Jesaja 10:16 - O Debleskro Drom 2021 (Sinte)

¹⁶ Doleske bitchrell o baro Dewel, ko rai pral o bolepen un i phub, i nasslepen ap i pesse menshende an o them Assur, hoi chal len pre. Un i jag chatchrell lengro brawlepen pre.

O Debleskro Lab 2024 (Sinte-Manouche)

¹⁶ Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

Jesaja 10:16 ပူးပေါင်းရင်းမြစ်များ

2. Familjakro liil 32:21

Kote bitchras o baro Dewel i bolepaskres. Kowa maras i tsele lurden, ninna lengre pralstunen un bare lurden ap i lurdengri platsa o baro rajestar dran o them Assur. Un i ladjatar djas lo pale an peskro them. Har job an o kheer leskro deblestar was, maran les leskre tchawe o chareha.

Debleskri gili 106:15

Kote das lo len, hoi jon mangan, un das len jaake bud, te was lenge kowa dran o nak win.

Debleskri gili 78:31

koi was o Debleskri choli pral lende, un job maras lengre pralstunen, un i terne sorele murshen i Israelendar mukas lo te merell.

Jesaja 10:18

Un i tsele shukar wesha un o tselo senelo them merell tele, jaake har i nasselo, kai lokes merell un buder gar koi hi.

Jesaja 17:4

An ko tsiro hi o themes Israel buder kek railepen, kote, kai brawlepen his, hi kanna tchorwlepen.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Jesaja 31:9

Un lengre sorele kurepangre hi har mulo i trashatar, un lengre pralstune mukenn koi pre-tchiddi plachta, hoi lengro sikepen his. Kowa penell o baro Dewel, kai ap i berga Zion khere hi, kai leskri jag chatchell. Un leskro bob hi an o foro Jerusalem.

Jesaja 37:29

Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pale.

Jesaja 37:36

Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.

Jesaja 5:17

Mank i barra ko paash-dino forestar nashenn i bakre trujel un rodenn o chapen. Un i busja chan mank i khera, hoi kol brawele pale hunte mukan.

Jesaja 8:7

Doleske mukell o Dewel o baro rajes dran Assur pral lende te well. Leskre bud sorele lurde wenna har o baro sorelo pani o panjestar Eufrat, hoi djal diwjes pral peskre rigja un tchakrell i phub koi trujel.

Jesaja 9:4

I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.

Jesaja 9:5

I ternepen was menge boldo, i mursh tchawo was men dino. Kowa well i baro rai, un kharell: latcho rakepaskro, sorelo Dewel, dad-hako-tsireske, rai-kai-lell-o-kurepen-krik.

Jeremia 21:14

Me hom kowa, kai wau pash tumende, un dau tumen i tchatchi phagi koleske, hoi kran, penell o baro Dewel. Me tchiwau i jag an tumaro weesh, te chatchrell lauter tele.

Jeremia 48:14

Tumer mursha dran o kheer Moab, har nai penenn tumer tumendar: Mer ham sorele kurepangre un tchatche mursha?

Ezekiel 34:16

Kolla, kai nashedo hi, rodau me. Un kolla, kai nashran pen, anau me pale. Un kolla, kai pen dukran, pandau i diklo trujel. Un kolla, kai nasselo hi, krau soreles. Un i thullen un sorelen lau an i jak. Me dau jak ap lende har mishto hi.

Nahum 1:12

Kawa penell o baro Dewel ap peskre menshende: Ninna te hi kol kurepangre bud un sorelo, kai wenn, te kurenn le pen tumentsa, jon wenn khetne dino un merenna. Tumende dom i phagi – kanna hi doha! Kanna krau me kowa gar buder.

Zefanja 2:13

Un o baro Dewel hadell peskro wast ap koi rig, kai norden hi, te krell lo o them Assur paash. Un o forestar Ninive atchell tchi har paash-dine khera. O foro well har i mulo them, kai buder kek menshe djiwenna.

Zakarie 7:4

Koi penas o baro Dewel, ko rai pral o bolepen un i phub, ap mande:

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.