Jesaja 1:9 - O Debleskro Drom 2021 (Sinte)

⁹ Te mukals o baro Dewel, ko rai pral o bolepen un i phub, gar mendar pral, djals menge har i forjenge Sodom un Gomorra.

O Debleskro Lab 2024 (Sinte-Manouche)

⁹ Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 1:9 ပူးပေါင်းရင်းမြစ်များ

1. Mose 18:26

Koi penas o baro Dewel: “Te hatsau me 50 (paash-sheel) menshen an o foro Sodom, kai krenna, hoi mishto un tchatcho hi, dau o tselo fores kek phagi.”

1. Mose 18:32

Koi penas o Abraham: “Miro rai, me mangau tut, ab gar chojedo! Me kamau gomme jek kopo tuha te rakrell. Hoi, te hatseh kote deesh?” Penas job: “Te hi kote deesh, kamau ko foro tchi te krell.”

1. Mose 19:24

Koi mukas o baro Dewel jag un jagakri khand pral i forja Sodom un Gomorra te perell dran o bolepen.

1. Rajengro liil 19:18

Un me mukau efta serja (7.000) murshen djido an Israel, kolla kai peran gar ap pengre tchanga glan o debleste Baal un tchumras les gar.”

2. Rajengro liil 19:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!’”

Jesaja 1:8

Kokres o foro Jerusalem atchas pral, i foro trul koleste i lurde tardo hi. Ko foro hi kokres har i tikno kheer an i drakengro them, har i kheer, kai jek jak dell an i rati ap kowa, hoi ap peskri phub bares well.

Jesaja 11:11

Un ap ko diwes hadell o Dewel peskro wast i duito kopo, te ginell lo kolen win, kai peskre menshendar pral atchan an i themma Assur un Egiptia, Patros, Kush, Elam, Shinar, Hamat, un an kol panjeskre themma.

Jesaja 11:16

Un palle dell i drom dran o them Assur win kolenge, kai leskre menshendar Israel kote djides atchan, jaake har i drom das peskre menshenge ap ko diwes, har djan jon dran o them Egiptia win.

Jesaja 17:6

Kokres i wast pherdo menshe atchenn djido. O Israel hi har i djeteskro ruk, kolestar dan le i djeteskre drake tele. Un dui te triin drake atchan pral ap i pralstune kashta, un star te pantch ap i telstune kashta. Me, o baro Dewel, hom o Israeleskro Dewel, un penom kowa.

Jesaja 24:13

I menshentsa an i themma djal jaake har an ko tsiro win dikell, kai wan i drake i djeteskre rukendar un i moljakre rukendar tele dino. Un kokres i wast pherdo atchenn ap i ruka.

Jesaja 24:6

Doleske chal i bibacht i tseli phub pre. Un kolla, kai koi djiwenn, lenn pengri phagi. Bud un budeder merenn. Un gar bud atchenn djido.

Jesaja 37:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!”

Jesaja 46:3

Tumer dran o kheer Jakob, tumer, kai pral atchan dran o kheer Israel, shunenn ap mande, tumer, kolen rikrom jaake rah har ap i phub han. Awa, jaake rah har boldo wan, hidjrom tumen.

Jesaja 6:13

Ninna te atchell o deshto kotar gomme koi, djal lenge har i tikne kashta, kai wenn dran i tele-dino ruk. I jag chatchrell len pre. Ko telstuno kotar o rukestar atchell. Un dran leste well newo djipen, hoi hi o Debleske koi.

Jesaja 65:8

Kawa penell o baro Dewel: Jaake har kek hacho peskre drake tele dell un krik witsrell, kai gomme mool an lende hi, jaake kamau me ninna te krell mire menshentsa, te mukap len gar lauteren te marell. Hi sawe mank lende, kai mange koi hi.

Jeremia 23:14

Ko djungelo koowa, hoi dikau pash mire rakepangre an Jerusalem, hi gomme bareder: I mursha chochenn pengre romjen, un i djuwja pengre romen; jon rakrenn chochepen, un krenn i tchilatchen sorelo. Jaake rikrenn le i menshen pale, te mukenn le pengro tchilatcho drom. Kal rakepangre hi jaake tchilatcho har i menshe an Sodom un Gomorra his.

