Jesaja 1:29 - O Debleskro Drom 2021 (Sinte)

²⁹ Tumer, kai mangan i bare ruka an, hunte ladjenn tumen koleske. Awa, tumer wenna lolo an o mui dran ladj pral kol wawar deblen, hoi rodan win un mangan len an ap lengre shukar platse.

O Debleskro Lab 2024 (Sinte-Manouche)

²⁹ T'mer, kay mangan i bare rouka an, hounte ladjenn t'men koleske. Ava, t'mer venna lolo an o mouy dran ladj pral kol vavar deblen, hoy rodan vin oun mangan len an ap lengre shoukar platse.

Jesaja 1:29 ပူးပေါင်းရင်းမြစ်များ

Jesaja 30:22

Palle dikenn tumer ap tumare rupene un sonakangre figure har ap tchomone, hoi pale-tchiddo hi. ‘Krik kolentsa’ penenn tumer un witsrenn len krik har tchik.

Jesaja 31:7

Tumer kran tumen rupene un sonakangre figure, hoi an-mangan. Kowa his i bari doosh. O diwes well, kai witsrell hakeno tumendar kal figure krik, hoi lo peskre wastentsa kras.

Jesaja 42:17

Kolla, kai rikrenn pen ap i chochene debla, un penenn ap kolende, hoi i menshengre wastentsa kerdo wan: ‘Tumer han mare debla’, kolla wenn pale-tchiddo un hunte ladjenn pen.

Jesaja 45:16

Jon halauter, kai pen chochene deblen kran, hunte wenn wi-ladjedo koi tardo, un hunte wenn lolo i ladjatar.

Jesaja 57:5

Tel hako baro ruk lubrenn tumer trujel, te sharenn i chochene deblen! Un an i tala mank i bare barra marenn tumer lenge tumare tchawen, har te wans le vieche.

Jesaja 65:3

Kol menshe mukenn gar tele, te krenn le kowa, hoi man choirell: Jon anenn viechen i wawar deblenge ap lengre shukar platse, un chatchrenn lenge sungepaskro koowa ap barra.

Jesaja 66:17

Kolla hi sawe, kai krenn pen djudjo, te mangenn le i chocheno debles an, hoi hi tardo mashkral ap i shukar platsa. Kolla hi ninna sawe, kai chan ko mass i balendar un i kermuse un wawar pale-tchidde viechendar. Kolla lauter wenn khetne trujel, penell o baro Dewel.

Jeremia 2:20

O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.

Jeremia 3:6

An ko tsiro, kai o Josia o baro rai his, penas o baro Dewel ap mande: Dikal tu, hoi i Israelitarja kran? Jon hi har i djuwel, kai mukas peskro romes, un djas ap kol tsele berge un tel hake senele ruka un das pes trujel wawar murshentsa.

Ezekiel 16:63

Me lau tiri tseli doosh tutar krik, hoi ap tute anal. Te well tuke palle tiro phuro djipen an o shero, ladjeh tu, un nai kreh tiro mui buder gar pre i ladjatar. Kawa penau me, o baro Dewel, tiro rai.

Ezekiel 36:31

Un palle well tumenge an o shero, har tchilatcho kowa his, hoi kran un har djiwan. Un ko tselo tchilatcho koowa, hoi kran, un har i chochene deblen an-mangan, well tumenge tchadepaske.

Ezekiel 6:13

Palle hi i mulo-dine tchiddo mashkral pengre chochene deblende, un trul lengre chatchepangre trujel ap haki tikni un bari berga, un tel hako baro ruk bud patjentsa, un tel hake wawar senele ruka, kai mangan le pengre chochene deblen an, un chatchran lenge latcho sungepaskro koowa. Un tumer dikenn un haiwenn, te hom me o baro Dewel.

Hosea 14:3

Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.

Hosea 14:8

Un me hom lenge har i ruk, kai leskre mussja pral lende rikrell, un tel koleste jon beshdo hi. Un lenge well djob pale bares. Un jon wenn har i drakengro ruk, koles bud bud drake hi. Latches well pral lende rakedo, har pral koi mool dran o Libanon.

Hosea 4:13

Pral ap i berge marenn le viechen pengre chochene deblenge, un ap i tikne berge chatchrenn le lenge sungepaskro koowa, tel i bare un buchle ruka, kai gar jaake tato hi un shukar te beshell. Doleske wenn lengre tcha lubja, un lengre tchawengre romja chochenn pengre romen.

Hosea 4:19

I sorelo ducho taprell len un hidjrell len krik. Un ladj well ap lende doleske, kai maran jon viechen kol chochene deblenge.

Remarja 6:21

Kowa, hoi kran, his tchi moldo. Tumer kran sawo koowa, koleske kai diwes ladjenn tumen. Sawo koowa anell an o merepen dren.