Jesaja 10:1 - O Debleskro Drom 2021 (Sinte)

¹ Hawi bibacht well ap kolende, kai krenn tchatchepangre laba win, hoi denn i menshen gar lengro tchatchepen, un tchinenn laba pre, hoi krenn lenge o djipen phares.

O Debleskro Lab 2024 (Sinte-Manouche)

¹ Havi bibarht vell ap kolende, kay krenn čačepangre laba vin, hoy denn i menshen gar lengro čačepen, oun činenn laba pre, hoy krenn lenge o djipen phares.

Jesaja 10:1 ပူးပေါင်းရင်းမြစ်များ

1. Rajengro liil 21:13

Palle wan kol dui tchi-molde, un beshan pen wergel leste, un anan tchomone pre ap leste un penan glan i tsele menshende: “O Nabot praassas o Debles un o baro rajes.” Palle was lo dran o foro anlo, un jon witsran ap leste barra, jaake meras lo.

Debleskri gili 58:2

Tumer sorele, rakrenn tumer tchatchepah o tchatchepen win pral i menshende? Denn tumer hakeneste peskro tchatchepen?

2. Mose 23:3

Pen o tchatchepen, ninna te hi kowa i tchorwelo, kai chochras.

2. Mose 23:6

Te hal tu i tchatchepaskro, hunte dess tu koles peskro tchatchepen, koon an o tchatchepen hi, ninna te hi lo tchorwelo.

Jesaja 29:21

kolla, kai chochepah doosh ap i wawarende anan, un chochenn i tchatchepangre murshen, un anenn len pengre chochene labentsa jaake dur, te denn le kek tchatchepen koleste, kai kek doosh ap leste hi.

Jesaja 3:11

Ap i tchilatchende well bibacht. Lenge djal gar mishto. Ap lengro shero well ko tchilatchepen pale, hoi le kran.

Jesaja 3:14

Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jesaja 5:11

Djungelo djal kolenge, kai stenn pre taissarlake, te djan le an i kertchima, un rati gomme koi beshdo hi un mato wenn!

Jesaja 5:18

Djungelo djal i tchilatchenge, kai kamenn o chochepen. Jaake har i grai o wurdin tserdell, jaake tserdenn jon lengri doosh pal pende,

Jesaja 5:23

Djungeles djal kolenge, kai i lowenge koles an o tchatchepen tchiwenn, kai doosh ap peste anas, un kolenge lengro tchatchepen krik lenn, kai an o tchatchepen tardo hi.

Jesaja 5:8

Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

Jesaja 59:13

Mer phagam maro baro Debleha, djiwam har te prindjrams les gar, un peram lestar tele. Kram i wawaren tiknes maro rakepah, un phukram ap lende. Lam men chochepen glan un rakram chochepen.

Jesaja 59:4

Kekeske tumendar, kai djal glan o tchatchepaskro mursheste, djal trul o tchatchepen. Un kek, kai anell tchomone ap i wawareste pre, penell o tchatchepen. Pash tumende hi jaake: Ap kowa, hoi tchi moldo hi, rikrenn tumen, un rakrenn o chochepen. Kowa, hoi an tumare sherja trujel djal, hi har nai chochenn un dukrenn i wawaren. Ko tchilatcho koowa, hoi win well, anell o merepen,

Jeremia 22:13

Bibacht ap koleste, kai krell peskro kheer chochepah, un djal gar pal o tchatchepen, te krell lo peskro kheer bareder un shukeder! Un mukell peskre budepangre tchitcheske te budrell, un dell len kek lowe.

Amos 2:7

Jon stakrenn i tchorwelen an i tchik, un i tiknen dran o drom. Doleske lenn le pengri phagi, un khaitenn man gar. I mursh un peskro dad djan dren pash i emligi djuwjate. Jaake anenn le ladj ap mande.

Micha 6:16

Ko tchilatcho koowa, hoi kol raja, o Omri un o Ahab, tumenge glan kran, kowa kran tumer ninna. Un hoi jon penan, kowa kran tumer ninna. Doleske krau me dran tumaro foro i mulo foro. Un pral tumende, kai kote djiwenn, san i wawar menshe. Bari ladj well pral tumende.

Habakuk 2:12

Djungeles djal tuke, kai kral i foro o rateha, un tchiwal les pre o marepah!

Habakuk 2:15

Djungeles djal tuke, kai mukeh i wawaren tiro khoro pherdi choli te pijell, un kreh len mato, te dikess len nango!

Habakuk 2:19

Djungeles djal koleske, kai penell ap i kotar kasht: “Ste pre!”, un penell ap ko mulo bar: “Ab djido!” Har nai penell i mulo dewel tuke, hoi te kress? Ninna te hi rup un sonakai pral leste maklo, hi kek ducho an leste.

Habakuk 2:6

O diwes well, kai giwenn kolla lauter i sapaskri gili pral koleste, kai rikras len tele, un rakrenn laba, kolentsa jon pral leste san. Jon penenna: Djungeles djal tuke, kai leh tuke, hoi gar tiro hi! Har rah kameh jaake dureder te krell, un brawelo te well ko koweha, hoi kolla hunte denn tut, kolen sijaan pash tute hi?

Habakuk 2:9

Djungeles djal tuke, kai tu chochepah tiro brawlepen khetne aneh! Ap tiro kheer well bibacht. Pral ap i berga kral tu tiro kheer, te nai well kek bibacht pral tute!

Mateo 11:21

Un job penas: Bibachtelo wenna tumer menshe an o foro Korazin! Bibachtelo wenna tumer menshe an o foro Betsaida! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un tchiwans jagakri tchik ap pengre shere, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

Mateo 23:23

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen. Tumer denna o Debleste o deshto kotar dran hako senlepen an tumari baar. Un tumer bistrenn ko bareder koowa, hoi o Dewel tumendar kamella: O tchatchepen, un o kamlepen, un o patsepen. Kawa hunte krenn, un ko wawar gar mukenn!

Mateo 23:27

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen! Tumer han har i mulengre khera, hoi parno kerdo wan. Kolla hi win shukar. Dren hi le pherdo tchik un kokale.

Mateo 23:29

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen! Tumer krenn shukar mulengre khera kolenge, kai his o Debleskre rakepangre. Un i mulengre khera, kai latche menshe paskedo hi, krenn tumer shukar un railo.

Mateo 26:24

O Mensheskro Tchawo hunte merella, jaake har hi lestar tchinlo an o Debleskro lab. Hawi bibacht well ap koleste, kai ap leste phukrella! Koleske wals feteder, te wals lo gar boldo.”

Louka 11:52

Tumer tchatchepangre, hoi tumer krenna, ko hi gar mishto. Tumer lan o klidepaskro krik, hoi krell o wudar ap o Debleskro drom pre. Tumer djan gar ap ko drom. Un kolla, kai kamenn ap o Debleskro drom te djal, mukenn tumer gar koi pre.”

Johanni 19:6

Har kol bare rashaja un kol kliste o Jesuses dikan, dan jon gole: “De les ap o trushel! De les ap o trushel!” “Lenn tumer les,” penas o Pilato, “un denn les ap o trushel! Me hatsau kek doosh ap leste.”

Johanni 9:22

Len his daar kol pralstune biboldendar. Doleske rakran jon jaake. I pralstune bibolde kaman hakenes pale-tchiddo te krell, kai penella o Jesusestar: Job hi o baro rai, kolestar o Dewel penas, te well job.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.