Jesaja 10:9 - O Debleskro Drom 2021 (Sinte)

⁹ Jek foro pal o wawar lom dren: Kalno un Karkemish, Hamat un Arpad, Samaria un Damaskus.

O Debleskro Lab 2024 (Sinte-Manouche)

⁹ Yek foro pal o vavar lom dren: Kalno oun Karkemish, Hamat oun Arpad, Samaria oun Damaskus.

Jesaja 10:9 ပူးပေါင်းရင်းမြစ်များ

1. Mose 10:10

An ko ersto tsiro was job o rai pral i forja Babel, Erek, Akkad un Kalne an o them Shinar.

2. Samuel 8:9

Ko rai pral o foro Hamat – leskro lab his Toi, – his an o kurepen o rajeha Hadad-Eser. Har o Toi kanna shunas, kai maras o David koleskre tsele lurden, bitchras lo peskro tchawes, o Joram, pash o baro rajeste David, un parkras pes pash leste un mukas les te penell, te well les bud bacht, un anas peha rupene koola un sonakangre koola un sawe dran lolo saster.

2. Rajengro liil 16:9

Un o baro rai pral o them Assur shunas ap leste un djas pral pash o foro Damaskus un las les dren. Un mukas kol menshen, kai kote djiwan, pandles krik te anell an o foro Kir, un maras o baro rajes Rezin.

2. Rajengro liil 17:24

Har i Israelitarja dran o them Samaria krik anlo wan, mukas o baro rai pral o them Assur menshen dran wawar forja te well, te djiwenn le kote. Kolla wan dran i forja Babilon, Kuta, Awa, Hamat un Sefarwajim, un djiwan kanna an kol forja an o them Samaria. Un jaake lan le kau them dren.

2. Rajengro liil 18:34

Kai hi kanna kol debla dran i forja Hamat un Arpad? Kai hi kanna i debla dran i forja Sefarwajim, Hena un Awa? Kai hi kanna i debla dran Samaria? Lan le Samaria win dran miro wast?

2. Familjakro liil 32:14

Kek kol tsele deblendar an kol themma, hoi dan mire phure khetne, nai las peskre menshen dran miro wast. Har nai penenn tumer, kai tumaro Dewel tumen dran miro wast nai lella?

2. Familjakro liil 35:20

Pal ko tsiro, kai o Josia o baro Debleskro kheer djudjes kras, djas o Necho, ko baro rai pral o them Egiptia, win peskre lurdentsa, te kurell lo pes o foreha Karkemish, hoi pash o pani Eufrat tchiddo hi. Un o Josia djas win leske an o drom.

Jesaja 10:8

Job penas: “Tchatchepah, mire tsele pralstune lurden hi jaake bud penepaske har bare raja.

Jesaja 17:1

Kate sikrell o Dewel, hoi pral o foro Damaskus wella: I tsiro well sik, kai o foro Damaskus buder kek foro hi. Lestar atchell tchi har tele phagede barra.

Jesaja 17:3

Trul i forja an Israel hi buder kek massurja. Un o foro Damaskus hi kek rajeskro foro buder. Kol Syrarja, kai atchenn djido, lenge djal jaake har i Israelenge. Lengro railepen atchell gar. Kowa penell o baro Dewel, ko rai pral o bolepen un i phub.

Jesaja 33:8

I dromma hi wi-meredo, un kek djal buder gar koi. Kolla, kai win kran, te rikrenn le khetne, rikrenn gar pengro lab. Un ap kolende, kai koi pashel his, har kowa win kerdo was, well gar shunlo. I menshengro djipen hi lenge tchi moldo.

Jesaja 36:19

Kai hi kanna kol debla dran i forja Hamat un Arpad? Kai hi kanna i debla dran Sefarwajim? Kai hi kanna i debla dran Samaria? Lan le Samaria win dran miro wast?

Jesaja 37:11

Tu djineh, hoi i bare raja dran o them Assur an i tsele themma kran, har le halauteren maran, un tu patseh, te wess kokres win lino dran o merepen?

Jesaja 37:13

Un kai hi kanna i bare raja pral i forja Hamat, Arpad, Sefarwajim, Hena un Awa?”

Jesaja 7:8

O foro Damaskus hi o shero o themestar Syria, un o Rezin hi o baro rai kokres pral Damaskus. Un o foro Samaria hi o shero o themestar Efrajim, un o Pekach hi o baro rai kokres pral Samaria. Un an 65 (shob-deesh-te-pantch) bersha dell buder kek them Efrajim. Un te patsenn tumer kawa gar, palle atchenn tumer gar!”

Jeremia 46:2

An o starto bersh, har o Jojakim, koleskro dad o Josia his, ko baro rai pral o them Juda his, rakras o baro Dewel pral o them Egiptia. Koi his i lurde o Faraestar Necho, ko baro rai pral o them Egiptia, pash o pani Eufrat tardo pash o foro Karkemish. Un o Nebukadnezar, ko baro rai dran o them Babilonia, kuras pes lentsa un das len.

Jeremia 49:23

Laba pral o foro Damaskus. I menshe an i forja Hamat un Arpad shunan tchilatcho koowa. Jon lan bari daar un djinenn gar, hoi te krenn. I traash well pral lende har o baro pani, hoi gar tardo atchell.

Ezekiel 47:16

un dureder bis pash i forja Berota un Sibrajim, hoi kote tchiddo hi, kai o them trul Damaskus khetne well ko themeha trul Hamat. Fun kotar djal o them Israel dureder bis pash o foro Hazar-Enan, hoi pash o them tchiddo hi, hoi trul i berga Hauran hi.

Habakuk 1:10

Jon sanenn pral i bare rajende un pralstunende an wawar themma. Kol tsele forja, kai sorele massurja trul lende tardo hi, hi lenge har tchitcheske; jon tchiwenn tchik pre glan i massurja, un djan pral wergel, un lenn kol forja dren.

4. Mose 34:8

Un kotar dureder bis kote, kai djal an Hamat, un dureder pash Zedad,