Jeremia 42:2

un penan ap o Debleskro rakepaskro, o Jeremia: Muk maro mangepen glan tute te well, un mange tiro baro Deblestar kal tsele menshenge, kai pral atchan! Glan i tsiro hams bud, kanna atchan gar bud pral mendar, har tu nai tire jakentsa dikeh.

Jeremia 50:20

An ko tsiro un an kol diwessa well koi doosh rodedo, hoi o Israel un o Juda ap pende anan. Un kote well kek doosh hatslo. Me lau lat kolendar krik, kai mukom pral atchell. Kowa penau me, o baro Dewel.

Ropaskre gilja 3:22

O baro Debleskro latchepen herell gar pre, leskro kamlepen hi hako tsiro menge koi.

Ropaskre gilja 4:6

Koi doosh, hoi mire menshe ap pende anan, hi bareder har koi doosh, hoi anan i menshe an o foro Sodom pral pende. Kolengro foro djas sik tele, un kek wast was lenge ap i rig.

Ezekiel 14:22

palle hi sawe koi, kai atchenn djido lendar. Kolla wenn khetne pengre tchawentsa un tchentsa win anlo pash tumende an o them Babilonia. Te dikenn tumer palle, har jon djiwenn, un hoi le krenn, well tumari duk pral koi bari bibacht tikneder, hoi anom pral o foro Jerusalem.

Ezekiel 6:8

Gar halauter tumendar mukau o chareha mulo te dell. Kolla, kai atchenn djido, mukau pandles krik te anell an wawar themma.

Amos 4:11

His sawe forja pash tumende, kai krom jaake paash, har krom i forja Sodom un Gomorra paash. Un tumer hans har i kotar kasht, hoi was win tserdedo dran i jag. Ninna palle wan tumer gar pale pash mande, penell o baro Dewel.

Habakuk 3:2

Baro Dewel, me shunom, hoi tu lauter kral, Har baro hal tu, baro Dewel! Kre sawo koowa pale an maro tsiro, sawo baro koowa, muk les men ninna te dikell an maro tsiro! An tiri choli biste gar tiro kamlepen!

Zefanja 2:9

Me, o baro Dewel, kai hom o rai pral o bolepen un i phub un o Israeleskro Dewel, me dau man sowel pash miro djipen: Ko diwes wella, kai djal kol themenge Moab un Ammon har i forjenge Sodom un Gomorra. Hako tsireske wenn kal themma i mulo them, kai loneskre grube hi, un diwjo senlepen bares wella. Kolla, kai mire menshendar djido atchan, jon randenn len win, un lenn penge ninna lengro them.

Mateo 7:14

Tikno hi ko wudar un gar buchlo hi ko drom, kai i menshe hatsenn o djipen. Un gar bud hi kolla, kai ap ko drom djana.

Remarja 9:27

Pral i Israelitarja rakras o Debleskro rakepaskro, o Jesaja, kol laba: Ninna te wans i Israelitarja jaake bud har i tikne barra pash o baro pani, kol budendar atchella jek wast pherdo pral, un well dran o Debleskri choli win.

Remarja 9:29

Kowa hi jaake har o Debleskro rakepaskro, o Jesaja, penas: Te mukals o Dewel, ko rai pral o bolepen un i phub, gar tchawe mendar te atchenna pral, palle merans mare tsele menshe jaake har i menshe an i forja Sodom un Gomorra.

5. Mose 29:23

Palle penenn i menshe dran i tsele wawar themma: “Hoske kras o baro Dewel kawa kau themeha? Hoske was lo jaake chojedo?”

2. Petro 2:6

Un o Debleskri choli was pral kol forja Sodom un Gomorra. Un job chatchras kol forja jaake te atchas tchi har barra un jagakri tchik. Jaake sikras job kolende, kai pal lende wenna, hoi djal kolentsa, kai gar ap leste shunenna.

Debleskro tsiro 11:8

Un kal mule mursha hi ap o drom tchiddo an ko baro foro, kai ninna lengro rai ap o trushel maredo was. Kau foro hi har o foro Sodom un har o them Egiptia.