Jesaja 1:3 - O Debleskro Drom 2021 (Sinte)

³ Haki grumni prindjrell koles, koneske joi hi. Un haki burika djinell koi platsa, kai lakro rai dell lat te chal. O Israel prindjrell kowa gar. Mire menshe haiwenn kowa gar.

O Debleskro Lab 2024 (Sinte-Manouche)

³ Haki groumni prindjrell koles, koneske yoy hi. Oun haki bourika djinell koy platsa, kay lakro ray dell lat te rhal. O Israel prindjrell kova gar. Mire menshe hayvenn kova gar.

Jesaja 1:3 ပူးပေါင်းရင်းမြစ်များ

Debleskri gili 94:8

Denn jak, tumer dinele mank i menshende, tumer narwele, kamenn gar gosewo te well?

Gosewe laba 28:5

Tchilatche menshe haiwenn gar, hoi o tchatchepen hi. Kolla, kai o baro Debles rodenn, kolla haiwenn lauter mishto.

Gosewe laba 6:6

Tu tchi-moldo, kai kameh gar te budrell, tuke penau: Dja pash i kiri, dik hawi budi joi krell! Un ab gosewo!

Jesaja 27:11

Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

Jesaja 42:20

Ninna te dikan tumer bud koowa, lan les gar an o dji. Ninna te his tumare kanda pre, shunan gar.

Jesaja 44:18

Kolla, kai mangenn i figuren an, haiwenn tchi, kek goswepen hi an lende, lengre jaka hi pandlo, te nai dikenn le tchi. Un lengro dji haiwell tchi.

Jesaja 5:12

Jon mukenn penge mishto te djal un krenn bashepen ap dorjengre bashepangre un phurdepangre un wawar bashepangre. Un mool hi ninna pashel. Ap kowa, hoi o baro Dewel krell, dikenn le gar. Kolestar kamenn le tchi te djinell.

Jesaja 5:13

Doleske penell o baro Dewel: Mire menshe haiwan tchi. Doleske wenn le pandles krik lino, un i brawele mank lende merenn i bokatar, un kol bud menshe merenn i trushatar.

Jesaja 56:11

Bud chapen kamenn le, un lenn gar doha. Jaake hi kolla, kai ap mire menshende jak denn. Jon haiwenn tchi, hakeno dikell ap peste kokres, un rodell, har nai anell lo peskre lowe khetne.

Jeremia 10:14

Glan sau baro koowa hi hako mensho dineles koi tardo. Sawo koowa nai haiwell lo gar te krell. Kolla lauter, kai kran figure, te mangenn le len an, hunte ladjenna pen. Lengre figure hi kek tchatche debla, kek djipen hi an lende.

Jeremia 10:8

Lauter hi jon dinelo un narwelo, kolla, kai mangenn o kasht an. Kol debla nai sikrenn lende tchi.

Jeremia 35:16

Kolla, kai wenn pal o Jonadab, jon rikran dren, hoi lengro phuro dad lenge penas. Tumer, i menshe dran Juda, shunenn gar ap mande!

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

Jeremia 50:6

Mire menshe hi har nashede bakre. Lengre bakrengre anan len o tchatcho dromestar tele. Jaake nashran le pen ap i berge. Pral tikne un bare berge hunte nashan le, un bistran, kai le khere hi.

Jeremia 8:7

O storcho tel o bolepen djinell peskro tsiro, un kol wawar tchirkle rikrenn o tsiro dren, kai wenn le pale.

Ezekiel 16:30

Har chatchell miri choli pral tute, te kral tu kowa lauter, penell o baro Dewel, maro rai. Tu wal i bari wi-ladjedi lubni.

Daniel 9:11

Un o tselo Israel djas tiro dromestar tele, un kras, hoi job kamas, un shunas gar ap tute. Un jaake was koi tseli bibacht pral mende, hoi tchinlo hi an o liil o Mosestar, koles tiro tchatcho wast his. Mer kram tchilatchepen ap tute. Doleske was kai bibacht jaake pral mende, har tu tut sowel dal.

Hosea 2:8

Doleske tchiwau subjengre burra ap lakro drom un krau i massuri, te nai hatsell li peskro drom gar.

Mateo 13:19

Ko djob, hoi peras ap o drom, sikrell tumende jekes, kai shunas ko lab, te dell les o Dewel pash peste gole. Un job haiwas ko lab gar. Un o beng was, un las ko lab dran leskro dji win.

Remarja 1:28

Jon kamenn tchi o Deblestar te djinell. Doleske mukas o Dewel len te perell, te djiwenn le pal pengro tchilatcho shero, un krenna, hoi gar mishto hi.

2. Petro 3:5

Kol menshe kamenn gar te haiwell, kai kras o Dewel o bolepen un i phub glan i rah tsiro. Jaake har job penas, djas i phub win dran o pani un atchas ap jek rig tchiddo, un o pani ap i wawar rig.