Jesaja 10:13 - O Debleskro Drom 2021 (Sinte)

¹³ Kowa penas: I sorjah mire wastendar krom kowa lauter, un miro goswepah. Tchatchepah, man hi bud goswepen. Me lom wawar themma dren, un random lengro brawlepen, un har i diwjo gurum stakrom kolen khetne, kai koi djiwan.

O Debleskro Lab 2024 (Sinte-Manouche)

¹³ Kova penas: I zoryah mire vastendar krom kova lauter, oun miro gosvepah. Čačepah, man hi boud gosvepen. Me lom vavar themma dren, oun random lengro bravlepen, oun har i divyo gouroum stakrom kolen khetne, kay koy djivan.

Jesaja 10:13 ပူးပေါင်းရင်းမြစ်များ

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

2. Rajengro liil 16:8

Un o Ahas las ko rup un ko sonakai, hoi lo an o baro Debleskro kheer hatsas, un hoi lo an peskro rajeskro kheer hatsas, un bitchras halauter o baro rajeske pral o them Assur, te lell lo les dran leskro wast kamles pash peste.

2. Rajengro liil 17:24

Har i Israelitarja dran o them Samaria krik anlo wan, mukas o baro rai pral o them Assur menshen dran wawar forja te well, te djiwenn le kote. Kolla wan dran i forja Babilon, Kuta, Awa, Hamat un Sefarwajim, un djiwan kanna an kol forja an o them Samaria. Un jaake lan le kau them dren.

2. Rajengro liil 17:6

Un har o Hoshea an o enjato bersh baro rai his, las o baro rai pral o them Assur o foro Samaria dren, un anas i menshen dran Israel pandles krik an o them Assur, un mukas len te djiwell an o them Halach un pash o lengsto pani Habor an o them Gosan, un an i forja, kai i Medarja djiwan.

2. Rajengro liil 18:11

Un o baro rai pral o them Assur mukas i menshen dran Israel krik te anell an o them Assur, un mukas len te djiwell an o them Halach un pash o pani Habor an o them Gosan, un an i forja, kai i Medarja djiwenn.

2. Rajengro liil 18:15

Jaake das leste o Hiskija ko tselo rup, hoi hatsas pes an o baro Debleskro kheer un an o baro rajeskro kheer.

2. Rajengro liil 18:32

bis te me wau un lau tumen mantsa, un anau tumen an i wawar them, hoi hi jaake har tumaro them. An ko them hi doha djob, mool, maro, drakengre ruka, djeteskre ruka un gwin. Palle nai atchenn djides un hunte merenn gar. Shunenn gar ap o Hiskija! Job chochell tumen, te penell lo ap tumende: ‘O baro Dewel lell men dran lengre wasta win.’

1. Familjakro liil 5:26

Kote bitchras o Israeleskro Dewel pral lende o baro rajes dran o them Assur, o Pul, – leskro lab hi ninna Tiglat-Pileser – un job mukas i menshen dran o kheer Ruben un Gad un i paash familja dran o kheer Manasse pandles krik te anell, un anas len an i themma trul i forja Halach un Habor un Hara un pash o lengsto pani Gosan. Kote hi le gomme kau diwes.

Gosewe laba 28:11

O brawelo hi gosewo an peskre jaka, un o tchorwelo, kai tchatchepah gosewo hi, dikell, koon glan leste hi, un perell gar ap leste dren.

Jesaja 10:8

Job penas: “Tchatchepah, mire tsele pralstune lurden hi jaake bud penepaske har bare raja.

Jesaja 5:21

Djungeles djal kolenge, kai an pengre jaka kokres gosewo hi, un pash pende kokres krenn, har te haiwenn le halauter.

Jeremia 46:8

Kowa hi o them Egiptia, hoi hadas pes har o Nil, un was sorelo har bare panja. Kowa penell: Me hadau man, te tchakrap i phub, un krau kol forja paash, un marau kolen, kai kote djiwenna.

Jeremia 48:14

Tumer mursha dran o kheer Moab, har nai penenn tumer tumendar: Mer ham sorele kurepangre un tchatche mursha?

Ezekiel 25:3

Pen lenge: Shunenn, hoi o baro Dewel, maro rai, tumenge penell! Kawa penell o baro Dewel, maro rai: Tumer san pral miro kheer, un penenn: Haha, har pale-tchiddo hi lo! Un pral o them Israel san tumer, un penenn: I mulo them was kowa! Ninna pral o kheer Juda san tumer, un penenn: An o pandepen anlo wan le.

Ezekiel 26:2

Tu, mensho, kol menshe dran o foro Tirus san un penenn pral o foro Jerusalem: Tele phagedo hi ko foro, kolestar bud parepangre win djan an wawar themma parepaske. Kanna ham mer kolla, kai wenn brawelo. O forestar Jerusalem atchas tchi har barra pral!

Ezekiel 29:3

Pen leske: Kawa penell o baro Dewel, maro rai: Tu Farao, baro rai pral Egiptia, kanna sikrau les tuke! Tu hal har i baro tchilatcho viecho tchiddo an tire bare lengste panja, un peneh: “Ko baro lengsto pani hi miro. Mange krom les.”

Ezekiel 35:13

Jaake phurdan tumen pre, un tumaro baro mujeha hadan tumen pral mande. Me shunom halauter.

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

Daniel 4:30

Un gomme an ko tsiro, har lo koi pral tardo his, was kau lab tchatcho. Un job was pale-tchiddo un djiwas buder gar mank i menshende. Un job chas khass har i grumja. Un job tchiwas pes win tele. Un o brishin peras ap leste tele un kras les sapeno. Leskre balla wan jaake lengsto har i phora bare tchirklendar, un leskre naja bango har i tchirklengre tsebe.

Amos 5:27

an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Amos 6:13

Tumer phurdenn tumen pre pral o foro Lo-Dabar, un penenn: Mari sorjah lam o foro Karnajim dren.

Habakuk 1:11

Palle djan le dureder jaake sik har i sorelo phurdepen, un nashrenn kek tsiro; dran pengri soor krenn jon pengro dewel.

Habakuk 1:16

Lengre matchengre gone un lengre netse hi lenge har debla. Lenge chatchrenn le viechen un sungepaskro koowa, te parkrenn len pen, kai jon lenge jaake bud brawlepen un latcho chapen anan.

Habakuk 2:6

O diwes well, kai giwenn kolla lauter i sapaskri gili pral koleste, kai rikras len tele, un rakrenn laba, kolentsa jon pral leste san. Jon penenna: Djungeles djal tuke, kai leh tuke, hoi gar tiro hi! Har rah kameh jaake dureder te krell, un brawelo te well ko koweha, hoi kolla hunte denn tut, kolen sijaan pash tute hi?

5. Mose 8:17

Un tumer te nai penenn gar an tumare djia: Miri soor un mire wastengri budi anas mange kau tselo brawlepen!

Čačepangre 7:2

Un o baro Dewel penas ap o Gideon: “Tut hi bud lurde, hoi pash tute hi. Jaake nai dau i Midianarja gar an tumare wasta. O Israel nai sharals pes un nai penals: ‘Mare wasta his, hoi men win lan!’