Jesaja 1:7 - O Debleskro Drom 2021 (Sinte)

⁷ Tumaro them hi i mulo them, tumare forja wan tele chatchedo. Glan tumare jaka chan i wi-themarja kowa, hoi ap tumari phub bares was. Lauter hi mulo un paash, har te perans i diwje koi pral.

O Debleskro Lab 2024 (Sinte-Manouche)

⁷ T'maro them hi i moulo them, t'mare forya van tele rhačedo. Glan t'mare yaka rhan i vi-themarya kova, hoy ap t'mari phoub bares vas. Lauter hi moulo oun paash, har te perans i divye koy pral.

Jesaja 1:7 ပူးပေါင်းရင်းမြစ်များ

2. Familjakro liil 28:5

Doleske das les leskro baro Dewel an o wast o baro rajestar pral o them Syria. Kol Syrarja dan i lurden dran Juda khetne, un lan bud lendar pandles, un anan len an pengro foro Damaskus. Ninna i lurde dran Israel kuran pen i lurdentsa dran Juda, un wan i sorleder un maran bud lendar.

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Debleskri gili 107:39

Pale wan le tikno rikedo, un i bibacht his soreles ap lende. Un jon wan tikno un tikneder.

Debleskri gili 109:11

Kowa, kai leske lowe patsas, kowa lell lestar lauter, hoi les hi. Menshe, kai gar lestar hi, lenn lauter, koleske job budras.

Jesaja 1:8

Kokres o foro Jerusalem atchas pral, i foro trul koleste i lurde tardo hi. Ko foro hi kokres har i tikno kheer an i drakengro them, har i kheer, kai jek jak dell an i rati ap kowa, hoi ap peskri phub bares well.

Jesaja 3:8

O foro Jerusalem peras, un o them Juda hi koi tchiddo. Hoske? Jon dukran o baro Debles pengre labentsa, un ninna koleha, hoi le kran. Kowa, hoi o sorelo Dewel lenge penas, kaman le gar te krell.

Jesaja 34:9

Un kol panja, hoi nashenn an o them Edom, wenn har pesso kalo djet, un leskri phub chatchrell un well djelti jagakri tchik. Ko tselo them well pesso kalo djet,

Jesaja 49:19

Tchatchepah, i gaba un forja an tiro them wan paash dino un tele chatchedo. Un buder gar bud menshe djiwenn koi. Ko tsiro well, kai hi kau them gar bares doha kol bud menshenge, kai djiwenn kote. Un kolla, kai kaman tut pre te chal, atchenn dur krik tutar.

Jesaja 5:17

Mank i barra ko paash-dino forestar nashenn i bakre trujel un rodenn o chapen. Un i busja chan mank i khera, hoi kol brawele pale hunte mukan.

Jesaja 5:9

O baro Dewel, ko rai pral o bolepen un i phub, das pes sowel un penas glan mire kanda: Kol bud khera wenn paash dino, un kek djiwell buder an kol bare shukar khera!

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jesaja 60:15

His i tsiro, kai hals muklo, un kek kamas tut un djas pash tute. Kanna krau tutar, te wess hako tsiro sharedo un shukar, i foro, kai hi hakeno bachtelo jaake rah har menshe ap kai phub hi.

Jesaja 62:8

O baro Dewel das pes sowel un das peskro tchatcho wast pre, un hadas peskri soreli mussi, un penas, te dell kek tsiro buder, kai mukell lo kolen tiro djob te chal, kai kurenn pen tuha, un witar gar i menshen dran wawar themma tiri mool te pijell, kolake tu jaake phares budral.

Jesaja 64:10

Maro railo Debleskro kheer, kai sharan tut mare phure, chatchras i jag pre, un maro shukar koowa hi khetne stakedo tchiddo.

Jesaja 9:18

I choli o baro Deblestar, ko rajestar pral o bolepen un i phub, hi har i jag: O them chatchell, un i menshe chatchrenn ninna. Un kek rowas o wawareske, un hakeno dikas kokres ap peste.

Jesaja 9:5

I ternepen was menge boldo, i mursh tchawo was men dino. Kowa well i baro rai, un kharell: latcho rakepaskro, sorelo Dewel, dad-hako-tsireske, rai-kai-lell-o-kurepen-krik.

Jeremia 2:15

O lewo dell gole pral leste, dell sorelo gole un krell leskro them paash. Un leskre forja wenn pre chatchedo jaake, kai nai djiwenn kek koi dren.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jeremia 44:6

Doleske was miri choli jaake baro, un chatchas har i jag an i forja an o them Juda un ap i dromma an o foro Jerusalem, te atchas lendar tchi har barra pral. Un kek nai djiwell kote, jaake har ap kau diwes hi.

Jeremia 6:8

Jerusalem, muk tut trad te dell! Te shuneh tu gar, krau me miro dji tuke pandlo. Un dran tute krau i nango them, kai kek nai djiwell buder.

Jeremia 7:34

Un o them Juda well i mulo them. An lengre forja un ap kol dromma an Jerusalem giwell un sal kek buder i bachtjatar. Un koi bachteli gole o pirnestar un i pirnjatar shunah mer buder gar.”

Ropaskre gilja 5:2

Ko them, hoi men dal, hi an i wawarengro wast. Un an mare khera djiwenn wi-themarja.

Ezekiel 25:4

Doleske dau tumaro them an i wasta kolendar, kai kotar wenn, kai o kham pre djal, te tchiwenn le pengre plachtene khera pash tumende pre, un djiwenn an tumaro them. Jon chan ko djob, hoi ap tumari phub bares was, un pijenn i thud tumare viechendar.

Ezekiel 30:12

Me krau, te wenn i lengste panja an o them Egiptia truk, un dau o them an o wast tchilatche menshendar. Un wi-themarja krenn o them un kowa, hoi dren hi, paash. Me, o baro Dewel penom kowa.

Hosea 7:9

I wawar menshe chan leskri soor, un job haiwell kowa gar. O Efrajim hi har i phuro mursh, koleskre balla parno wan. Un job haiwell gar, kai leskro tsiro sik trujel hi.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

3. Mose 26:34

Palle nai lell tumaro them peskri soor pale. Har tumer koi dren djiwan, mukan les gar pale soor te lell. An kol bersha, kai hunte mukans les tchiddo, kran tumer kowa gar. Palle, an ko tsiro, kai tumer pandle han an o them kolendar, kai anan tumen krik, un tumaro them muklo tchiddo hi, nai lell lo i tsele bersha palla, un nai lell pale soor.

Micha 5:11

Un o tselo bengeskro koowa lau tumendar krik, kek drawepangre atchenn pash tumende.

Micha 6:13

Tumer lan bud doosh ap tumende. Doleske dau tumen tumari phagi, un krau tumaro foro paash.

5. Mose 28:33

Lauter, hoi ap tiri hachetikri phub baro was, koleske tu phares budral, chan sawe menshe, kai wenn dran i dur them. Un tu weh sorjah tele rikedo, un hunte budress tel duka tiro tselo djipen.

5. Mose 28:43

Kol wi-themarja, kai mank tumende djiwenn, wenn sorleder un sorleder pral tumende. Un tumer nashrenn tumari soor pral lende.

5. Mose 29:23

Palle penenn i menshe dran i tsele wawar themma: “Hoske kras o baro Dewel kawa kau themeha? Hoske was lo jaake chojedo?”