiwenn, sharenn les!

Jesaja 42:12

Tumer lauter, sharenn o baro Debles! Un kolenge an i panjeskre themma penenn, har baro job hi!

Jesaja 42:4

Leske kokres djal gar i soor krik, un job phagell witar gar khetne, bis te kras lo, te djiwenn i menshe ap i tseli phub pal o tchatchepen. Un i menshe an dur themma dikenn ap leste, te sikrell lo len peskro drom.

Jesaja 45:14

Kawa penell o baro Dewel: O brawlepen dran o them Egiptia, un kowa, hoi i menshe dran Etiopia dren lan, well pash tute, te well lo tiro. Un kol bare sorele mursha dran Seba wenn tire budepangre. Pandles shellentsa wenn le pash tute, un witsrenn pen glan tute ap i phub, un penenn: Kokres pash tute hi o Dewel, un dell kek wawar dewel.

Jesaja 49:12

Dikenn, mire menshe wenn fun dural: dran i themma, hoi serwes un tchatches tchiddo hi, un fun kotar, kai o kham tele djal.

Jesaja 66:19

Un me tchiwau i sikepen pre mank lende. Un kolendar, kai djides atchan, bitchrau me pash i menshende an themma Tarsis, Put un Lud, Meshech, Rosh, Tubal, Jawan un pash kolende dur wergel o baro pani, kai mandar gomme tchi shunan, un miro railepen gomme gar dikan. Un mire bitchepangre penenn kol menshenge, har railo me hom.

Jeremia 25:25

i tsele bare raja an i themma Simri, Elam un Media;

Jeremia 31:10

Shunenn, tumer menshe dran wawar themma, hoi o baro Dewel penell! Djan pral o baro pani pash i panjeskre themma, un rakrenn kote leskre laba! Penenn: Kowa, kai tradas o Israel an bud themma, kowa lell len pale khetne un dell garda ap lende har i bakrengro ap peskre bakre garda dell.

Jeremia 44:1

Kawa hi kau lab, hoi o baro Dewel penas ap o Jeremia pral kol tsele menshende dran o them Juda, kai djiwenn an o them Egiptia. Jon his an i forja Migdol, Tachpanes un Memfis, ninna an o them Patros.

Jeremia 49:23

Laba pral o foro Damaskus. I menshe an i forja Hamat un Arpad shunan tchilatcho koowa. Jon lan bari daar un djinenn gar, hoi te krenn. I traash well pral lende har o baro pani, hoi gar tardo atchell.

Ezekiel 27:6

Tire lengste tchinle kashta his dran zipresstikro kasht, hoi dran o them Kittim lino was. Dren tchiddo an kol kashta his elefantikro dand. Dran o them Bashan was eichtikro kasht. Kolestar tchinan le kol kashta, kolentsa o shiffo tserdedo well.

Ezekiel 29:14

Me krau, te well lenge lauter pale mishto, un anau len an o them Patros, an ko them, kolestar jon wenna. Kote well len palle i tikno rajeskro them,

Ezekiel 30:14

Un me krau, te well ko kotar them, hoi kharell Patros, i mulo them. An o foro Zoan tchiwau jag, te chatchrell lo tele. Un i menshenge an o foro Theben dau lengri phagi.

Ezekiel 32:24

Kote hi o Elam peskre tsele menshentsa. Trul leste trujel hi le paskedo. Jon halauter wan maredo o chareha, un djan tele an o mulengro them, kolla, kai gar tchinlo wan ap pengro mass. Har le djido his, his i wawaren bari daar lendar. Kanna hunte hidjrenn le pengri ladj khetne kol wawarentsa an o mulengro them.

Ezekiel 38:8

Bud bersha djan gomme trujel bis te wenn tumer khetne gole dino o kurepaske. Pal i rah tsiro djas tu tire lurdentsa an i them, hoi pal i kurepen pale newes kerdo was, un koleskre menshe dran bud themma khetne anlo wan, te djiwenn le ap i berge an Israel. I rah tsiro his kau them wi-meredo. Kanna wan leskre menshe win anlo dran bud themma, un djiwenn kote kek darjah.

Daniel 1:2

Un o baro Dewel, maro rai, das o Jojakimes, ko baro rajes pral o them Juda, an o wast o baro rajestar dran o them Babilonia. Ninna ko shukar koowa, hoi an o Debleskro kheer his, kolestar peras an leskre wasta. Un job anas kowa an o them Shinar, an o kheer leskro deblestar. Un tchiwas les pash ko brawlepen leskro deblestar pashel.

Daniel 11:18

Palle djal lo pash i panjeskre themma, un lell lendar bud dren. Un i pralstuno dran i wawar them tchiwell pes leske an o drom un krell, te hunte rikrell lo peskro baro mui. Un leskro pre-phurdepen well ap leste pale.

Daniel 8:2

An miri suni homs an o sorelo kheer an o foro Susa an o them Elam, pash o lengsto pani Ulai.

Hosea 11:10

Palle djan le o baro Debleske palla, un job dell gole har i lewo, awa, job dell gole har i lewo, un leskre tchawe wenn trisslepah pash leste fun kotar, kai o kham tele djal.

Hosea 11:11

Ninna dran o them Egiptia wenn le trisslepah har tchirkle, un dran o them Assur har taube. Un me mukau len pale an lengre khera te djiwell. Kowa penell o baro Dewel.

Micha 7:12

An kol diwessa wenn tumare menshe pash tumende dran o them Assur, un dran i forja an o them Egiptia, awa, dran o tselo them mank o them Egiptia un o baro lengsto pani Eufrat, un jek baro panjestar bis ap o wawar, un dran i berge, hoi dur krik hi.

Zefanja 2:11

Kanna krell o baro Dewel lenge bari daar, te krell lo i chochene deblen ap i tseli phub paash. Un an hake themma witsrenn pen i menshe glan leste tele, hakeno an peskro them.

Zakarie 5:11

Job penas: “An o them Shinar, te well lake kote i kheer kerdo. Kote well koi korba pre tardo un an-mangedo.”

Zakarie 8:7

Kowa penell o baro Dewel, ko rai pral o bolepen un i phub: “Awa, me lau mire menshen win dran o them, kai o kham pre djala, ninna dran o them, kai o kham tele djal.

Zakarie 9:2

Job lell o them Hamat an i jak, hoi hi tchiddo ap i rig o forestar Damaskus. Ninna lell lo i forja Tirus un Sidon an i jak, kai i menshe jaake gosewo hi.

Remarja 11:15

Har jon ap i rig tchiddo wan, nai wan i wawar menshe ap i phub pash o Debleste. Jaake was dran i tchilatcho koowa i latcho koowa. Har bud shukeder well kowa, te wenn i bibolde pale pash o Debleste. Kowa hi jaake shukar, har te wans le mulo un palle djido.

Remarja 11:26

Pal kowa wenn i tsele bibolde ninna ap o Jesuseskro drom. An o Debleskro lab hi tchinlo: Dran o foro Zion well kowa, kai lell o tselo tchilatchepen o Jakobeskre tchawendar krik.

2. Korintarja 3:16

Ap ko diwes, kai mukenn i Israelitarja pengro drom un djan ap o Jesuseskro drom, lell job ko diklo lendar krik.

5. Mose 9:29

Jon hi tire menshe, kolen tu win lal dran o them Egiptia tiri bari sorjah un tiro sorelo wasteha, te wenn le tire menshe!”