Jesaja 10:18 - O Debleskro Drom 2021 (Sinte)

¹⁸ Un i tsele shukar wesha un o tselo senelo them merell tele, jaake har i nasselo, kai lokes merell un buder gar koi hi.

O Debleskro Lab 2024 (Sinte-Manouche)

¹⁸ Oun i tsele shoukar vesha oun o tselo zenelo them merell tele, yaake har i nasselo, kay lokes merell oun bouder gar koy hi.

Jesaja 10:18 ပူးပေါင်းရင်းမြစ်များ

2. Rajengro liil 19:23

Tire bitchepangren bitchral, te praassenn le man, un penal: “Pral ap i berge mire wurdjentsa djom, un dur dren an o Libanon wom. I bare un shukar ruka trujel dom, un an o diwjo weesh lengro khatepen hatsom.

2. Rajengro liil 19:28

Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pal.

Jesaja 10:16

Doleske bitchrell o baro Dewel, ko rai pral o bolepen un i phub, i nasslepen ap i pesse menshende an o them Assur, hoi chal len pre. Un i jag chatchrell lengro brawlepen pre.

Jesaja 32:19

Ninna te denn brishineskre barra o weesh paash, un o foro djal tele,

Jesaja 37:24

Tire budepangren bitchral, te praassenn le man, un penal: “Pral ap i berge mire wurdjentsa djom, un dur dren an o Libanon wom. I bare un shukar ruka trujel dom, un an o diwjo weesh bis ap o pralstunepen djom.

Jesaja 9:18

I choli o baro Deblestar, ko rajestar pral o bolepen un i phub, hi har i jag: O them chatchell, un i menshe chatchrenn ninna. Un kek rowas o wawareske, un hakeno dikas kokres ap peste.

Jeremia 21:14

Me hom kowa, kai wau pash tumende, un dau tumen i tchatchi phagi koleske, hoi kran, penell o baro Dewel. Me tchiwau i jag an tumaro weesh, te chatchrell lauter tele.

Zakarie 12:6

An ko tsiro krau, te wenn i pralstune an Juda har i jagakro tcharo mashkral an o weesh, un har i jag mank o phuss, hoi chatchell ap haki rig. Un jon chan kol tsele natsjone trujel pre. O foro Jerusalem atchell kai lo hi.”